ព័ត៌មានជាតិ
សន្ដិសុខឯកជនជិត១ម៉ឺននាក់ហើយ បានទទួលការបំប៉នជំនាញពីអគ្គស្នងការដ្ឋាននគរបាលជាតិ
គិតមកដល់ពេលនេះ ភ្នាក់ងារសន្ដិសុខឯកជនប្រមាណជិត១ម៉ឺននាក់ហើយ ទទួលបានការបណ្ដុះបណ្ដាលបំប៉នជំនាញភ្នាក់ងារសន្ដិសុខឯកជន ពីអគ្គស្នងការដ្ឋាននគរបាលជាតិ តាមរយៈនាយកដ្ឋានគ្រប់គ្រងសន្ដិសុខឯកជន។ នេះបើតាមការឱ្យដឹងពីអគ្គស្នងការរងនគរបាលជាតិ លោកឧត្តមសេនីយ៍ឯក អ៊ី សុខឃី។
យោងតាមរបាយការណ៍ គឺបច្ចុប្បន្ននេះ នាយកដ្ឋានគ្រប់គ្រងសន្ដិសុខឯកជន ដែលជាសេនាធិការផ្ទាល់លើការគ្រប់គ្រងសន្ដិសុខឯកជន បានបើកវគ្គបណ្ដុះបណ្ដាលបំប៉នជំនាញភ្នាក់ងារសន្តិសុខឯកជនសរុប៥៦លើក ដែលមានសិក្ខាកាមជាភ្នាក់ងារសន្តិសុខឯកជនចំនួន៩ ៦៣៦នាក់ (ស្រី២១១នាក់) និងសិក្ខាកាមជានគរបាលជាតិចំនួន២២៨នាក់។
ថ្លែងក្នុងពិធីបិទវគ្គបំប៉នជំនាញភ្នាក់ងារសន្ដិសុខឯកជន លើកទី៥៦ នារសៀលថ្ងៃទី១០ ខែមករា ឆ្នាំ២០២៤ លោកឧត្តមសេនីយ៍ឯក អ៊ី សុខឃី គូសបញ្ជាក់ថា ការបណ្ដុះបណ្ដាលនេះ ដើម្បីឱ្យភ្នាក់ងារសន្តិសុខឯកជនមានសមត្ថភាព ចំណេះដឹង វិជ្ជាជីវៈ ក្រមសីលធម៌ សំដៅលើកកម្ពស់ដល់វិស័យនេះឱ្យរីកចម្រើន ក៏ដូចជាធ្វើឱ្យភ្នាក់ងារសន្តិសុខឯកជនទាំងអស់មានជំនាញ និងលក្ខណៈសម្បត្តិគ្រប់គ្រាន់សម្រាប់ការចូលរួមចំណែកក្នុងសកម្មភាពថែរក្សា និងការពារស្ថេរភាព សន្តិសុខ សុវត្ថិភាព សណ្តាប់ធ្នាប់ និងសុវត្ថិភាពសង្គមឱ្យបានល្អប្រសើរ។
បើតាមលោកឧត្តមសេនីយ៍ឯក អគ្គស្នងការរង វគ្គបំប៉នជំនាញភ្នាក់ងារសន្តិសុខឯកជន បានយកចិត្តទុកដាក់ផ្ដោតជាសំខាន់ទៅលើតួនាទីភារកិច្ចភ្នាក់ងារសន្តិសុខឯកជន វិធីសាស្រ្តការពារគោលដៅ វិធានការបង្ការការពន្លត់អគ្គិភ័យ ការជម្លៀសខ្លួនចេញពីអគ្គិភ័យ កិច្ចសហការរវាងភ្នាក់ងារសន្តិសុខឯកជនជាមួយសមត្ថកិច្ចមូលដ្ឋាន ស្វែងយល់អំពីក្រមនីតិវិធីព្រហ្មទណ្ឌ និងបណ្ដាករណីល្មើសច្បាប់ផ្សេងៗ ការការពារ និងរក្សាសុវត្ថិភាពកន្លែងកើតហេតុ ព្រមទាំងការស្វែងយល់ពីសញ្ញាចរាចរណ៍ផ្លូវគោក ជាដើម។
តែយ៉ាងណាមិញ លោកអគ្គស្នងការរង ក៏បានស្នើភ្នាក់ងារសន្តិសុខឯកជន ត្រូវមានឥរិយាបថសមរម្យក្នុងការចូលរួមធ្វើការងារ ដោយប្រកាន់យកអ្វីដែលជាការត្រឹមត្រូវក្រោយទទួលការបណ្ដុះបណ្ដាល ត្រូវគោរពឱ្យបាននូវលក្ខណៈសម្បត្តិជាភ្នាក់ងារសន្តិសុខឯកជន ដោយត្រូវមានវិន័យ ក្រមសីលធម៌ ប្រើប្រាស់ឯកសណ្ឋានសន្តិសុខឯកជន និងសម្ភារៈបំពាក់ឱ្យបានគ្រប់គ្រាន់ ហើយត្រូវបង្កើតកិច្ចសហការជាមួយសមត្ថកិច្ច និងអាជ្ញាធរនៅមូលដ្ឋាន ព្រមទាំងរួមគ្នាចូលរួមអនុវត្ត គោលនយោបាយរបស់រាជរដ្ឋាភិបាល ពិសេសគោលនយោបាយ ភូមិ ឃុំ សង្កាត់ មានសុវត្ថិភាព៕
-
សេដ្ឋកិច្ច៦ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ៤ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
ជីវិតកម្សាន្ដ៥ ថ្ងៃ ago
Huang Xiaoming ជួបមិត្តស្រីភ្លាមៗ ក្រោយចេញក្រៅជាមួយអតីតភរិយា Angelababy និងកូនប្រុស
-
ព័ត៌មានជាតិ២ ថ្ងៃ ago
ការផ្លាស់ប្ដូរមេបញ្ជាការអាវុធហត្ថស្រុកមណ្ឌលសីមា ពុំមែនកំហុសឆ្គង ឬ វិន័យទណ្ឌកម្ម នោះទេ
-
ព័ត៌មានអន្ដរជាតិ៣ ថ្ងៃ ago
ព្យុះព្រះអាទិត្យ ដ៏កាចសាហាវ វាយប្រហារភពផែនដី
-
នយោបាយ៥ ថ្ងៃ ago
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ
-
ព័ត៌មានជាតិ២ ថ្ងៃ ago
មន្ទីរកសិកម្មខេត្តកែប ច្រានចោលការចោទប្រកាន់ថា មន្រ្តីកាប់សាច់សត្វប្រើសចែកគ្នាដែលងាប់ក្នុងផ្ទះអ្នកស្រុក
-
ព័ត៌មានអន្ដរជាតិ៦ ថ្ងៃ ago
អ៊ុយក្រែន បើកការវាយប្រហារចូលដីរុស្ស៊ី ចំទិវាជ័យជម្នះ