ចុះទៅទាំង​យប់ ស្រុកកំពង់ត្រឡាច ខេត្តកំពង់ឆ្នាំង មានអ្នក​​ឆ្លងកូវីដ​ម្នាក់​ជា​ស្រ្តី​មកពី​ភ្នំពេញ

បើ​តាម​សេចក្តី​រាយការណ៍ពី​ស្រុកកំពង់ត្រលាច​ ខេត្តកំពង់ឆ្នាំង នៅយប់​​ថ្ងៃ ២៤ មីនា ឆ្នាំ ២០២១ ក្រុមគ្រូពេទ្យ​បាន​ចុះទៅយកស្រ្តីម្នាក់ដែល​ឆ្លងកូវីដ ១ នាក់​ ជា​អ្នក​ធ្វើ​ដំណើរ​មកពី​ភ្នំពេញ។

បើ​តាម​ប្រភពរាយការណ៍​ថាឈ្មោះ ហីន ថាញ់សុផា ភេទស្រី អាយុ២៨ ឆ្នាំ ធ្វើដំណើរមកពីភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ ចូលមកភូមិកំពង់ត្រឡាចក្រោម ឃុំកំពង់ត្រឡាច ស្រុកកំពង់ត្រឡាច នៅវេលាម៉ោង១៦ និង០០ នាទី និងបានទទួលលទ្ធផលវិជ្ជមានកូវីដ-១៩ ពីក្រុមគ្រូពេទ្យរាជធានីភ្នំពេញ។

ស្រ្តីខាងលើ ត្រូវបានក្រុមគ្រូពេទ្យមកទទួលដើម្បីព្យាបាលនៅមន្ទីរពេទ្យភ្នំពេញ។ បច្ចុប្បន្នកម្លាំងនគរបាលស្រុកកំពុងសហការជាមួយអាជ្ញាធរ និងមន្ត្រីសុខាភិបាលស្វែងរកអ្នកពាក់ព័ន្ធជាមួយឈ្មោះខាងលើ៕