ព័ត៌មានជាតិ

គិតត្រឹមម៉ោង ០៧ ០០ ព្រឹក សរុបចំនួនអ្នកឆ្លងកូវីដ ក្នុងព្រឹត្តិការណ៍ ២០ កុម្ភៈ

បានផុស

៤ years មុន

នៅ

ថ្ងៃពុធ ១៧ មីនា ២០២១

ដោយ

ជំងឺកូវីដ ១៩ នៅបន្តរីករាលដាលកើនឡើងជារៀងរាល់ថ្ងៃ។ គិតត្រឹមម៉ោង ០៧ ០០ ព្រឹកថ្ងៃទី ១៧ មីនា ២០២១ ចំនួនអ្នកឆ្លងក្នុងព្រឹត្តិការណ៍ ២០ កុម្ភៈ សរុបមានចំនួន ៩៩០ នាក់ និងមានអ្នកជាសះស្បើយចេញពីមន្ទីរពេទ្យចំនួន ៣៤០ នាក់។

ខេត្តក្រុងចំនួន ៤ ស្ថិតក្នុងភាពធ្ងន់ធ្ងរជាងគេមានរាជធានីភ្នំពេញ ខេត្តព្រះសីហនុ ខេត្តកណ្ដាល និងខេត្តព្រៃវែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកជំទាវ ឱ វណ្ណឌីន រដ្ឋលេខាធិការនិងអ្នកនាំពាក្យក្រសួងសុខាភិបាល បានថ្លែងថា ពេលនេះជាពេលចាំបាច់បំផុត ការបញ្ឈប់ការជួបជុំ ឫការពន្យាពេលនៃការរៀបចំពិធីនានា ល្អប្រសើរជាងការឆ្លងហើយអាចស្លាប់បានគ្រប់ពេលវេលា។

អ្នកនាំពាក្យបានលើកឡើងពីគ្រោះថ្នាក់នៃ វីរុសកូវីដ-១៩ បម្លែងថ្មី ដែលកំពុងតែចរាចរនៅរាជធានីភ្នំពេញនេះតែម្តង និងបានឆ្លងបន្តទៅខេត្តមួយចំនួន។ វីរុសបម្លែងថ្មីនេះ សាហាវជាង និងខ្លាំងជាងវីរុសនាពេលមុនៗ ដែលអាចធ្វើឱ្យបុគ្គលស្លាប់បានគ្រប់ពេលវេលា ដូចថ្មីៗនេះមានករណីស្លាប់មួយនាក់រួចទៅហេីយៗ និងក៏នៅមានអ្នកដែលស្ថិតក្នុងសភាពធ្ងន់ធ្ងរមួយចំនួនទៀត។

ឃុំសំពៅពូន ស្រុកកោះធំ ខេត្តកណ្ដាល អាជ្ញាធរប្រកាសអាសន្ន ក្រោយរកឃើញអ្នកឆ្លងរាប់រយនាក់។ ឃុំសំពៅពូន ជាមូលដ្ឋានតំបន់កាស៊ីណូដ៏ធំជាប់ព្រំដែនវៀតណាម មានករណីឆ្លងបន្តគ្នាក្នុងចំណោមបុគ្គលិកចិន ខ្មែរ ថែ វៀតណាមរាប់រយនាក់។ អាជ្ញាធរបានចុះបិទភូមិឃុំដែលពាក់ព័ន្ធ និងស្នើអាជីវកម្មទាំងអស់ផ្អាកជាបណ្តោះអាសន្ន ដើម្បីបង្ការកុំឲ្យវិបត្តិរាលដាលកាន់តែធ្ងន់ធ្ងរបន្ថែមទៀត។

ជាមួយគ្នានេះ ខេត្តព្រៃវែងអាជ្ញាធរបានចុះបិទទីតាំងអាជីវកម្មគ្រូពេទ្យមួយរូប ដែលបានឆ្លងកូវីដ ១៩ ហើយបានបន្តឆ្លងរាលដាលដល់អ្នកភូមិជាច្រើនទៀត៕

Related Topics: