ព័ត៌មានជាតិ

កាន់តែធ្ងន់ធ្ងរខេត្តព្រៃវែងមានអ្នកឆ្លងកូវីដ១៩កើនឡើងដល់៤៣នាក់

បានផុស

៥ years មុន

នៅ

ថ្ងៃសៅរ៍ ១៣ មីនា ២០២១

ដោយ

ក្រសួងសុខាភិបាលបានឲ្យដឹងថា ថ្ងៃនេះខេត្តព្រៃវែងមានអ្នកឆ្លងថ្មីចំនួន១៣នាក់បន្ថែមទៀត ធ្វើឲ្យខេត្តមួយនេះមានអ្នកឆ្លងរហូតដល់៤៣នាក់ហើយក្នុងចំណោមអ្នកឆ្លងសហគមន៍ចំនួន៧៥១នាក់។

ក្រសួងសុខាភិបាលបានបន្តថា គិតត្រឹមព្រឹកថ្ងៃទី១៣មីនានេះ មានអ្នកឆ្លងកូវីដ១៩ថ្មីចំនួន៣៩នាក់សុទ្ធតែក្នុងសហគមន៍និងមានអ្នកជាសះស្បើយចំនួន៤នាក់។ ក្នុងចំណោមអ្នកឆ្លងថ្មី៣៩នាក់នោះមាននៅភ្នំពេញ២០នាក់ព្រៃវែង១៣នាក់ព្រះសីហនុ១នាក់និងកណ្ដាល៥នាក់។

ខេត្តព្រៃវែងមានករណីឆ្លងព្រឹត្តិការណ៍សហគមន៍២០កុម្ភៈដំបូងទៅលើម្ចាស់មន្ទីរព្យាបាលនិងសម្ភពអ៊ឹមសុភី និងជាគ្រូពេទ្យមប្រើការងារនៅមន្ទីរពេទ្យបង្អែកអ្នកលឿងហើយបានបន្តរាលដាលរហូតមកដល់បច្ចុប្បន្នមានអ្នកឆ្លងសរុបចំនួន៤៣នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្ននេះក្រុមការងារឆ្លើយតបបន្ទាន់បានកំពុងបន្តស្រាវជ្រាវរកអ្នកជាប់ពាក់ព័ន្ធជាច្រើនទៀតដើម្បីយកមកធ្វើតេស្តរកកូវីដ១៩។

គួរបញ្ជាក់ថា គិតត្រឹមព្រឹកថ្ងៃទី១៣ ខែមីនា ឆ្នាំ២០២១ កម្ពុជាមានអ្នកឆ្លងកូវីដ១៩សរុបចំនួន១២៦៤នាក់ក្នុងនោះមានអ្នកជាសះស្បើយចំនួន៦២៣ នាក់និងអ្នកកំពុងព្យាបាលចំនួន៦៣៩នាក់និងមានអ្នកស្លាប់០១ នាក់៕

អត្ថបទ ៖ សំអឿន

Related Topics:

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា