ព័ត៌មានជាតិ
អំបិលបីប្រភេទរបស់កម្ពុជា គ្រោងនាំចេញទៅទីផ្សារអន្តរជាតិជាលើកដំបូង
លោក ប៊ុន ណារិន ប្រធានសមាគមអ្នកផលិតម៉ាកសម្គាល់ភូមិសាស្ត្រទំនិញអំបិល កំពត-កែប នៅថ្ងៃទី ១៩ ខែសីហា ឆ្នាំ២០២៣ បានប្រាប់ឲ្យដឹងថា កម្ពុជានឹងនាំចេញអំបិលកំពត-កែប ដែលជាមុខទំនិញម៉ាកសម្គាល់ភូមិសាស្ត្រ(GI) ចំនួន ៣ ប្រភេទទៅទីផ្សារអន្តរជាតិជាលើកដំបូងនៅចុងឆ្នាំ២០២៣នេះ។
នៅក្នុងជំហានដំបូងនេះនាំទៅសាធារណរដ្ឋឆែក និងសហរដ្ឋអាមេរិក ហើយជំហានបន្ទាប់រំពឹងថា នឹងអាចនាំចេញទៅបារាំង ជប៉ុន ស្វីស និងអង់គ្លេស។
លោកប្រធានសមាគមបានបញ្ជាក់ថា ក្នុងជំហានដំបូង អំបិល (GI) កំពត-កែប ៣ ប្រភេទមានអំបិលគ្រួស អំបិលម៉ត់ និងផ្កាអំបិល រង្វង់២០តោននឹងត្រូវនាំចេញទៅកាន់សាធារណរដ្ឋឆែក ចំណែកអំបិលក្រហម ម្សៅអំបិល និងអំបិលស្លឹក ត្រូវបានដាក់សាកល្បងទៅកាន់ទីផ្សាអាមេរិក។
លោកបានលើឡើងបន្តថា សមាគមរំពឹងនៅឆ្នាំបន្តបន្ទាប់ អំបិល (GI) កម្ពុជានឹងអាចនាំចេញទៅកាន់ទីផ្សារបារាំង ជប៉ុន ស្វីស និងអង់គ្លេសផងដែរ។
លោក ប៊ុន ណារិន ប្រធានសមាគមបានឱ្យដឹងដែរថា ដោយសារផលិតផលអំបិល(GI) បានពិបាកក្នុងការផលិត ព្រោះមានការសម្រិតសម្រាំងលើគុណភាព បរិស្ថានអនាម័យស្រែអំបិល រួមទាំងការវេចខ្ចប់ផងដែរនោះ សមាគមតម្រូវឲ្យអ្នកផលិតត្រូវលក់អំបិល(GI) ក្នុងតម្លៃខ្ពស់ជាងអំបិលធម្មតាពី៥០ ទៅ១០០% ដោយសមាគមនឹងខិតខំស្វែងរកទីផ្សារជូន ប៉ុន្តែក្នុងករណីអ្នកផលិតចង់លក់អំបិល (GI) ក្នុងតម្លៃធម្មតា(១៨០០០ ទៅ២៥០០០រៀល ក្នុង១បាវ ៥០គីឡូក្រាម) សមាគមស្នើសុំមិនឲ្យយកសម្បកបាវ (GI) ច្រកទេ។
ទោះជាយ៉ាងណាក៏ដោយ បើតាមការបញ្ជាក់របស់ លោក ប៊ុន ណារិន មកដល់ថ្ងៃនេះសមគមទើបបានទទួល ពាក្យស្នើសុំចូលជាសមជិកក្រុមអ្នកផលិតអំបិល(GI)ចំនួន៥ក្រុមប៉ុណ្ណោះ ក្នុងចំណោមក្រុមអ្នកផលិតអំបិលជាង១០០ក្រុម ខណៈដែលសហគ្រាសចំនួន១ ដែលបានមកដាក់ពាក្យស្នើសុំកែច្នៃ និងវេចខ្ចប់អំបិល (GI) សមត្ថភាពកែច្នៃ និងវេចខ្ចប់អំបិលបានរង្វង់ ៥ពាន់តោនក្នុង១ឆ្នាំ។
លោក ប៊ុន ណារិន ប្រធានសមាគមរំពឹងថា នឹងមានក្រុមអ្នកផលិតអំបិល និងសហគ្រាកែច្នៃ និងវេចខ្ចប់បន្តមកដាក់ពាក្យស្នើសុំបន្ថែមទៀតនាពេលខាងមុខ ដើម្បីធ្វើយ៉ាងណាឲ្យកម្ពុជាអាចផលិតអំបិល (GI)បានរង្វង់២ម៉ឺនតោនក្នុងមួយឆ្នាំ សម្រាប់ផ្គត់ផ្គង់តម្រូវការប្រើប្រាស់ក្នុងស្រុក និងសម្រាប់នាំចេញ។
ប្រធានស្ដីទីមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លោកស្រី ស៊ុម ណារី បានប្រាប់ឲ្យដឹងថា សម្រាប់ឆ្នាំ ២០២៣នេះ ក្នុងការប្រមូលផលអំបិលបានជាង ៧ ម៉ឺន ៨ពាន់តោន ហើយកន្លងទៅថ្មីៗនេះ មន្ទីរបានរៀបចំកិច្ចប្រជុំផ្សព្វផ្សាយអំពីការផលិតអំបិល (GI) ជាមួយក្រុមអ្នកផលិតចំនួនបីដងរួចមកហើយនោះ ដើម្បីឲ្យពួកគាត់យល់ដឹង និងចូលរួមជាសមាជិករបស់សមាគមអ្នកផលិតអំបិលផងដែរ៕
អត្ថបទ៖ សឹង រ៉ាត់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង