ព័ត៌មានជាតិ
អាជ្ញាធរជាតិអប្សរា នឹងពិន័យបុគ្គលិកដែលវាយក្មេងលក់អណ្ដើកមុខអង្គរ
នៅថ្ងៃទី១២ ខែមករានេះ អាជ្ញាធរជាតិអប្សរាបានទទួលស្គាល់ថាការប្រើអំពើហិង្សាទៅលើក្មេងលក់សត្វអណ្ដើកម្នាក់នៅខាងមុខប្រាសាទអង្គរវត្ត គឺជារឿងខុសឆ្គងរបស់បុគ្គលិក។ ជុំវិញបញ្ហានេះអាជ្ញាធរជាតិអប្សរា នឹងដាក់ពិន័យតាមច្បាប់កំណត់ទៅលើបុគ្គលិករបស់ខ្លួន។
សូមជម្រាបបន្តិចថា កាលពីល្ងាចថ្ងៃទី១១ ខែមករា តាមរយៈបណ្ដាញសង្គមហ្វេសប៊ុកមានការផ្សព្វផ្សាយព្រោងព្រាតនូវវីដេអូ បុគ្គលិកអាជ្ញាធរជាតិអប្សរាម្នាក់បានប្រើអំពើហិង្សាលើក្មេងប្រុសលក់អណ្ដើកឱ្យភ្ញៀវទេសចរម្នាក់នៅខាងមុខប្រាសាទអង្គរវត្ត។
បើតាមអាជ្ញាធរជាតិអប្សរា នៅវេលាម៉ោង០៥៖៣៧នាទីល្ងាច ថ្ងៃទី១១ ខែមករា នៅមុខប្រាសាទអង្គរវត្ត បុគ្គលិកអាជ្ញាធរអប្សរាពិតជាបានប្រើអំពើហិង្សាលើក្មេងប្រុសលក់អណ្ដើកក៏ពិតមែន ក៏ប៉ុន្ដែការប្រើអំពើហិង្សានោះមិនធ្ងន់ធ្ងរ ដូចដែលបណ្ដាញសង្គមបានផ្សាយថា បុគ្គលិកអាជ្ញាធរជាតិអប្សរាប្រើហិង្សាយ៉ាងចាស់ដៃនោះទេ។
អាជ្ញាធរជាតិអប្សរា បានឲ្យដឹងថា ការណ៍ដែលបុគ្គលិកអាជ្ញាធរអប្សរាឈានដល់ថ្នាក់ប្រើប្រាស់អំពើហិង្សាលើក្មេងលក់សត្វអណ្ដើកនៅប្រាសាទអង្គរវត្ត គឺដោយសារក្មេងនេះ បន្តលក់សត្វព្រៃឲ្យភ្ញៀវទេសចរល្មើសនឹងការណែនាំជាច្រើនលើកច្រើនសារ ថែមទាំងជេរមន្ត្រីអាជ្ញាធរអប្សរាទៀតផង។
អាជ្ញាធរជាតិអប្សរាក៏បានឱ្យដឹងថា ក្មេងដែលរងអំពើហិង្សានោះ គឺមានគ្នាមួយក្រុម ដែលពួកគេតែងតែដើរចាប់សត្វអណ្ដើកនៅកសិណអង្គរ។ ទង្វើបែបនេះ អ្នកការពារប្រាសាទធ្លាប់បានហាមជាច្រើនដងលើក្មេងមួយក្រុមនេះ ប៉ុន្តែក្មេងទាំងនេះតែមិនស្ដាប់ ទោះពួកគេត្រូវបានប៉ូលិសហៅទៅសួរនាំក៏ដោយ។ ក្រុមក្មេងទាំងនេះមានសកម្មភាពយូរហើយ តាំងពីពួកគេរស់នៅតំបន់អង្គរ។ បើទោះបីជាបច្ចុប្បន្ន ពួកគេផ្លាស់ទៅរស់នៅតំបន់រុនតាឯក ក៏ពួកគេបន្តជិះរម៉កមកចាប់សត្វអណ្ដើកក្នុងអង្គរទៀត ចាប់សត្វអណ្ដើកដែលគេយកទៅលែងក្នុងកសិណ យកលក់ឱ្យភ្ញៀវទេសចរដដែល។
យ៉ាងណាក៏ដោយ សាធារណមតិបានលើកឡើងថា ប្រសិនជាការលក់សត្វអណ្តើករបស់ក្មេងរូបនោះខុសច្បាប់ បុគ្គលិកអាជ្ញាធរជាតិអប្សរាគួរតែណែនាំ មិនត្រូវប្រើអំពើហិង្សាបែបនេះឡើយ៕
អត្ថបទដោយ៖ជុន កុសល
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង