ព័ត៌មានជាតិ

រដ្ឋបាលខេត្តកែប ដាក់រនាំងត្រួតពិនិត្យអ្នកធ្វើដំណើរតាមដងផ្លូវ និងផ្អាកការជួបជុំ

បានផុស

៥ years មុន

នៅ

ថ្ងៃចន្ទ ១៥ មីនា ២០២១

ដោយ

ដើម្បីបញ្ចៀសនិងបង្ការ ការពារទប់ស្កាត់កុំឲ្យមានការចម្លងជំងឺកូវីដ១៩ នៅក្នុងសហគមន៍ រដ្ឋបាលខេត្តកែប បានណែនាំដល់សមត្ថកិច្ចនិងមន្ត្រីជំនាញ ដាក់រនាំងដើម្បីត្រួតពិនិត្យពលរដ្ឋដែលធ្វើចរាចរណ៍នៅតាមដងផ្លូវជាតិលេខ៣៣។

ជាមួយគ្នានេះ រដ្ឋបាលខេត្តកែប ក៏បានធ្វើសេចក្តីជូនដំណឹង ស្តីពីការផ្អាកនូវកម្មវិធីមង្គលការ ពិធីជប់លៀង ឬពិធីជួបជុំបែបសាសនាផ្សេងៗផងដែរ ធ្វើបែបនេះក្នុងគោលបំណងបង្ការ ការពារ ទប់ស្កាត់ និងបញ្ចៀសបាននូវករណីចម្លងជំងឺកូវីដ១៩ ដែលបច្ចុប្បន្នជំងឺនេះបាននឹងកំពុងកើនឡើងគួរឲ្យបារម្ភ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះការដាក់រនាំងស្ថិតលើដងផ្លូវជាតិលេខ៣៣ ត្រូវបានអនុវត្ត២៤ម៉ោង ដែលមានសមត្ថកិច្ចនគរបាល និងកងរាជអាវុធហត្ថ ព្រមទាំងបុគ្គលិកសុខាភិបាល ដោយតម្រូវឲ្យមានការដាក់រនាំងចំនួន២គោលដៅក្នុងភូមិសាស្ត្រខេត្ត ត្រង់ចំណុចព្រំប្រទល់រវាងខេត្តកែប និងខេត្តកំពត។

ដោយឡែកនៅព្រឹកថ្ងៃទី១៥ ខែមីនា ឆ្នាំ២០២១ នេះ គេសង្កេតឃើញវត្តមានលោក ភូ លិ អភិបាលរងខេត្តកែប និងលោក ម៉ែន សុធីរ ប្រធានមន្ទីរសុខាភិបាលខេត្តកែប បានដឹកនាំកម្លាំងចុះពិនិត្យនៅតាមផ្សារនៃទីប្រជុំជន សេះស នៃភូមិសាស្ត្រទឹកដីក្រុងកែប ដើម្បីត្រួតពិនិត្យ និងធ្វើការណែនាំដល់អាជីវករលក់ដូរ ព្រមទាំងអ្នកទិញទំនិញក្នុងផ្សារឲ្យអនុវត្តតាមការណែនាំរបស់ក្រសួងសុខាភិបាល និងតាមអនុសាសន៍របស់សម្តេចតេជោ ហ៊ុន សែន គឺ”៣កុំ ៣ការពារ” ពិសេសការជំរុញដល់ពលរដ្ឋត្រូវតែពាក់ម៉ាស លាងសម្អាតដៃនិងអាល់កុល ឬសាប៊ូ ឲ្យបានគ្រប់ៗគ្នា។វិធានការបែបនេះ គឺដើម្បីបញ្ចៀសឲ្យបាននូវការចម្លងជំងឺកូវីដ ១៩ នៅតាមសហគមន៍និមួយៗ ក្នុងតំបន់ភូមិសាស្ត្រខេត្តកែបទាំងមូល៕

អត្ថបទ ៖ សេង ណារិទ្ធ

Related Topics:

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា