ព័ត៌មានជាតិ
រដ្ឋលេខាធិការក្រសួងមហាផ្ទៃស្នើឱ្យមានការលើកទឹកចិត្តដល់ស្រ្តីជាអធិការរងបំបៅដោះកូនក្នុងពេលបំពេញភារកិច្ច
បន្ទាប់ពីបានអានអត្ថបទសារព័ត៌មានមួយ ទាក់ទងនឹងស្រ្តីជាអធិការរងស្រុកសៀមប៉ាង បំបៅដោះកូនក្នុងពេលបំពេញភារកិច្ចត្រូវបានថ្នាក់លើព្រមាន និងធ្វើកិច្ចសន្យាចំនួន២ដង លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ បានចេញសេចក្ដីថ្លែងការ និងបានស្នើដល់ឯកឧត្តមអភិបាលនៃគណៈអភិបាលខេត្តស្ទឹងត្រែង គួរកោតសរសើរ និងលើកទឹកចិត្តដល់ស្រ្តីជាអធិការរងស្រុកសៀមប៉ាងដើម្បីទទួលបានការយកចិត្តទុកដាក់ និងមានឱកាសគ្រប់គ្រាន់ដើម្បីថែកូន។
លោកជំទាវ ជូ ប៊ុនអេង មានប្រសាសន៍ថា៖ «ស្រ្តីជាអធិការរងស្រុកសៀមប៉ាងមិនបានបញ្ចេញភាពស៊ិចស៊ី ដើម្បីថតបង្ហាញសាធារណជនដើម្បីទាក់ទាញដូចអ្នករកស៊ីលក់ភាពស៊ិចស៊ី ដែលគេត្រូវមានចំណាត់ការនោះទេ។ នេះដោយសារតែមានអ្នកដែលចាប់អារម្មណ៍ និងកោតសរសើរគាត់ និងថតដើម្បីជាភស្តុតាងបង្ហាញថា នេះហើយជាស្រ្តីជាតិ ជាមាតា និងជាអ្នកដែលមានតួនាទីបម្រើជាតិជាប់ខ្លួន។»
គួរបញ្ជាក់ថា ក្រោយពីស្ត្រីជាប៉ូលីសចរាចរមួយរូបនៅអធិការដ្ឋានគរបាលស្រុកសៀមប៉ាង ខេត្តស្ទឹងត្រែង ត្រូវបានមេហៅទៅព្រមាន និងធ្វើកិច្ចសន្យារហូតពីរដង ដោយគ្រាន់តែបំបៅកូននៅក្នុងម៉ោងធ្វើការនោះ មានអ្នកលេងសង្គម facebook រាប់ម៉ឺននាក់ បានចេញប្រតិកម្មលើករណីនេះ និងបានស្នើឲ្យថ្នាក់លើពិនិត្យ ហើយចាត់វិធានការដើម្បីលើកកម្ពស់ស្ត្រីខ្មែរ។
អត្ថបទ៖ វ៉ាត វិន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)