មហាជនភ្ញាក់ផ្អើលក្រោយ រ៉ូស ត្រូវមនុស្សមួយក្រុមព្រួតវាយ​នៅក្នុងឡាន

មហាជន និងអ្នកគាំទ្រផ្ទុះការភ្ញាក់ផ្អើលកាល ពីយប់ថ្ងៃទី០៥ខែសីហាឆ្នាំ២០២៣ ខណៈតារាសម្តែងសិចស៊ី ត្រូវបានមនុស្សប្រុស-ស្រីមួយក្រុមបានបង្កហិង្សាវាយតប់នាង ដែលកំពុងនៅក្នុងឡានបណ្តាលឲ្យរងរបួស​បែកច្រងមុះមានឈាមហូរហាម។

តាមរយ:វីដេអូ ដែលត្រូវបានចែកចាយនៅលើបណ្តាញសង្គមគេឃើញ​មនុស្សប្រុស-ស្រីមួយក្រុមមានគ្នីគ្នាប្រមាន៣​ឬ៤នាក់ បានធ្វើសកម្មភាពព្រួតគ្នាចាប់តារាស្រីសម្បូររឿងអាស្រូវកញ្ញា រ៉ូ បង្កជាហិង្សាវាយធ្វើបាបនាង ហើយថែម​ទាំងឆក់យកទូរស័ព្ទពីដៃកញ្ញា រ៉ូស ទៀតផង។ នៅក្នុងវីដេអូដដែលនេះតារាស្រី រ៉ូស បានព្យាយាមស្រែក​ហៅឲ្យគេ​ជួយដែរអំឡុងពេលពួ កមនុស្សមួយក្រុមនោះកំពុងវាយធ្វើបាបនាង។

តាមរយ:ទង្វើនេះ បានធ្វើឲ្យមហាជន និងអ្នកគាំទ្រជាច្រើនសម្តែងការមិនពេញចិត្ត ទៅលើក្រុមមនុស្ស-ប្រុសស្រី ដែលបានប្រើហិង្សាលើកញ្ញា រ៉ូស ខណ:មានអ្នកខ្លះបានស្នើដល់សមត្ថកិច្ចឲ្យចាត់វិធានការលើទង្វើ​អសីលធម៌​ពីសំណាក់ក្រុមជនបង្កហិង្សាលើកញ្ញា រ៉ូស ផងដែរ។

កម្ពុជាថ្មី​នៅ​ព្រឹកថ្ងៃទី០៦ខែសីហាឆ្នាំ២០២៣នេះបានទំនាក់ទំនងតាមទូស័ព្ទ ដើម្បីសូមការ​បញ្ជាក់បន្ថែម​ជុំវិញហេតុការ​ហិង្សានេះដែរ ប៉ុន្តែពេលទូរស័ព្ទចូលពុំមានអ្នកទទូល។ យ៉ាងណាយើងនឹងព្យាយាម ដើម្បីសួរនាំពីកញ្ញា រ៉ូស អំពីព័ត៌​មាន​លម្អិតទៀត។

ឧកញ៉ា នឹម វណ្ណៈ ទីប្រឹក្សា​នៃ​ក្រុម​មេធាវី អេជ អេន អេស (HNS) បានលើកឡើងលើហ្វេសប៊ុកផ្លូវការថា ការប្រើ​អំពើហិង្សាដោយព្រួតគ្នាវៃ ឬមានសហការីច្រើន ជនរងគ្រោះអាចប្តឹងបានពីបទហិង្សា មានស្ថានទម្ងន់ទោស៕

អត្ថបទ ៖ ចាន់រ៉ា