ព័ត៌មានជាតិ

សម្តេចតេជោ នឹងអញ្ជើញទៅចាក់វ៉ាក់សាំងកូវីដ១៩មុនគេ នៅថ្ងៃទី១០ ខែកុម្ភៈ ឆ្នាំ២០២១

បានផុស

៥ years មុន

នៅ

ថ្ងៃព្រហស្បតិ៍ ៤ កុម្ភៈ ២០២១

ដោយ

ភ្នំពេញ ៖ សម្តេចអគ្គមហាសេបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញទៅចាក់វ៉ាក់សាំងកូវីដ១៩ មុនគេនាថ្ងៃទី១០ ខែកុម្ភៈ ឆ្នាំ២០២១ នៅមន្ទីរពេទ្យកាល់ម៉ែត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចបានមានប្រសាសន៍នៅព្រលប់ថ្ងៃទី០៤ ខែកុម្ភៈ ឆ្នាំ២០២១នេះថា វ៉ាក់សាំងប្រឆាំងកូវី-១៩ នឹងមកដល់នៅថ្ងៃអាទិត្យទី០៧ ខែកុម្ភៈ ខាងមុខនេះ ហើយនៅពេលវាក់សាំងនេះមកដល់ សម្ដេចនឹងទៅទទួល ដោយផ្ទាល់នៅព្រលានយន្តហោះអន្តរជាតិភ្នំពេញ អមដោយមន្ត្រីពាក់ព័ន្ធមួយចំនួនដូចជាឯកឧត្តមឧបនាយករដ្ឋមន្ត្រី ហោ ណាំហុង លោក ម៉ម ប៊ុនហេង សម្ដេចពិជ័យសេនា ទៀ បាញ់ និងមន្ត្រីជាន់ខ្ពស់នៃរាជរដ្ឋាភិបាលមួយចំនួនទៀត។

សម្ដេចតេជោ ហ៊ុន សែន បានបញ្ជាក់ផងដែរថា សម្ដេចនឹងកំណត់យកថ្ងៃទី១០ ខែកុម្ភៈ ខាងមុខនេះ (មុនចូលឆ្នាំចិន) សម្រាប់រៀបចំកម្មវិធីចាក់វ៉ាក់សាំងជាលើកដំបូង ដែលពិធីនេះនឹងរៀបចំនៅមន្ទីរពេទ្យកាល់ម៉ែត ហើយសម្ដេចនឹងទទួលការចាក់វ៉ាក់សាំងនេះមុនគេជាមួយ នឹងមន្ត្រីជាន់ខ្ពស់នៃរាជរដ្ឋាភិបាលមួយចំនួន។

ជាមួយគ្នានោះ សម្ដេចអគ្គមហាសេនាបតី តេជោ ហ៊ុន សែន បានប្រាប់ឲ្យគ្រូពេទ្យដែលទទួលបន្ទុក ចាក់វ៉ាក់សាំងឲ្យថ្នាក់ដឹកនាំជាន់ខ្ពស់រាជរដ្ឋាភិបាល ហើយនឹងត្រូវចាក់មុនគេនោះ ត្រូវហ្វឹកហាត់ឲ្យបានល្អ ហើយកម្មវិធីនេះ ត្រូវរៀបចំឲ្យបានត្រឹមត្រូវ ពីព្រោះនៅពេលចាក់វ៉ាក់សាំងរួច សម្តេចនឹងធ្វើសន្និសីទសារព័ត៌មានចេញពីមន្ទីរពេទ្យកាល់ម៉ែតដែលជាទីតាំងចាក់វ៉ាក់សាំងនោះតែម្ដង៕

ដោយ ៖ កោះកែវ

Related Topics:វ៉ាក់សាំងកូវីដ-១៩

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា