Connect with us

កីឡា

ការងារលេចធ្លោ លោក ខូវ ឆាយ ប្តេជ្ញានាំគុនខ្មែរឈានដល់កម្រិតពិភពលោក

បានផុស

នៅ

លោក ខូវ ឆាយ បាន​ក្លាយ​ជាប្រធាន​សហព័ន្ធ​កីឡា​ប្រដាល់​គុន​ខ្មែរ​ បន្ទាប់​ពី​អតីត​ប្រធាន​លោក តែម ម៉ឺន បាន​លា​ឈប់​ក្នុង​ពាក់​កណ្តាល​អាណត្តិ​ទី​៧ និង​ក្រោយ​ពេល​លោក​បាន​ក្លាយ​ជា​អនុប្រធាន​ទី១​​ត្រឹម​តែ​៤​ខែ។

លោក តែម ម៉ឺន (អតីតប្រធាន) និងលោក ខូវ ឆាយ
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរស​វ័យ​៤២​ឆ្នាំ​រូប​នេះ​ត្រូវ​​បាន​តែង​តាំង​ជា​អនុប្រធាន​ទី​១​​សហព័ន្ធ​កីឡា​ប្រដាល់​គុន​ខ្មែរ​កាល​ពី​ថ្ងៃទី​១៧ ខែ​វិច្ឆិកា ឆ្នាំ​២០២៣។ បន្ទាប់​ពី​​ត្រូវ​បាន​តែង​តាំង​ លោក​​បាន​​​ធ្វើ​សកម្មភាពការងារ​គួរ​ឲ្យ​កត់​សំគាល់ និង​ទទួល​បាន​ការ​កោត​សរសើរ​ពី​អ្នក​គាំទ្រ​កីឡា​ប្រដាល់។ អ្វី​ដែល​ពិសេស​គឺ​លោក​ហ៊ាន​ចេញ​មុខ​ដោះ​ស្រាយ​​ជា​សាធារណៈ​ភ្លាម​ៗ​ចំពោះ​ការងារ​អសកម្ម​ដែល​បាន​កើត​មាន​ប្រចាំ​សប្តាហ៍។

ជាក់​ស្តែង លោក ខូវ ឆាយ ​បាន​ចេញ​មុខ​​​ដោះ​ស្រាយ​​ករណី​កីឡាការិនី នៅ ស្រីពៅ បាន​ឈប់​ពីកីឡា​ប្រដាល់ ដោយសារ​តែ​គ្មាន​ការ​ចាប់​គូ​ឲ្យ​នាង​ឡើង​ប្រកួត។ លោក​បាន​ចេញ​មុខ​ធានា​ជា​សាធារណៈ​ក្នុង​ការ​សម្រប​សម្រួល​ឲ្យ​ នៅ ស្រីពៅ ទទួល​បាន​ឱកាស​ឡើង​ប្រកួត​ទៀង​ទាត់។

លោក ហេង សុឃន (អគ្គលេខាធិការ) លោក ខូវ ឆាយ និងលោក​គ្រូ សេន ប៊ុនថេន កីឡាករ ប៉ឺត សង្ឃឹម

លោក​បាន​ចេញ​មុខ​ដោះ​ស្រាយ​ចំពោះ​លទ្ធផល​នៃ​ការ​ប្រកួត​​រវាង​កីឡាករ ធន់ រិទ្ធី និង​កីឡាករ​ថៃ សៃយុគ ដែល​បញ្ចប់​​ដោយ​លទ្ធផល​ស្មើ​គ្នា បើ​ទោះ​បី​ជា​ការ​ប្រកួត​នោះ​ដណ្តើម​ខ្សែ​ក្រវាត់។ ករណី​នេះ លោក​បាន​ចេញ​មុខ​​ធ្វើ​សន្និសីទ​សារព័ត៌មាន​ដើម្បី​បំភ្លឺ​ដល់​មហាជន។

លោក ខូវ ឆាយ ធ្លាប់​បាន​និយាយ​ថា លោក​មិន​អនុញ្ញាត​ឲ្យ​កម្មវិធី​ប្រដាល់​នីមួយ​ៗ​ប្រមូល​យក​តែ​កីឡាករ​ល្អ​ៗ លំដាប់​ជួរ​មុខ​ដើម្បី​​ប្រកួត​នោះ​ទេ។ ​លោក​នឹង​រៀប​ចំ​ឲ្យ​មាន​គូ​ឯក គូ​សំខាន់ គូថ្នាល និង​មាន​គូ​នារី​ថែម​ទៀត។

ក្រៅ​ពី​ដោះ​ស្រាយ​ការងារ​ចាំ​បាច់​កើត​មាន​ប្រចាំ​សប្តាហ៍ លោក​ក៏​​តែង​តែ​ចេញ​មុខ​ចុះ​ទៅ​សួរ​សុខ​ទុក្ខ​តាម​បណ្តា​ក្លិប​ប្រដាល់​ ព្រឹទ្ធាចារ្យ​កីឡា​ និង​កីឡាករ កីឡាការិនី​ដែល​មាន​បញ្ហាជា​ដើម។

ប្រធាន​សហព័ន្ធ​កីឡា​ប្រដាល់​គុន​ខ្មែរ​មុន​ៗ​មិន​សូវ​ចេញ​មុខ​ដោះ​ស្រាយ​​ជា​សាធារណៈ ឬ​តាម​បណ្តាញ​ទំនាក់​ទំនង​សង្គម​​ឡើយ។ ផ្ទុយ​ទៅ​វិញ លោក ខូវ ឆាយ ជា​បុគ្គល​ម្នាក់​ដែល​ប្រើ​ប្រាស់​បណ្តាញ​ទំនាក់​ទំនង​សង្គម​ដើម្បីតាម​ដាន​រាល់​សកម្មភាព​កីឡា​ប្រដាល់​​ និង​ចេញ​មុខ​ដោះ​ស្រាយ​ទាន់​ពេល​វេលា​។

ការ​ចេញមុខ​ធ្វើ​សកម្មភាព​ការងារ​ទទួល​បាន​ការ​កោត​សរសើរ​ពី​មហា​ជន លោក ខូវ ឆាយ ក៏​ត្រូវ​បាន​តែង​តាំង​ជា​ប្រធាន​សហព័ន្ធ​កីឡា​ប្រដាល់​គុន​ខ្មែរ​ កាល​ពី​ថ្ងៃ​ទី​២៩ ខែ​មីនា ឆ្នាំ​២០២៤ រហូត​ដល់​ចប់អាណត្តិ​ទី​៧ (ឆ្នាំ​២០២១-២០២៥)។

បន្ទាប់​ពី​ទទួល​បាន​ការងារ​ដែល​រវល់​រាល់​ចុង​សប្តាហ៍ លោក ខូវ ឆាយ បានអរគុណ​ដល់​គណៈកម្មការ​ប្រតិបត្តិ​សហព័ន្ធ​​កីឡា​ប្រដាល់​គុន​ខ្មែរ​ និង​អ្នក​គាំទ្រ​​ដែល​ផ្តល់​សេចក្តី​ទុក​ចិត្ត​ដល់​លោក។

លោក​មានប្រសាសន៍​ថា ៖«ខ្ញុំប្តេជ្ញា​នឹង​ពុះពារ​គ្រប់​ឧបសគ្គ​ដើម្បី​ចូល​រួម​ជាមួយ​បង​ប្អូន​ទាំងអស់​គ្នា​ ដឹក​នាំ​នាវា​គុន​ខ្មែរ​មួយ​នេះ​​ឲ្យ​រីក​ចម្រើន​ឈាន​ឡើង​ដល់​កម្រិត​ពិភពលោក​ មិន​ឲ្យ​ចាញ់​ប្រទេស​ជិត​ខាង​យើង​ឡើយ។ ​ឲ្យ​តែ​យើង​រួប​រួម​គ្នា​ ចាប់​ដៃ​គ្នា​ ឈរ​លើ​ស្មារតី​ដើម្បី​ផលប្រយោជន៍​រួម​ ខ្ញុំ​ជឿជាក់​ថា យើង​នឹង​អាច​ធ្វើ​បាន​ជាក់​ជា​មិន​ខាន»។

សូម​បញ្ជាក់​ថា ក្រៅពី​តួនាទី​ជាប្រធាន​សហព័ន្ធ​កីឡា​ប្រដាល់​គុន​ខ្មែរ លោក​ឧត្តមសេនីយ៍ទោ ខូវ ឆាយ ជា​អគ្គលេខាធិការ​ក្លិប​បាល់ទាត់​ក្រសួង​ការពារ​ជាតិ និង​ជានាយក​មជ្ឈមណ្ឌល​កីឡា កងយោធពលខេមរភូមិន្ទ ដែល​មានក្លិប និង​កីឡា​ជា​ច្រើន​ប្រភេទ៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥៥ វិនាទី មុន

ស្ត្រី ​វៀតណាម ក្លែង​​ជា​បុគ្គលិក​ស្ថាន​កុងស៊ុល​អូស្ត្រាលី ឆបោក​លុយជាង​ ៣៩ម៉ឺនដុល្លារ ពីបុរស​ម្នាក់

កីឡា៤ នាទី មុន

ក្រុមបាល់ទះនារីតួកគីកាន់តែល្អក្រោយឡើងឈរលេខ១លើលោក

ព័ត៌មានជាតិ៤ នាទី មុន

ឯកឧត្ដម ហ៊ុន ម៉ានី ៖ បន្ទាប់ពីបេសកកម្មដឹកនាំជាតិជាង ៤០ ឆ្នាំ សម្ដេច នឹងបន្តដឹកនាំស្ថាប័ននីតិប្បញ្ញត្តិជាន់ខ្ពស់ ដើម្បីរួមចំណែកកាន់ចង្កូតនាវាកម្ពុជាឲ្យគង់វង្ស

ព័ត៌មានជាតិ៣៥ នាទី មុន

បណ្ឌិត ឈត ប៊ុនថង៖ កំហុសអក្ខរាវិរុទ្ធលើបណ្តាញសង្គមដែលកើតដោយចេតនា ឬអចេតនា ជារឿងគួរឱ្យបារម្ភ

ព័ត៌មានអន្ដរជាតិ៣៩ នាទី មុន

តៃវ៉ាន់ រកឃើញមនុស្សស្លាប់ជាបណ្តើរៗ ក្នុងគ្រោះរញ្ជួយដីដ៏ធ្ងន់ធ្ងរ

Sokha Hotels

ព័ត៌មានពេញនិយម