ព័ត៌មានជាតិ
រថយន្ត៥០គ្រឿងត្រៀមពន្លត់អគ្គិភ័យនៅភ្នំពេញក្នុងឱកាសបុណ្យចូលឆ្នាំចិន២០២១
នាឱកាសបុណ្យចូលឆ្នាំប្រពៃណីចិន ដែលនឹងប្រារព្ធឡើងរយៈពេល៣ថ្ងៃ ចាប់ពីថ្ងៃទី១២ដល់១៤ខាងមុខនេះ នាយកដ្ឋាននគរបាលបង្ការ ពន្លត់អគ្គិភ័យ និងសង្រ្គោះនៃអគ្គស្នងការដ្ឋាននគរបាលជាតិបានត្រៀមរថយន្តពន្លត់អគ្គីភ័យចំនួន ៥០គ្រឿងសម្រាប់ជួយសង្រ្គោះ និងអន្តរាគមន៍ ក្នុងករណីមានការឆាបឆេះណាមួយកើតឡើងនៅក្នុងរាជធានីភ្នំពេញ។
លោក ឧត្តមសេនីយ៍ទោ ឈាង ផាន់ណារ៉ា ស្នងការរងនគរបាលរាជធានីភ្នំពេញទទួលបន្ទុកផ្នែកពន្លត់អគ្គីភ័យ មានប្រសាសន៍ថា៖ «រាជធានីភ្នំពេញបានត្រៀមរថយន្តពន្លត់អគ្គីភ័យទាំងអស់៥០គ្រឿងក្នុង៨គោលដៅ រួមមានខណ្ឌពោធិ៍សែនជ័យ ទួលគោក សែនសុខ ដង្កោរ ដូនពេញ ឫស្សីកែវ ការិយាល័យពន្លត់អគ្គីភ័យហ្រ្គេនភ្នំពេញ និងការិយាល័យពន្លត់អគ្គីភ័យខំមិនសេនធ័រ។»
លោក ផាន់ណារ៉ា បានបន្តថា នាឱកាសបុណ្យចូលឆ្នាំចិនឆ្នាំ២០២០កន្លងទៅ នៅរាជធានីភ្នំពេញមិនមានអគ្គីភ័យ ឆាបឆេះ ដែលបណ្ដាលឱ្យបាត់បង់អាយុជីវិត ឫខូចខាតទ្រព្យសម្បត្តិប្រជាពលរដ្ឋនោះទេ។ នៅឆ្នាំ២០២១នេះ យើងបានណែនាំប្រជាពលរដ្ឋឱ្យមានការប្រុងប្រយ័ត្នខ្ពស់នៅពេលរៀបចំប្រារព្ធពិធីបុណ្យចូលឆ្នាំចិន ហើយសង្ឃឹមថានឹងមិនមានអគ្គីភ័យកើតឡើងនោះទេនៅក្នុងរាជធានីភ្នំពេញ។
ដោយឡែក នៅទូទាំងប្រទេស នាយកដ្ឋាននគរបាលបង្ការ ពន្លត់អគ្គិភ័យ និងសង្រ្គោះនៃអគ្គស្នងការដ្ឋាននគរបាលជាតិ បានត្រៀមរថយន្តពន្លត់អគ្គិភ័យទាំងអស់ចំនួន ៤០០ គ្រឿងសម្រាប់ជួយសង្រ្គោះ និងអន្តរាគមន៍ទាន់ពេលវេលា នាឱកាសបុណ្យចូលឆ្នាំប្រពៃណីចិនខាងមុខ។
គួរបញ្ជាក់ថា ក្នុងរយៈពេលបីថ្ងៃនៃពិធីបុណ្យចូលឆ្នាំចិនកាលពីឆ្នាំ២០២០កន្លងទៅ មានអគ្គីភ័យកើតឡើងនៅទូទាំងប្រទេសចំនួន១៥ករណី ធៀបនឹង១០ករណីកាលពីឆ្នាំ២០១៩។
អត្ថបទ៖ វ៉ាត វិន
-
ព័ត៌មានអន្ដរជាតិ៣ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
KPT+២ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានជាតិ៣ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ចរាចរណ៍៥ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ២ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានអន្ដរជាតិ១ ថ្ងៃ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានអន្ដរជាតិ១ សប្តាហ៍ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
ព័ត៌មានជាតិ១ សប្តាហ៍ ago
ផ្លូវប្របមាត់ព្រែកពីគល់ស្ពានថ្មីដល់ស្ពានចាស់ រួមជាមួយសួនកម្សាន្ត និងលេចរូបរាងឆាប់ៗក្នុងខេត្តកំពត