ព័ត៌មានជាតិ
គ្រូបច្ចេកទេស ៖ ការបណ្ដុះបណ្ដាលបន្ថែមពីវិធីសាស្ត្របង្រៀន និងប្រើប្រាស់ម៉ូឌុលតាមជំនាញ ដល់គ្រូបច្ចេកទេស ជាកត្តាដ៏សំខាន់ពង្រឹងគុណភាពបណ្ដុះបណ្ដាលនៅកម្ពុជា
លោកគ្រូ អ្នកគ្រូ ជាសិក្ខាកាម ក្នុងវគ្គវិក្រឹតការគ្រូបច្ចេកទេសស្ដីពី«វិធីសាស្ត្របង្រៀន និងការប្រើប្រាស់ម៉ូឌុលតាមជំនាញ» ដែលរៀបចំឡើងដោយ ក្រសួងការងារ និងបណ្ដុះបណ្ដាលវិជ្ជាជីវៈ បានបង្ហាញការយល់ឃើញថា វគ្គវិក្រឹតការនេះ ពិតជាមានសារៈសំខាន់ ដើម្បីពង្រឹងសមត្ថភាពគ្រូបច្ចេកទេស ដែលជាឧបករណ៍ទ្រទ្រង់មួយដ៏ចាំបាច់សម្រាប់ធានាគុណភាពក្នុងប្រព័ន្ធអប់រំបណ្ដុះបណ្ដាលបច្ចេកទេស និងវិជ្ជាជីវៈ នៅកម្ពុជា ស្របតាមគោលនយោបាយរបស់រាជរដ្ឋាភិបាលកម្ពុជា។
ការលើកឡើងបែបនេះ បន្ទាប់ពី ក្រសួងការងារ និងបណ្ដុះបណ្ដាលវិជ្ជាជីវៈ កាលពីថ្ងៃទី ៤ ខែធ្នូ ឆ្នាំ ២០២៤ បានបិទវគ្គវិក្រឹតការគ្រូបច្ចេកទេសស្ដីពី«វិធីសាស្ត្របង្រៀន និងការប្រើប្រាស់ម៉ូឌុលតាមជំនាញ» លើកទី ២ ដើម្បីគាំទ្រកម្មវិធីបណ្ដុះបណ្ដាលជំនាញវិជ្ជាជីវៈ និងបច្ចេកទេស សម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ។
លោកគ្រូ ថៃ ឆេងម៉ៅ ជាគ្រូបង្រៀនមកពីវិទ្យាស្ថានពហុបច្ចេកទេសខេត្តកំពង់ស្ពឺ មើលឃើញថា វគ្គវិក្រឹតការគ្រូបច្ចេកទេសស្ដីពី«វិធីសាស្ត្របង្រៀន និងការប្រើប្រាស់ម៉ូឌុលតាមជំនាញ» ដែលបានរៀបចំបណ្ដុះបណ្ដាលរយៈពេល ១០ ថ្ងៃនេះ មានសារៈសំខាន់ណាស់ក្នុងការអភិវឌ្ឍសមត្ថភាពគ្រូបច្ចេកទេសឱ្យមានគុណភាពខ្ពស់ជាមួយវិធីសាស្ត្របណ្ដុះបណ្ដាលដ៏រឹងមាំ និងការប្រើប្រាស់ម៉ូឌុលតាមជំនាញឱ្យបានត្រឹមត្រូវ។ ក្នុងនោះ គ្រូសិក្ខាកាម បានទទួលនូវការធ្វើបទបង្ហាញពីវាគ្មិនជាថ្នាក់ដឹកនាំនាយកដ្ឋាន, តំណាងវិស័យឯកជន, ថ្នាក់ដឹកនាំគ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈ ដែលធ្វើឱ្យយល់កាន់តែស៊ីជម្រៅលើការបង្រៀនជំនាញផងដែរ។
លោកគ្រូជំនាញបច្ចេកទេសរូបនេះបន្ថែមថា រយៈពេល ១០ ថ្ងៃ នៃវគ្គវិក្រឹតការគ្រូនេះ ខ្លួនមានការយល់ដឹងច្រើនលើការប្រើប្រាស់ម៉ូឌុលតាមជំនាញ និងការតាក់តែងមេរៀនបង្រៀន, ផែនការជំនាញ និងវិធីសាស្ត្រថ្មីៗ ជាច្រើន លើការបណ្ដុះបណ្ដាលជំនាញបច្ចេកទេស និងវិជ្ជាជីវៈ បានយ៉ាងល្អប្រសើរបន្ថែមលើចំណេះដឹងដែលមានស្រាប់។ ក្នុងនាមជាគ្រូបង្រៀនបច្ចេកទេស តាមរយៈវគ្គវិក្រឹតការមួយនេះ នឹងបន្តចែករំលែក និងការអនុវត្តជាក់ស្ដែងនូវជំនាញបច្ចេកទេសដែលនឹងជួយផលិតបាននូវសិក្ខាកាម សិស្ស-និស្សិត និងកម្លាំងពលកម្មជំនាញប្រកបដោយគុណភាព ដើម្បីផ្គត់ផ្គង់ទៅតាមតម្រូវការ នៃសេដ្ឋកិច្ចសង្គមរបស់ប្រទេសជាតិ។
ដោយឡែក អ្នកគ្រូ សាន គីមជេន ជាគ្រូបង្រៀន នៃវិទ្យាស្ថានពហុបច្ចេកទេសខេត្តកំពង់ធំ ក៏បានគូសបញ្ជាក់ដែរថា វគ្គវិក្រឹតការគ្រូបច្ចេកទេស គឺជាស្ពានសម្រាប់គ្រូបណ្ដុះបណ្ដាលទាំងអស់ឱ្យស្វែងយល់កាន់តែស៊ីជម្រៅលើការប្រើប្រាស់ម៉ូឌុលតាមជំនាញ ហើយវគ្គវិក្រឹតការគ្រូបច្ចេកទេសធ្វើឱ្យកាន់តែប្រសើរឡើង នៃសមត្ថភាពជំនាញរបស់គ្រូបណ្តុះបណ្តាលបច្ចេកទេសដែលជាអ្នកចូលរួមយ៉ាងសំខាន់ក្នុងបណ្ដុះបណ្ដាលយុវជននៅកម្ពុជា។
សម្រាប់វគ្គវិក្រឹតការគ្រូបច្ចេកទេសនេះ អ្នកគ្រូមើលឃើញថា នឹងធ្វើឱ្យកាន់តែប្រសើរឡើង នៃគុណភាព នៃការសិក្សាជំនាញវិជ្ជាជីវៈ និងបច្ចេកទេសនៅកម្ពុជា និងអាចទាក់ទាញយុវជន ពលរដ្ឋ ឱ្យមកទទួលយកការបណ្តុះបណ្តាលជំនាញវិជ្ជាជីវៈ និងបច្ចេកទេស ឱ្យកាន់តែទូលាយថែមមួយកម្រិតទៀត នៅថ្ងៃអនាគត និងស្របតាមគោលបំណងរបស់រាជរដ្ឋាភិបាល គឺយុវជនត្រូវតែរៀនឱ្យចប់ ឱ្យចេះ ឱ្យមានការងារធ្វើ។
សូមបញ្ជាក់ថា វគ្គវិក្រឹតការគ្រូបច្ចេកទេសស្ដីពី«វិធីសាស្ត្របង្រៀន និងការប្រើប្រាស់ម៉ូឌុលតាមជំនាញ» ធ្វើឡើងដើម្បីពង្រឹងសមត្ថភាពគ្រូបច្ចេកទេស ក្នុងការអនុវត្តកញ្ចប់ស្តង់ដារបណ្តុះបណ្តាលស្របតាមគុណវុឌ្ឍិជាតិកម្ពុជា ដែលជាឧបករណ៍ទ្រទ្រង់មួយដ៏ចាំបាច់ សម្រាប់ធានាគុណភាពនៅក្នុងប្រព័ន្ធអប់រំបណ្តុះបណ្តាលបច្ចេកទេស និងវិជ្ជាជីវៈនៅកម្ពុជា ដែលមិនត្រឹមតែរួមចំណែកពង្រឹងសមត្ថភាព និងគុណភាពជាចម្បងប៉ុណ្ណោះទេ ប៉ុន្តែក៏នឹងរួមចំណែកលើកកម្ពស់ និងគុណតម្លៃ នៃការបណ្ដុះបណ្ដាលជំនាញវិជ្ជាជីវៈ សំដៅទាក់ទាញយុវជនឱ្យចាប់អារម្មណ៍ និងជ្រើសរើសរៀនវគ្គបណ្ដុះបណ្ដាលជំនាញបច្ចេកទេសស្របតាមស្តង់ដារជាតិ និងតំបន់ផងដែរ។
វគ្គវិក្រឹតការគ្រូបច្ចេកទេស លើកទី ២ នេះ មានរយៈពេល ១០ ថ្ងៃ ចាប់ពីថ្ងៃទី ២៥ ខែវិច្ឆិកា ដល់ថ្ងៃទី ៤ ខែធ្នូ ឆ្នាំ ២០២៤ ដោយមានសិក្ខាកាមជាគ្រូបច្ចេកទេសមកពីគ្រឹះស្ថាន TVET នានា និងមានការធ្វើបទបង្ហាញពីវាគ្មិនមកពីនាយកដ្ឋានជំនាញ, តំណាងវិស័យឯកជន និងគ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈ ផងដែរ៕
ចំណាប់ខ្មាំង៣៣នាក់ នឹងត្រូវក្រុមហាម៉ាសដោះលែង ក្នុងដំណាក់កាលដំបូងនៃកិច្ចព្រមព្រៀង
រដ្ឋាភិបាលនឹងធ្វើការកៀរគរទុនជាង១២៣លានដុល្លារតាមរយៈការបោះផ្សាយលក់មូលបត្រររដ្ឋក្នុងឆ្នាំ២០២៥នេះ
រលកខ្យល់ល្បឿនជាង១០០គ.ម/ម៉ោង នឹងធ្វើឲ្យ LA កើតភ្លើងឆេះព្រៃ កាន់តែសាហាវៗថែមទៀត
ព្រះខ័នរាជស្វាយរៀង បន្តធ្វើការធ្ងន់ក្នុងពានរង្វាន់៤ផ្សេងគ្នាដ៏មមាញឹក
ខួប៤០ឆ្នាំឡើងជានាយករដ្ឋមន្ត្រី សម្ដេចតេជោរំលឹកពីអាទិភាពដំបូងដែលបានសន្យាចំពោះប្រជាជន
ព្រាប សុវត្ថិ ប្រកាសលក់ដីជាង ៨ហិកតានៅមណ្ឌលគិរីក្នុងតម្លៃពិសេស ជាឱកាសសម្រាប់ការវិនិយោគ
គម្រោងកែលម្អសួនច្បារមាត់ទន្លេ ចំណាយថវិកាជិត ២០០ លានរៀល ផ្លាស់ប្តូរមុខមាត់ថ្មីស្រុកសំបូរទាក់ទាញទេសចរបន្ថែមទៀត
ពលរដ្ឋនៅបាត់ដំបងតវ៉ាបិទផ្លូវទាមទារឲ្យដោះបញ្ហាស្រូវធ្លាក់ថ្លៃ ក្រសួងកសិកម្មតបថា ថាមិនបានព្រងើយបញ្ហានេះឡើយ
រដ្ឋ Johor ភាគខាងត្បូងម៉ាឡេស៊ីប្រឈមទឹកជំនន់ ខណៈអ្នកប៉ះពាល់កើនជិត៤០០០នាក់
អ្នកនាំពាក្យ៖ ក្រសួងយុត្តិធម៌ មិនឱ្យមាន«ករណីបុកគេស្លាប់ហើយជនបង្កបង់លុយយករួចខ្លួន»កើតមានទៀតទេ
-
ព័ត៌មានជាតិ៥ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៣ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៦ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍១ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ជីវិតកម្សាន្ដ៣ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ៤ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៦ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ៤ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ