ព័ត៌មានជាតិ
អាជ្ញាធរខណ្ឌកំបូល ធ្វើការកាយស្ដារប្រឡាយអមផ្លូវជាតិលេខ ៤ បញ្ចៀសការជន់លិចក្នុងរាជធានីភ្នំពេញនារដូវវស្សា
អភិបាលខណ្ឌកំបូល បានដាក់គ្រឿងចក្រកាយស្តារប្រឡាយមួយខ្សែ អមផ្លូវជាតិលេខ ៤ ដើម្បីសម្រួលចរន្តទឹកហូរ ជៀសវាងការជន់លិចក្នុងរាជធានីភ្នំពេញនារដូវវស្សា។
ដោយអនុវត្តតាមផែនការដឹកនាំរបស់ លោក ឃឹម ស៊ុនសូដា អភិបាល នៃគណៈអភិបាលខណ្ឌកំបូល លោក ទ្រី ណារ៉េត អភិបាលរងខណ្ឌ បានដឹកនាំមន្ត្រីការិយាល័យសាធារណការ ដឹកជញ្ជូន អនាម័យ បរិស្ថាន និងសណ្ដាប់ធ្នាប់សាធារណៈ និងកម្លាំងសណ្ដាប់ធ្នាប់ខណ្ឌ ចុះធ្វើការស្ដារប្រឡាយអមផ្លូវជាតិលេខ ៤ (ខាងជើងផ្លូវ) ចាប់ពីព្រំប្រទល់ស្រុកអង្គស្នួល ខេត្តកណ្ដាល រហូតដល់ព្រំប្រទល់ខណ្ឌពោធិ៍សែនជ័យ រាជធានីភ្នំពេញ ស្ថិតនៅភូមិសាស្ត្រសង្កាត់កំបូល និងសង្កាត់កន្ទោក ខណ្ឌកំបូល រាជធានីភ្នំពេញ។
នាឱកាសនោះដែរ អាជ្ញាធរ ក៏បានសំណូមពរដល់ប្រជាពលរដ្ឋទាំងអស់ មេត្តាវេចខ្ចប់ទុកដាក់សំរាមឱ្យបានត្រឹមត្រូវ ជៀសវាងបោះចោលគ្មានសណ្ដាប់ធ្នាប់ធ្លាក់ចូលប្រឡាយ បង្កជាកាកសំណល់ស្ទះនូវចរន្តទឹកហូរ ងាយនឹងជន់លិចនារដូវវស្សា។
សូមបញ្ជាក់ថា ប្រឡាយមួយខ្សែខាងលើនេះជាប្រឡាយមេ ដែលពោរពេញទៅដោយកាកសំណល់ ដុះស្មៅពាសពេញលើផ្ទៃទឹក ធ្វើឱ្យទឹកហូរយឺត ឬ មិនហូរ បង្កផលប៉ះពាល់ពេលភ្លៀងមកម្តងៗ តែងតែជន់លិចហូរចូលផ្ទះប្រជាពលរដ្ឋនៅតំបន់នោះ និងលិចផ្លូវមួយចំនួន ពិបាកដល់ការធ្វើដំណើរដល់ពលរដ្ឋ ក៏ដូចជាការប្រកបរបរផ្សេងៗ៕
អត្ថបទ ៖ សុខា
-
ព័ត៌មានអន្ដរជាតិ១ សប្តាហ៍ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៥ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៦ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៦ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS