ក្រោយត្រូវ​​គេបកអាក្រាតរឿងលក់ថ្នាំសម្រកបន្លំ តួកាច Benz ថតឃ្លិបបញ្ចាក់ការពិត

បន្ទាប់ពីត្រូវមនុស្សម្នាក់បកអាក្រាតថានាងលក់អាហារបំប៉ន និងថ្នាំសម្រកទំងន់ជួយឲ្យស្រក់ពិតៗ ប៉ុន្តែសាម៉ីខ្លួនបែរជាលួចទៅវះយកខ្លាញ់ចេញ បានធ្វើឲ្យមហាជនជាពិសេសគឺអតិថិជនមានការចង់ដឹងជាខ្លាំង។ ក្រោយមកទើប Benz Pornchita ចេញមុខមកបំភ្លឺការពិតមួយនេះ។

តាមរយៈវីដេអូឃ្លិបមួយ តារាសម្ដែងនិយមតួកាច Benz Pornchita បានថតបើកបង្ហាញក្បាលពោះ ដើម្បីឲ្យអ្នកគាំទ្របានឃើញពីស្លាកស្នាមផ្ទាល់ថានាងពិតជាបានវះខ្លាញ់ចេញពិតមែនឬយ៉ាងណា។ ជាពិសេសមួយរយៈនេះ នាងហាក់ស្រកទំងន់លឿនជាងមុនទ្វេរដង រាងកាន់តែស្វែល ដោយសារខ្លួនជាអ្នកលក់ថ្នាំនិងអាហារបំប៉ន។

ក្នុងនោះ Benz Pornchita បាននិយាយថា “មានមនុស្សម្នាក់បាននិយាយថា តារាល្បីនោះបានលួចទៅវះខ្លាញ់ចេញ ។ បន្ទាប់មកមានការផ្សាយពាណិជ្ជកម្មអំពីអាហារបំប៉ន វា​ជា​ថ្នាំ​សម្រក​ទម្ងន់។ តើ​ជា​ខ្ញុំ​ឬ​ក៏​អត់?​ នៅ​ទីនេះ​ខ្ញុំ​នឹង​បើក​មុខ​របួស​ឲ្យអ្នកគ្រប់គ្នា​មើល។ ខ្ញុំសូមបញ្ចាក់ថា មិនមានអ្វីនៅទីនេះទេ មានតែការវះកាត់ដើម្បីសម្រាលកូនតែប៉ុណ្ណោះ។​ ម្យ៉ាងវិញទៀតខ្ញុំមិនដែលឆ្លងកាត់ការវះខ្លាញ់នោះទេ មានតែស្នាមវះពេលឆ្លងទន្លេ យកមកបញ្ចាក់ការពិតឲ្យគ្រប់គ្នាបានដឹង”។

យ៉ាងណាមិញ បន្ទាប់ពីវិលត្រលប់មកកាន់បណ្ដាញអ៉ិនធើណេតវិញ តារាស្រីរៀមច្បងរូបនេះកាន់តែស្អាតលើសមុន ក្នុងពេលដែលនាងធ្លាប់ប្រកាសប្រាប់ទស្សនិកជនថា នាងពិតជាចង់សម្រកទំងន់ ដើម្បីទទួលបានរាងស្អាត និងមុខមាត់ស្អាតឡើងវិញជាខ្លាំង។ រហូតដល់ថ្ងៃមួយ ការតាំងចិត្តរបស់តារាស្រីនិយមតួឆ្នាសរូបនេះពិតជាមានប្រសិទ្ធភាពពិតៗ ដោយវិលត្រលប់មករាងស្លីម និងស្រស់ស្អាតដូចពីមុន ថ្វីបើជាម្ដាយដែលមានកូនបីនិងអាយុជ្រេក៏ដោយ៕

អត្ថបទ៖ សាង ស្រីល័ក្ខ

ចុចអាន៖ក្រោយបញ្ចប់ឈ្មោះជាជនទី៣ Han So Hee ហៅ​អតីត​មិត្ត​ប្រុសថា កំសាកញី