ព័ត៌មានជាតិ

ស្ត្រីវៀតណាម២នាក់ជាសះស្បើយនៅស្វាយរៀងត្រូវធ្វើចត្តាឡីស័ក១៤ថ្ងៃបន្តទៀត

បានផុស

៥ years មុន

នៅ

ថ្ងៃព្រហស្បតិ៍ ១៨ មីនា ២០២១

ដោយ

ស្ត្រីជនជាតិវៀតណាម២នាក់ឆ្លងកូវីដ១៩នៅខេត្តស្វាយរៀងដែលបានព្យាបាលជាសះស្បើយនោះត្រូវបន្តធ្វើចត្តាឡីស័កចំនួន១៤ថ្ងៃទៀតដើម្បីតាមដានសុខភាព ព្រោះខ្លាចលាប់ឡើងវិញមុននឹងអនុញ្ញាតឲ្យវិលត្រឡប់ទៅផ្ទះវិញ។

ក្រសួងសុខាភិបាលបានប្រកាសនៅថ្ងៃនេះថា ស្ត្រីវៀតណាមពីរនាក់នោះទទួលបានលទ្ធផលតេស្តអវិជ្ជមានចំនួន២លើក និងត្រូវបានអនុញ្ញាតចេញពីមន្ទីរពេទ្យបង្អែកស្វាយជ្រំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត កែរ រដ្ឋា ប្រធានមន្ទីរសុខាភិបាលខេត្តស្វាយរៀងបានឲ្យដឹងនៅរសៀលថ្ងៃទី១៨មីនានេះថា«ស្ត្រីវៀតណាមពីរនាក់ហ្នឹងបានជាសះស្បើយនិងអនុញ្ញាតឲ្យចេញពីមន្ទីរពេទ្យមែន ប៉ុន្តែពួកគាត់ត្រូវធ្វើចត្តាឡីស័ករយៈពេល១៤ថ្ងៃទៀត ហើយថ្ងៃទី១៣ត្រូវយកសំណាកមួយលើកទៀតខ្លាចគាត់លាប់ឬរើឡើងវិញ»។

លោកបានបន្តទៀតថា ប្រសិនលទ្ធផលតេស្តលើកក្រោយខាងមុខនេះអវិជ្ជមានទៀតទើបបានអនុញ្ញាតឲ្យពួកគាត់វិលត្រឡប់ទៅផ្ទះវិញបាន។

ស្ដ្រីជនជាតិវៀតណាម ២នាក់ទី១មានឈ្មោះ Dinh Thi Xuon Nhi ភេទស្រីអាយុ២៧ឆ្នាំនិងទី២ឈ្មោះ Nguyen Ngoc Xia ភេទស្រីអាយុ២៨ឆ្នាំស្នាក់នៅខណ្ឌចំការមនរាជធានីភ្នំពេញជាអ្នកផាត់មុខនិងធ្វើក្រចកបានធ្វើដំណើរតាមរថយន្តតាក់ស៊ីពីភ្នំពេញទៅក្រុងបាវិតកាលពីថ្ងៃទី២៧ខែកុម្ភៈឆ្នាំ២០២១ក្នុងគោលបំណងទៅវៀតណាមតាមច្រកបាវិត ប៉ុន្តែមិនអាចទៅបានដោយខ្វះឯកសារ។ក្រោយមកស្ត្រីវៀតណាម២នាក់នេះត្រូវបានរកឃើញវិជ្ជមានកូវីដ១៩ហើយសម្រាកព្យាបាលជំងឺនៅ មន្ទីរពេទ្យ បង្អែក ស្វាយជ្រំ។

គួរបញ្ជាក់ថា ពាក់ព័ន្ធនឹងស្ត្រីវៀតណាម២នាក់មានវិជ្ជមានកូវីដ១៩នេះដែរក្រុមការងារឆ្លើយតបបន្ទាន់នៃមន្ទីរសុខាភិបាលខេត្តស្វាយរៀងបានរកឃើញអ្នកជាប់ពាក់ព័ន្ធចំនួនជិត៣០នាក់ក្នុងនោះមានអ្នករត់ម៉ូតូកង់បីចំនួន៣នាក់ អ្នករត់តាក់ស៊ី១នាក់សមត្ថកិច្ច៧នាក់ហើយក្រៅពីនេះមានម្ចាស់សណ្ឋាគារបុគ្គលិកនិងអ្នកដែលលក់ដូរនៅសណ្ឋាគារហេង ហេង សេរីរ័ត្ន។ប៉ុន្តែលទ្ធផលតេស្តអវិជ្ជមានទាំងអស់៕

អត្ថបទ ៖ សំអឿន

Related Topics:

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា