ព័ត៌មានជាតិ

ពលរដ្ឋកម្ពុជា ជាង១ម៉ឺននាក់ហើយ ទទួលបានវ៉ាក់សាំងកូវីដ១៩

បានផុស

៥ years មុន

នៅ

ថ្ងៃពុធ ១៧ កុម្ភៈ ២០២១

ដោយ

គិតចាប់ពីថ្ងៃទី១០រហូតមកដល់ថ្ងៃទី១៦ ខែកុម្ភៈនេះ មានប្រជាពលរដ្ឋជាជនស៊ីវិលនិងកងកម្លាំងប្រដាប់អាវុធចំនួន១១៥០៥នាក់ ហើយបានចាក់វ៉ាក់សាំងកូវីដ១៩ស៊ីណូហ្វាម នៅតាមមន្ទីរពេទ្យរដ្ឋធំៗចំនួន៥ នៅរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍របស់ក្រសួងសុខាភិបាលបង្ហាញថា ក្នុងចំណោមអ្នកចាក់វ៉ាក់សាំងរួចជាង១ម៉ឺននាក់នោះ ផ្នែកជនស៊ីវិលមានចំនួន២៦១១នាក់ ក្នុងនោះស្ត្រីមានចំនួន ៨៥៥នាក់ ក្នុងចំណោមអ្នក ដែលស្ម័គ្រចិត្តមកចាក់វ៉ាក់សាំងសរុប ៣២១៩នាក់ក្នុងនោះអ្នក ដែលគ្រូពេទ្យមិនអនុញ្ញាតឲ្យចាក់មានចំនួន ៦០៨នាក់។ ចំណែកក្រសួងការពារជាតិវិញគិតចាប់ពីថ្ងៃទី១០ រហូតដល់ថ្ងៃទី១៦ ខែកុម្ភៈ ឆ្នាំ២០២១ បានចាក់ជួននាយទាហាន នាយទាហានរង និងពលទាហានសរុបចំនួន៨៨៩៤នាក់ ក្នុងនោះថ្ងៃទី១៦ ខែកុម្ភៈចាក់បានចំនួន ៣៩២៥នាក់។

គួរបញ្ជាក់ថា ជំនួយវ៉ាក់សាំងកូវីដ១៩របស់ចិន ដែលផ្តល់ជំហានដំបូងចំនួន៦០ម៉ឺនដូស ក្នុងចំណោម១លានដូស ត្រូវបានផ្តល់ជូនសួងការពារជាតិចំនួន៣០ម៉ឺនដូសនិងក្រសួងសុខាភិបាល៣០ម៉ឺនដូស សម្រាប់ចាក់ជូនថ្នាក់ដឹកនាំរាជរដ្ឋាភិបាល អ្នកសារព័ត៌មាន និងកងទ័ព នៅទីតាំងចំនួន៥កន្លែងរួមមានមន្ទីរពេទ្យកាល់ម៉ែត, មន្ទីរពេទ្យព្រះអង្គឌួង, មន្ទីរពេទ្យមិត្តភាពខ្មែរ-សូវៀត, មន្ទីរពេទ្យកុមារជាតិ និងមន្ទីរពេទ្យកេតុមាលា៕

អត្ថបទ៖ សំអឿន

សូមចុចអាន៖ ដើម្បីការពារជំងឺកូវីដ-១៩ និងកូវីដបម្លែងខ្លួន ពលករសូមកុំទាន់មកលេងស្រុក អំឡុងពេលចូលឆ្នាំខ្មែរ

Related Topics:

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា