ធនាគារជាតិ ប្រកាសជ្រើសរើសបុគ្គលិក ៣០រូប ចូលបម្រើការក្នុងក្របខ័ណ្ឌ

ធនាគារជាតិនៃកម្ពុជា បានចេញសេចក្តីជូនដំណឹងនៅថ្ងៃទី៤ ខែមករា ឆ្នាំ២០២៤ ប្រកាសជ្រើសរើសបុគ្គលិកទាំង២ភេទ ចំនួន៣០នាក់ សម្រាប់ក្របខ័ណ្ឌលេខាធិការធនាគារជាតិនៃកម្ពុជា “គ” ដើម្បីចូលបម្រើការនៅធនាគារជាតិ។

ចំពោះបេក្ខជនទាំង២ភេទ ដែលមានបំណងដាក់ពាក្យត្រូវមានលក្ខណៈសម្បត្តិដូចជា មានសញ្ជាតិខ្មែរ។ អាយុច្រើនបំផុត ២៥ឆ្នាំ គិតត្រឹមថ្ងៃឈប់ទទួលពាក្យ។ ត្រូវមានសញ្ញាបត្រប្រកាសនីយបត្រជាន់ខ្ពស់បច្ចេកទេសធនាគារ មានចំណេះដឹងផ្នែកភាសាអង់គ្លេស កុំព្យូទ័រ និងមានសុខភាពល្អ។

ជាមួយគ្នានេះ ធនាគារជាតិ នឹងទទួលពាក្យប្រឡងចាប់ពីថ្ងៃជូនដំណឹងតទៅ ហើយឈប់ទទួលពាក្យនៅថ្ងៃទី១៩ ខែមករា ឆ្នាំ២០២៤ វេលាម៉ោង១១។ សម្រាប់មុខវិជ្ជាដែលត្រូវប្រឡង និងកាលបរិច្ឆេទប្រឡង ទីកន្លែងប្រឡង ធនាគារជាតិ និងជូនដំណឹងនៅពេលក្រោយទៀត។

ប្រសិនជាបេក្ខជនមានចម្ងល់ ឬ ចង់ដឹងពីព័ត៌មានលម្អិតបន្ថែមទៀត អាចទំនាក់ទំនងនៅនាយកដ្ឋានបុគ្គលិកនៃធនាគារជាតិ នៅភូមិប៉ាយ៉ាប សង្កាត់ភ្នំពេញថ្មី ខណ្ឌសែនសុខ រាជធានៅភ្នំពេញ ពីចន្លោះម៉ោង៨ព្រឹក ដល់ម៉ោង ៣រសៀល រៀងរាល់ថ្ងៃធ្វើការ ឬ តាមរយៈលេខទូរសព្ទ ០២៣ ៧២២ ២២១, ០៨១ ៨៧៧ ២២៧៕