ព័ត៌មានជាតិ
អ្នកប្រកបរបរធ្វើបង្គីខេត្តកំពតសម្រេចចិត្តបោះបង់អាជីពដោយសារគ្មានទីផ្សារ
អាជ្ញាធរឃុំថ្មី ស្រុកទឹកឈូ ខេត្តកំពត បានលើកឡើងថា ប្រជាពលរដ្ឋដែលប្រកបរបរធ្វើបង្គីលក់នេះមានការលំបាកដោយគ្មានការគាំទ្រផ្នែកផ្សារ ហើយរកប្រាក់ចំណូលបានតិច ដោយសារតែឫស្សីកាន់តែមានតម្លៃថ្លៃ ខណៈតម្លៃបង្គីឡើងថ្លៃបានតិចតួចបំផុត។
ដោយសារពួកគាត់មានការព្រួយបារម្ភថា បើសិនមិនមានការខាងផ្នែកទីផ្សារជួយគាំទ្រឲ្យប្រសើរឡើងនោះទេ បង្គីអាចនឹងបាត់បង់ដោយសារប្រជាពលរដ្ឋប្រឈម នឹងឈប់ធ្វើបង្គីលក់បន្តទៀតហើយ។
ប្រជាពលរដ្ឋជាអ្នកប្រកបរបធ្វើបង្គីលក់ឈ្នះអ្នកស្រី ជុំ សារ៉ុម រស់នៅក្នុងឃុំថ្មី ស្រុកទឹកឈូខេត្តកំពតបានលើកឡើងថាសព្វថ្ងៃពួកគាត់ធ្វើបង្គីលក់ដើម្បីស្រួលជីវភាពគ្រួសារ អ្នកស្រីចេះធ្វើបង្គីនេះតាំងពីនៅវ័យកុមារភាព ចេះតពីឪពុកម្តាយរហូតមកដល់សព្វថ្ងៃនេះ។
ប្រជាពលរដ្ឋដែលធ្វើបង្គីបាន ដើម្បីគេត្រូវប្រើប្រាស់ដោយដើមឫស្សីពកដែលដុះនៅតាមតំបន់ព្រៃភ្នំ ហើយត្រូវការឈើសម្រាប់ប្រើប្រាស់ក្នុងបង្គី ព្រមទាំងវល្លិ៍សម្រាប់ធ្វើដៃបង្គីក្នុងមួយថ្ងៃអ្នកស្រីអាចធ្វើបង្គីបានចាប់ពីចន្លោះ ៣ គូរទៅ៥គូក្នុងមួយថ្ងៃ។
រីឯចំណែកអ្នកស្រី ងឹន ភាព ដែលរស់នៅក្នុងភូមិឃុំជាមួយគ្នា បានលើកឡើងឱ្យដឹងដែរថា កាលពីជំនាន់គាត់នៅក្មេងៗ ប្រកបរបរធ្វើបង្គីអាចរកប្រាក់ចំណេញបានគួរសម ដោយសារដើមឬស្សីដែលគ្រឿងសម្រាប់ធ្វើបង្គីអាចទៅរកបានដោយខ្លួនឯងនាពេលបច្ចុប្បន្ន នេះ អ្នកធ្វើបង្គីត្រូវការទិញដើមឫស្សីមកពីគេ ហើយតម្លៃឫស្សីដែលលក់ក៏បានឡើងថ្លៃរហូត ចាប់ពី១ដើម៥០០រៀល មក៧០០រៀល បានឡើងថ្លៃទៅដល់ ៨០០រៀលក្នុងមួយដើម។
សព្វថ្ងៃអ្នកស្រីធ្វើបង្គីស្រួលទៅលក់ ប៉ុន្តែតម្លៃបង្គីមិនសូវបានថ្លៃនោះទេ ហើយចំពោះតម្លៃបង្គីដែលអាចដាក់អំបិលធំមួយគូ លក់បាន ១៥,០០០រៀលតែប៉ុណ្ណោះ។
លោក សួន ស៊ូន មេភូមិវត្តពោធិ៍ ឃុំថ្មី ស្រុកទឹកឈូ បានបញ្ជាក់ឱ្យដឹងថា កាលពីមុនប្រជាពលរដ្ឋរស់នៅភូមិលោក មានអ្នកធ្វើបង្គីប្រមាណជាង ១០០គ្រួសារ ប៉ុន្តែដោយសារបង្គីពិបាកធ្វើផងតម្រូវក៏បានធ្លាក់ចុះផង ដូច្នេះហើយឫស្សីក៏ចេះតែឡើងថ្លៃនោះ បានធ្វើឱ្យប្រាក់ចំណេញពីការធ្វើបង្គីបានតិចទួច។
ទន្ទឹមជាមួយនឹងបច្ចុប្បន្ននេះគឺសំបូរការងារផងនោះ ប្រជាពលរដ្ឋបានបោះបង់ក្នុងការប្រកបរបរធ្វើបង្គី អស់មួយចំនួនធំពេកហើយ។
លោក សួន ស៊ូន មេភូមិវត្តពោធិ៍ ឃុំថ្មី ស្រុកទឹកឈូ បានស្នើសុំឱ្យថ្នាក់ដឹកនាំ និងមន្ត្រីជំនាញពាក់ព័ន្ធជួយគាំទ្រផ្នែកទីផ្សារ ដល់ប្រជាពលរដ្ឋ និងជួយរកទីផ្សារសម្រាប់លក់បង្គីឱ្យបានល្អ ដើម្បីឱ្យពលរដ្ឋក្នុងភូមិមានចិត្តចង់ធ្វើបង្គីទៅថ្ងៃមុខបន្តទៀត។
បើយោងតាមការលើកឡើងនិងបញ្ជាក់ពីប្រជាពលរដ្ឋរស់នៅភូមិវត្តពោធិ៍ថា នៅពេលបច្ចុប្បន្ននេះប្រជាពលរដ្ឋក្នុងភូមិដែលប្រកបរបធ្វើបង្គីមានចំនួន ២ ប្រភេទ គឺបង្គីខ្នាតធំសម្រាប់ដាក់អំបិល និងបង្គីខ្នាតតូចធម្មតាសម្រាប់ដាក់អាចម៍ដី។
ប្រជាពលរដ្ឋលើកឡើងពួកគាត់ថាបើមានតម្រូវការក៏អាចធ្វើជាបង្គីតាំងសម្រាប់ដាក់ផ្លែឈឺផ្សេងៗបានទៀតផង៕
អត្ថបទ៖ សឹង រ៉ាត់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង