ទីបំផុត Taylor Swift ក្លាយជាសេដ្ឋីនីផ្លូវការហើយ

តារាប៉ុបវ័យ ៣៤ ឆ្នាំរូបនេះបានក្លាយជាមនុស្សដំបូងគេក្នុងប្រវត្តិសាស្ត្រ ដែលឈានដល់ទ្រព្យសម្បត្តិសុទ្ធចំនួន ១ ពាន់លានដុល្លារអាមេរិកតាមរយៈតន្ត្រី ឬការសម្តែង ហើយឥឡូវនេះនាងបានចូលរួមជាមួយស្ថាបនិក SpaceX លោក Elon Musk នៅលើចំណាត់ថ្នាក់ប្រចាំឆ្នាំលើទស្សនាវដ្ដី Forbes លើកដំបូង។

ទស្សនាវដ្ដី Forbes បាននិយាយថា Taylor Swift (១.១ ពាន់លានដុល្លារ) ចូលរួមនៅក្នុងចំណាត់ថ្នាក់ឆ្នាំ ២០២៤ ដែលជាតន្ត្រីករដំបូងគេ ធ្វើវាដោយផ្អែកលើការនិពន្ធបទចម្រៀង និងការសម្តែង បន្ទាប់ពីជើងទីមួយបំបែកកំណត់ត្រានៃដំណើរទេសចរណ៍ Eras របស់នាង”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Taylor Swift ចូលរួមជាមួយ មហាសេដ្ឋី A-list ដ៏ល្បីល្បាញរាប់សិបនាក់ផ្សេងទៀត រួមមាន George Lucas (៥.៥ ពាន់លានដុល្លារ) Michael Jordan (៣.២ ពាន់លានដុល្លារ) និង Kim Kardashian (១.៧ ពាន់លានដុល្លារ)”។ កំពូលតារាងសរុបគឺ LVMH ទំនិញប្រណីតរបស់បារាំង Bernard Arnault និងគ្រួសាររបស់គាត់ ដែលមានទ្រព្យសម្បត្តិសុទ្ធចំនួន ២៣៣ ពាន់លានដុល្លារ។

លោក Musk (១៩៥ ពាន់លានដុល្លារ) ជាប់ចំណាត់ថ្នាក់លេខ ២ ខណៈដែលស្ថាបនិក Amazon លោក Jeff Bezos ស្ថិតនៅលំដាប់ទី ៣ ជាមួយនឹងទ្រព្យសម្បត្តិ ១៩៤ ពាន់លានដុល្លារ។ បន្ទាប់​មក​គឺ​ប្រធាន​ក្រុមហ៊ុន Meta លោក Mark Zuckerberg ដែល​បាន​ជាប់​ចំណាត់​ថ្នាក់​លេខ​៤ ​ក្នុង​បញ្ជី​ជាមួយ​នឹង​ទ្រព្យសម្បត្តិ​សរុប ១៧៧ ពាន់​លាន​ដុល្លារ។

យ៉ាងណាមិញ មហាសេដ្ឋីក៏ជាអ្នកមានច្រើនជាងពេលណាៗទាំងអស់ដែរ ជាមួយនឹងទ្រព្យសម្បត្តិរួមរបស់ពួកគេឈានដល់ ១៤.២ ពាន់ពាន់លាន ដុល្លារអាមេរិក – ២ ពាន់ពាន់លានដុល្លារ ច្រើនជាងកាលពីឆ្នាំមុន និង ១.១ ពាន់ពាន់លានដុល្លារ លើសពីកំណត់ត្រាមុន ដែលត្រូវបានកំណត់នៅឆ្នាំ ២០២១ ៕

អត្ថបទ៖ សាង ស្រីល័ក្ខ

ចុចអាន៖Taylor Swift និង Elon Musk ជាប់ចំណាត់ថ្នាក់ជាមហាសេដ្ឋីពិភពលោកព្រមគ្នា