ព័ត៌មានជាតិ

ខណ្ឌច្បារអំពៅមាន៧ទីតាំងដែលមានអ្នកឆ្លងជំងឺកូវិដ១៩

បានផុស

៥ years មុន

នៅ

ថ្ងៃអង្គារ ២ មីនា ២០២១

ដោយ

ខណ្ឌច្បារអំពៅរាជធានីភ្នំពេញមាន៧ទីតាំងហើយដែលមានអ្នកឆ្លងជំងឺកូវិដ១៩ ចាប់តាំងពីផ្ទុះព្រឹត្តិការណ៍២០ខែកុម្ភៈមក។

យោងតាមប្រភពពីលោក គុយ គឹមហ៊ាង ក្រុមការងារទទួលបន្ទុកតាមដានសភាពការជំងឺកូវិដ១៩ក្នុងខណ្ឌច្បារអំពៅបានប្រាប់កម្ពុជាថ្មីថា មកដល់ថ្ងៃទី២ ខែមីនានេះ នៅមូលដ្ឋានខណ្ឌច្បារអំពៅមានទីតាំងចំនួន៧ហើយដែលមានអ្នកកើតជំងឺកូវិដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហ៊ាង បញ្ជាក់ទៀតថា ទីតាំងចំនួន៧នោះគឺមានសង្កាត់ក្បាលកោះចំនួន១ សង្កាត់វាលស្បូវចំនួន១ ហាយតិចលុច្ចសារី ចំនួន១ និង៤ទៀតស្ថិតក្នុងបុរីប៉េង ហួត ក្នុងនោះគឺគម្រោង៦និង៧។

លោកគុយ គឹម ហ៊ាង បន្តទៀតថា ចំពោះទីតាំងដែលមានមនុស្សឆ្លងជំងឺកូវិដ១៩គឺពុំបានបិទចរាចរណ៍ទាំងស្រុងនោះទេ ដោយបិទតែលំនៅដ្ឋានអ្នកជំងឺប៉ុណ្ណោះ។ ក្រៅពីនោះចរាចរណ៍ធម្មតាតែស្ថិតក្នុងការ ការពារយ៉ាងយកចិត្តទុកដាក់ថែរក្សាអនាម័យបំផុត។

ទាក់ទិនទៅនឹងសភាពការណ៍ជំងឺកូវិដ១៩ដែលកំពុងឆ្លងរាលដាលមកដល់ខណ្ឌច្បារអំពៅនាយប់ថ្ងៃទី១ខែមិនានេះ លោក ចេង មុនីរ៉ា អភិបាលខណ្ឌច្បារអំពៅដែលបានចុះទៅដល់ទីតាំងដែលមានឆ្លងកូវិដ១៩នាយប់ថ្ងៃទី១ខែមីនា នៅគម្រោងទី៧បុរីប៉េង ហួត បានឲ្យដឹងថា លំនៅដ្ឋានដែលមានអ្នកឆ្លងជំងឺកូវិដនោះ មានផ្ទះលេខ៣៣ផ្លូវP០៦ ស្ថិតក្នុងគម្រោង៧ប៉ូឡារីស១ .ផ្ទះលេខ២៩៧ផ្លូវលេខP០៦គម្រោង៧ប៉ូឡារីសនិងផ្ទះលេខ១៨ផ្លូវលេខM២៣គម្រោង៦។

ក្នុងនោះលោក អភិបាលខណ្ឌច្បារអំពៅសំណូមពរដល់បងប្អូនប្រជាពលរដ្ឋសូមថែរក្សាអនាម័យឲ្យបានគ្រប់ៗគ្នាពិសេសលាងសំអាតដៃនិងពាក់ម៉ាស់ឲ្យបានជាប់ជាប្រចាំកុំមានការធ្វេសប្រហែសឲ្យសោះ។ចំពោះម៉ាស់របស់សម្តេចតេជោគឺអាជ្ញាធរខណ្ឌបានផ្តល់ជូនទៅតាមសង្កាត់ទាំង៨ចំណុះឲ្យខណ្ឌច្បារអំពៅនិងបន្តផ្តល់ជូនតាមខ្នងផ្ទះប្រជាពលរដ្ឋមិនឲ្យខ្វះខាតឡើយ៕

អត្ថបទ ៖ នរា

Related Topics:

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា