ព័ត៌មានជាតិ
សំនួរ ស្រ្តីឆ្លងកូវីដមុនពេលទៅចូលរួមមង្គលការនៅព្រៃវែង ឬឆ្លងពេលក្រោយមកទៀត?
ស្រ្តីជានគរបាលមួយរូប ត្រូវបានក្រសួងសុខាភិបាលបញ្ជាក់ថាមានវិជ្ជមានកូវីដ១៩ នៅថ្ងៃទី២១ ខែកុម្ភៈ ឆ្នាំ២០២១។ មុនប្រកាសមានវិជ្ជមានវិរុសកូវីដ ១៩ កាលពីថ្ងៃ ១៧ កុម្ភៈ ២០២១ ស្រ្តីរងគ្រោះ បានទៅចូលរួមពិធីមង្គលការមួយនៅខេត្តព្រៃវែង មានវត្តមានមនុស្សរាប់រយនាក់។
អាជ្ញាធរកំពុងមានការបារម្ភ តើស្រ្តីរូបនេះបានឆ្លងកូវីដមុនទៅចូលរួមពិធីមង្គលការនោះ ឬឆ្លងពេលក្រោយមកទៀត? បើស្រ្តីរូបនេះឆ្លង មុនទៅចូលរួមពិធីមង្គលកាលនេះ បង្កហានិភ័យខ្ពស់ ដោយសារមានពាក់ព័ន្ធមនុស្សជាច្រើន រួមទាំងភ្ញៀវដែលចូលរួមក្នុងកម្មវិធីមានទាំំងគ្រូបង្រៀន ដែលអាចចម្លងដល់សិស្សថែមទៀត។
អភិបាលរងខេត្តព្រៃវែងលោកចាន់ ថា បានប្រាប់កម្ពុជាថ្មីនៅរសៀលនេះថា បន្ទាប់ពីស្រាវជ្រាវមានអ្នកពាក់ព័ន្ធដោយផ្ទាល់ និងប្រយោលចំនួន ៤១ នាក់ ត្រូវបានធ្វើតេស្ត និងនាំទៅធ្វើចត្តាឡីស័ក។
លោកថា ក្នុងពិធីមង្គលការមានភ្ញៀវចូលរួមជាង ៨០០ នាក់ តែជនរងគ្រោះពាក់ព័ន្ធតែមនុស្សមួយចំនួនតូចប៉ុណ្ណោះ។លោកអភិបាលស្រុកបានរៀបរាប់ហេតុការណ៍នោះថា ស្រ្តីរងគ្រោះបានមកដល់រោងការនៅវេលាម៉ោង ១២ថ្ងៃត្រង់នៅថ្ងៃ ១៧ កុម្ភៈ ២០២១ ដោយមានអ្នករួមដំណើរចំនួន ៤នាក់ទៀត។ អ្នកទាំង ៥នាក់ ពេលមកចូលរួមពិធីមង្គលការមិនបានទៅពិសាអាហារនៅក្នុងរោងទេ គឺហូបនៅផ្ទះការតែម្តង។ ក្នុងតុទទួលទានអាហារនោះ គ្មានអ្នកណាចូលរួមក្រៅពីជនរងគ្រោះ និងមិត្តភ័ក្ក។ ជនរងគ្រោះនិងអ្នករួមដំណើរបានចាកចេញទៅវិញនៅវេលាម៉ោង ៤ រសៀល។
ក្រសួងសុខាភិបាលបានប្រកាសករណីផ្ទុះកូវីដក្នុងសហគមន៍ ២០ កុម្ភៈ នៅរសៀលថ្ងៃ ១៩ និងប្រកាសជាផ្លូវការនៅព្រឹកថ្ងៃ ២០ កុម្ភៈ ដែលមានអ្នកឆ្លង ២១ នាក់។
បើតាមស្រ្តីរងគ្រោះដែលបានធ្វើតេស្តវិជ្ជមានគឺនៅថ្ងៃ ២១ កុម្ភៈ គឺក្រោយផ្ទុះក្នុងសហគមន៍ ២ ថ្ងៃ និង ៤ ថ្ងៃក្រោយស្រ្តីរូបនេះបានទៅចូលរួមពិធីមង្គលការ។
ចម្ងល់តើស្រ្តីរូបនេះអាចផ្ទុកកូវីដ ១៩ មុនថ្ងៃទៅចូលរួមពិធីមង្គលការ ឬឆ្លងពេលក្រោយមកទៀត?
គួរបញ្ជាក់ថា ស្រ្តីជនរងគ្រោះមានឈ្មោះ ល.ស.ផ អាយុ៣៥ឆ្នាំ តួនាទីជានគរបាលស្នាក់នៅខុនដូ Skyline Dumex បច្ចុប្បន្នកំពុងសម្រាកព្យាបាល នៅមជ្ឈមណ្ឌលជាតិប្រឆាំងរោគរបេង រាជធានីភ្នំពេញ៕
អត្ថបទ៖ ឡេង ដេត
សម្ដេចធិបតី ហាមដាច់ខាតដាក់ កាតព្វកិច្ចឱ្យអាណាព្យាបាល់បង់ថ្លៃ សម្រាប់ការសិក្សាជំនាន់ថ្មី
រដ្ឋបាលខេត្តស្វាយរៀង រៀបចំពិធីជូនពរអបអរសាទរបុណ្យចូលឆ្នាំខ្មែរប្រពៃណីជាតិ
នាយករដ្ឋមន្ត្រី៖ ម្ដាយឳពុកខ្លះកាន់ជើងកូនពេក ប្រើហ្វេសប៊ុកជះកំហឹង ដាក់គ្រូបង្រៀនព្រោះប្រដៅកូនខ្លួន
សម្ដេចនាយករដ្ឋមន្ត្រី ជំរុញឱ្យបង្កើនការទំនាក់ទំនងរវាងអាណាព្យាបាលជាមួយសាលារៀន
រដ្ឋបាលរាជធានីបញ្ចេញរថយន្តក្រុង ៤៥៥ គ្រឿង ដឹកប្រជាពលរដ្ឋទៅលេងស្រុកកំណើតឥតគិតថ្លៃ
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
ខ្លះៗពីទិវាកុហក ១ មេសា ឬ April Fools’ Day
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានជាតិ១ សប្តាហ៍ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ២ ថ្ងៃ agoកម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ១ សប្តាហ៍ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
KPT+១ ថ្ងៃ agoខ្លះៗពីទិវាកុហក ១ មេសា ឬ April Fools’ Day
-
ព័ត៌មានជាតិ២ ថ្ងៃ agoមន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ចរាចរណ៍៤ ថ្ងៃ agoបឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១ ថ្ងៃ agoក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានអន្ដរជាតិ១១ ម៉ោង agoអ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល