ព័ត៌មានជាតិ
ក្នុងឆ្នាំ២០២៣ មានរថយន្តជាង៩ពាន់គ្រឿង ចូលត្រួតពិនិត្យលក្ខណៈបច្ចេកទេសក្នុងខេត្តកំពង់ធំ
មន្ទីរសារធារណៈការ និងដឹកជញ្ជូន ខេត្តកំពង់ធំ បញ្ជាក់ថា ក្នុងឆ្នាំ២០២៣ កន្លងទៅនេះ មានរថយន្តប្រមាណជាង៩ ២០០គ្រឿង ចូលរួមធ្វើការត្រួតពិនិត្យលក្ខណៈបច្ចេកទេសយានយន្ត នៅខេត្តកំពង់ធំ។
លោក ជូ កូឡា ប្រធានមន្ទីរសាធារណៈការ និងដឹកជញ្ជូនខេត្តកំពង់ធំ បញ្ជាក់ នៅថ្ងៃទី១៦ ខែមករា ឆ្នាំ២០២៤ នេះថា រយៈពេល១២ ខែក្នុងឆ្នាំ២០២៣ មានម្ចាស់យានយន្តចំនួន ៩ ២៤៦គ្រឿង យករថយន្តរបស់ខ្លួនមកធ្វើការត្រួតពិនិត្យលក្ខណៈបច្ចេកទេស ដែលនៅក្នុងនោះមានប្រភេទរថយន្តទេសចរណ៍(រថយន្តគ្រួសារ) ចំនួន ៤ ៥៤៨គ្រឿង រថយន្តដឹកអ្នកដំណើរធនតូច ចំនួន ១ ០២២គ្រឿង រថយន្តដឹកអ្នកដំណើរធនធំ ចំនួន៤៥គ្រឿង រថយន្តដឹកទំនិញធនតូច ចំនួន ៨៥០គ្រឿង រថយន្តដឹកទំនិញធនធំ ចំនួន ១ ៩៣៨គ្រឿង ក្បាលសណ្តោង ចំនួន ៤៣២គ្រឿង រ៉ឺម៉ក និងសឺមីរ៉ឺម៉ករថយន្ត ចំនួន ៤១១គ្រឿង។
លោកប្រធានមន្ទីរបន្តថា ទីតាំងសម្រាប់ការឆៀករថយន្ត នៅខេត្តកំពង់ធំ មានទីតាំងស្ថិត នៅភូមិពុកយ៉ុក សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ មានចម្ងាយប្រមាណជាង៣គីឡូម៉ែត្រ ពីទីរួមខេត្ត ឆ្ពោះទៅកាន់រាជធានីភ្នំពេញ ហើយបានដាក់ឱ្យដំណើរបម្រើជូនបងប្អូនប្រជាពលរដ្ឋរៀងរាល់ម៉ោងធ្វើការ ពេលព្រឹកចាប់ពីម៉ោង៧:០០ព្រឹក ដល់ម៉ោង១១:០០ថ្ងៃត្រង់ រសៀលចាប់ពីម៉ោង០២:០០ រហូតដល់ម៉ោង០៥:០០ ធ្វើការចាប់ពីថ្ងៃចន្ទ រហូតដល់ថ្ងៃសុក្រ។
ការត្រួតពិនិត្យ យានយន្តនេះ គឺជាការសម្រួលដល់ប្រជាពលរដ្ឋលើការត្រួតពិនិត្យ ដែលកាលពីមុនម្ចាស់យានយន្តត្រូវទៅ ធ្វើការត្រួតពិនិត្យ នៅខេត្តសៀមរាប ខេត្តកំពង់ចាម ឬរាជធានីភ្នំពេញ។ ពេលនេះ ក្រសួងសាធារណការ និងដឹកជញ្ជូន បានប្រើប្រាស់ម៉ាស៊ីនអចល័ត ធ្វើការត្រួតពិនិត្យ ដើម្បីកាត់បន្ថយការចំណាយជូនប្រជាពលរដ្ឋ ពិសេសគឺជួយពិនិត្យយានយន្តឱ្យមានដំណើរការល្អក្នុងការធ្វើចរាចរណ៍។
ការត្រួតពិនិត្យលក្ខណៈបច្ចេកទេសយានយន្ត ក៏ជាផ្នែកមួយក្នុងការកាត់បន្ថយគ្រោះថ្នាក់ចរាចរណ៍ ដែលបង្កដោយយានយន្ត ជាពិសេសក៏ជាការចូលរួមថែក្សាហេដ្ឋារចនាសម្ព័ន្ធផ្លូវថ្នល់ឲ្យប្រើប្រាស់បានយូរអង្វែងផងដែរ។ លោក អំពាវនាវដល់បងប្អូនប្រជាពលរដ្ឋចូលរួមថែរក្សាផ្លូវថ្នល់ឱ្យបានយូរអង្វែង ដែលជាសរសៃឈាមនៃសេដ្ឋកិច្ច រួមគ្នាទប់ស្កាត់គ្រោះ ថ្នាក់ចរាចរណ៍ទាំងអស់គ្នា តាមរយៈការប្រើប្រាស់រថយន្តដោយមិនកែច្នៃខុសបច្ចេកទេស ជាពិសេសចូលរួមគោរពច្បាប់ចរណ៍ឲ្យបានគ្រប់ៗគ្នា៕
អត្ថបទ៖ ឈាង មករា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង