ព័ត៌មានអន្ដរជាតិ
ចង់ឲ្យកូនប្រុសឯករាជ្យ ឪពុកលាក់បាំងប្រវត្តិជាមហាសេដ្ឋី ចិន អស់ពេលជាង ២០ឆ្នាំ
Zhang Zilong អាយុ ២៤ ឆ្នាំ ជាកូនប្រុសរបស់ម្ចាស់ហាងអាហារសម្រន់ដ៏ល្បីមួយនៅក្នុងប្រទេសចិន បាននិយាយថា គាត់មិនដឹងថាគ្រួសារជាអ្នកមាននោះទេ រហូតដល់គាត់បញ្ចប់ការសិក្សានៅសកលវិទ្យាល័យ។ នេះជារឿងមួយដែលធ្វើឲ្យបណ្ដាញសង្គមមានការភ្ញាក់ផ្អើលនិងចង់ដឹងយ៉ាងខ្លាំង។
Zilong បានប្រាប់សារព័ត៌មាន Jiupai News ថា ឪពុករបស់គាត់ Zhang Yudong គឺជាមហាសេដ្ឋី ហើយថាអ្នកមានគុណបានកុហកគាត់អំពីស្ថានភាពហិរញ្ញវត្ថុពិតរបស់គ្រួសារ អស់រយៈពេលជាង ២០ ឆ្នាំមកហើយ។ ដូច្នេះហើយលោកបានខិតខំប្រឹងប្រែងយ៉ាងខ្លាំងដើម្បីទទួលបានជោគជ័យ។
លោក Zhang Yudong អាយុ ៥១ ឆ្នាំ គឺជាស្ថាបនិក និងជាប្រធានក្រុមហ៊ុន Mala Prince ដែលជាម៉ាកយីហោ Spicy stick មកពីប្រទេសចិន ដែលផលិតទំនិញមានតម្លៃ ៦០០ លានយ័ន (៨៣លានដុល្លារ) ក្នុងមួយឆ្នាំៗ។ យីហោនេះត្រូវបានបង្កើតឡើងក្នុងឆ្នាំដដែលដែល Zilong បានចាប់គំណើតមកម៉្លេះ។
Zilong បាននិយាយថា គាត់ធំឡើង និងរស់នៅក្នុងផ្ទះល្វែងធម្មតាមួយក្នុងខេត្ត Hunan ភាគកណ្តាលប្រទេសចិន។ គាត់ដឹងពីម៉ាកល្បីរបស់ឪពុកគាត់ ប៉ុន្តែក៏ដឹងថាគ្រួសាររបស់គាត់ត្រូវជំពាក់បំណុលគេដើម្បីរក្សាប្រតិបត្តិការរបស់ក្រុមហ៊ុន។ គាត់បានចូលរៀននៅវិទ្យាល័យល្អបំផុតមួយក្នុងតំបន់ ហើយបានចូលរៀនដោយប្រើជីវិតយ៉ាងសាមញ្ញ។
បន្ទាប់ពីបញ្ចប់ការសិក្សាពីសកលវិទ្យាល័យ ក្តីស្រមៃរបស់ Zilong គឺចង់ស្វែងរកការងារដែលមានស្ថិរភាព ជាមួយនឹងប្រាក់ខែប្រហែល ៦,០០០យន់ ក្នុងមួយខែ ដើម្បីជួយគ្រួសាររបស់គាត់បន្តិចម្តងៗដើម្បីសងបំណុល។ ក្រោយមក Zilong បានចាប់ផ្តើមធ្វើការនៅក្នុងផ្នែក e-commerce របស់ក្រុមហ៊ុនគ្រួសារ ហើយត្រូវបានចាត់ទុកដូចជាបុគ្គលិកធម្មតាម្នាក់។ Zilong និយាយថាឪពុកមិនចង់ឲ្យគាត់រស់នៅដោយពឹងផ្អែកខ្លាំងពេកនោះទេ។ ចង់ឲ្យកូនប្រុសមានឯករាជ្យ ទើបលាក់បាំងប្រវត្តិអ្នកមានរបស់គ្រួសារបែបនេះ។
ទោះជាយ៉ាងណា លោកទទួលស្គាល់ថា ការក្លាយជាអ្នកមានគឺជាជីវិរដ៏រីករាយ។ គាត់បាននិយាយកាលពីខែធ្នូឆ្នាំមុននៅក្នុងបទសម្ភាសន៍ជាមួយ Xiangxiangdazuozhan ជាអ្នកមានឥទ្ធិពល Douyin ថា “ការក្លាយជាអ្នកមានធ្វើឲ្យខ្ញុំសប្បាយចិត្ត” ។ ក្នុងនោះផងដែរ លោកបានប្រាប់ទៀតថា សុបិនបច្ចុប្បន្នរបស់គាត់គឺដើម្បីជួយក្រុមហ៊ុន IPO ខណៈ ឪពុករថា គាត់នឹងពិចារណាតែផ្តល់ឲ្យក្រុមហ៊ុនទៅគាត់ ប្រសិនបើកូនពិតជាខិតខំនបំពេញការងារពិតមែន។
ថ្វីបើយ៉ាងណាក៏ដោយ មនុស្សមួយចំនួននៅលើបណ្តាញសង្គមបាននិយាយថា រឿងនេះហាក់បីដូចជាមិនពិត ប៉ុន្តែក៏មានមនុស្សដែលជឿរឿងនេះផងដែរ នៅពេលដែលបានឃើញពីរបៀបរស់នៅសាមញ្ញ និងតុរប្យួរខោអាវធម្មតារបស់ Zilong ។ មនុស្សម្នាក់នៅលើ Douyin បាននិយាយថា “តើនេះជារឿងនិទានអ្វី របៀបដែលគាត់និយាយហាក់ដូចជាពិត ប៉ុន្តែក៏គួរសរសើរដែលក្រុមគ្រួសារបានអប់រំគាត់យ៉ាងល្អ”។
យ៉ាងណាមិញ នៅទីបញ្ចប់ លោក Zhang Yudong បានប្រាប់កូណប្រុសថា គ្រួសារនេះពិតជាអ្នកមានខ្លាំងណាស់ ហើយពួកគេបានផ្លាស់ទៅរស់នៅក្នុងផ្ទះវីឡាដែលទើបនឹងសាងសង់ថ្មី ដែលមានតម្លៃ ១០ លានយ័ន មកទល់សពញវថ្ងៃនេះ៕
អត្ថបទ៖ សាង ស្រីល័ក្ខ
ចុចអាន៖អតីតវិស្វករ Google លោក Colin Huang ក្លាយជាមហាសេដ្ឋីបច្ចេកវិទ្យាកំពូលរបស់ចិន
-
ជីវិតកម្សាន្ដ៣ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៦ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៥ ម៉ោង ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
ព័ត៌មានជាតិ៦ ម៉ោង ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង៤ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង៦ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ