ព័ត៌មានជាតិ

ឯកឧត្ដម ហ៊ុន ម៉ានី ៖ «ក្នុងនាមជាប្រជាជនកម្ពុជាមួយរូប ខ្ញុំ ពិតជាមានមោទនភាពចំពោះថ្នាក់ដឹកនាំដែលជាឥស្សរជនគំរូ»

បានផុស

២ years មុន

នៅ

ថ្ងៃព្រហស្បតិ៍ ២ ឧសភា ២០២៤

ដោយ

ឯកឧត្ដម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា លើកឡើងថា «ក្នុងនាមជាប្រជាជនកម្ពុជាមួយរូប ខ្ញុំ ពិតជាមានមោទនភាពចំពោះថ្នាក់ដឹកនាំ ដែលជាឥស្សរជនគំរូ ក្នុងបេះដូងខ្ញុំ លើសពី ឪពុក នោះ គឺ សម្ដេចតេជោ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅព្រឹកថ្ងៃទី ០២ ខែឧសភា ឆ្នាំ ២០២៤ នេះ តាមរយៈទំព័រហ្វេសប៊ុក ឯកឧត្ដម ហ៊ុន ម៉ានី បានលើកឡើងបន្តថា សម្ដេច មិនត្រឹមតែបានលះបង់កម្លាំងកាយចិត្ត ញើសឈាម ប្រាជ្ញា ស្មារតី និងយកជីវិតជាដើមទុនស្ទើរពេញមួយជីវិតសម្រាប់ប្រជាជាតិកម្ពុជាប៉ុណ្ណោះទេ តែលោកតែងតែមានទឹកចិត្តភក្ដីភាព ស្មោះសរ បរិសុទ្ធ ពោរពេញដោយធម៌ និងក្តីសប្បុរសសម្រាប់ប្រទេសជាតិ និងប្រជាជន។ ទន្ទឹមនេះ ឯកឧត្ដម ក៏ពិតជាមានក្តីរំភើបចំពោះទឹកចិត្តរបស់ប្រជាជនកម្ពុជា ដែលបានចូលរួមសហការ វេញត្របាញ់គ្នាជាធ្លុងមួយ ក្នុងស្មារតី ខ្មែរតែមួយ អនាគតតែមួយ មិនថាស្ថិតនៅក្នុងកាលៈទេសៈណាក៏ដោយ។

ជាមួយគ្នានេះ ឯកឧត្ដម ហ៊ុន ម៉ានី បន្ថែមថា ព្រឹត្តិការណ៍កីឡាបាល់ទាត់មិត្តភាពសប្បុរសធម៌ក្រោមមូលបទ«រួមគ្នាដើម្បីសប្បុរសធម៌ និងប្រយុទ្ធប្រឆាំងគ្រឿងញៀន» ជាព្រឹត្តិការណ៍សប្បុរសធម៌ប្រវត្តិសាស្ត្រមួយដ៏រំភើប និងគួរជាទីមោទនៈរបស់កម្ពុជា។

ឯកឧត្ដមឧបនាយករដ្ឋមន្ត្រី បន្ថែមទៀតថា ប្រជាជនកម្ពុជា បានបន្តបង្ហាញស្មារតីសាមគ្គីភាព ភាតរភាព ដែលជាភាសាបេះដូងសម្រាប់កម្ពុជា តាមរយៈការស្ម័គ្រចិត្តចូលរួមប្រកួត និងចូលរួមគាំទ្រការប្រកួតកីឡាយ៉ាងច្រើនកុះករ ព្រមទាំងការចូលរួមបរិច្ចាគដើម្បីកុមារកម្ពុជា ជូនទៅដល់មន្ទីរពេទ្យគន្ធបុប្ផា មន្ទីរពេទ្យកុមារអង្គរ មជ្ឈមណ្ឌលព្យាបាលកុមារបេះដូងជប៉ុន និងគ្រួសារយុទ្ធជនពលី ២០ គ្រួសារ៕

អត្ថបទ ៖ ពិសី

Related Topics:សម្ដេចតេជោ ហ៊ុន សែន ឯកឧត្ដម ហ៊ុន ម៉ានី

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា