CDC បានអនុម័ត២១គម្រោង លើទុនវិនិយោគជាង ៦០០លានដុល្លារ ក្នុងខែវិច្ឆិកា

ក្រុមប្រឹក្សាអភិវឌ្ឍន៍កម្ពុជា CDC បានសម្រេចអនុម័តចំនួន ២១ គម្រោង ដោយមានទុនវិនិយោគជិត ៦១៩លានដុល្លារ ក្នុងខែវិច្ឆិកា បង្កើតការងារបានជិត ២២ពាន់លានដុល្លារ ដោយក្នុងនោះជិត៨៣ភាគរយ ជាទុនវិនិយោគក្នុងស្រុក និងជាង១៧ភាគរយ មកពីប្រទេសចិន។

ប្រភពដដែលបញ្ជាក់ថា គម្រោងវិនិយោគដែលមានភាពលេចធ្លោជាងគេប្រចាំខែ វិច្ឆិកា រួមមាន ១) គម្រោងសាងសង់វារីអគ្គិសនីស្ទឹងឫស្សីជ្រុំកណ្ដាល អានុភាព ៧០មេហ្កាវ៉ាត់ នៅស្រុកមណ្ឌលសីមា ខេត្តកោះកុង និងគម្រោងសាងសង់វារីអគ្គិសនីវាលថ្មកំបុត អានុភាព ១០០មេហ្គាវ៉ាត់ នៅស្រុកថ្មបាំង ខេត្តកោះកុង។ ២) គម្រោង វិនិយោគអភិវឌ្ឍន៍ស្ថានីយ៍ផលិតអគ្គិសនីដើរដោយថាមពលពន្លឺព្រះអាទិត្យ អានុភាព ៦០មេហ្កាវ៉ាត់ នៅស្រុក រំដួល ខេត្តស្វាយរៀង និង៣) គម្រោងបង្កើតរោងចក្រផលិតស្បែកជើង និងគ្រឿងបន្សំស្បែកជើង នៅខណ្ឌ ពោធិ៍សែនជ័យ រាជធានីភ្នំពេញ។

សូមបញ្ជាក់ថា នៅក្នុងរយៈពេល១១ខែឆ្នាំ២០២៣នេះ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគចំនួន ២០៣គម្រោង មានទុន ២៤៥៩,០៥លានដុល្លារ និងបង្កើតការងារជូនប្រជាពលរដ្ឋបានចំនួន ២១៥០៦៨ កន្លែង។ ចំនួននេះបើធៀបទៅនឹងរយៈពេល១១ខែដូចគ្នាកាលពីឆ្នាំ២០២២ មានការកើនឡើង៥១គម្រោង៕