ព័ត៌មានជាតិ
កម្ពុជា កំពុងត្រូវការកម្លាំងពលកម្ម ជាង ៦ ម៉ឺនកន្លែង បម្រើវិស័យឧស្សាហកម្ម សេវាកម្ម និង កសិកម្ម
ក្រសួងការងារ និង បណ្ដុះបណ្ដាលវិជ្ជាជីវៈ ប្រកាសថា គិតត្រឹមថ្ងៃទី ១៨ ខែមេសា ឆ្នាំ ២០២៥ កម្ពុជា មានតម្រូវការកម្លាំងពលកម្មក្នុងស្រុកចំនួន ៦២ ៦៦២ កន្លែង នៅទូទាំងប្រទេស សម្រាប់បម្រើទៅលើវិស័យធំៗ ៣ រួមមាន ៖ វិស័យឧស្សាហកម្ម សេវាកម្ម និង កសិកម្ម។
តាមរយៈ ក្រសួងការងារ និងបណ្ដុះបណ្ដាលវិជ្ជាជីវៈ កម្លាំងពលកម្មក្នុងស្រុកចំនួន ៦២ ៦៦២ កន្លែង ក្នុងនោះ វិស័យឧស្សាហកម្មមានតម្រូវការចំនួន ៥២ ១០៤ កន្លែង វិស័យសេវាកម្មមានចំនួន ២ ១៥១ កន្លែង និង វិស័យកសិកម្មមានចំនួន ៨ ៤០៧ កន្លែង។
ជាមួយនេះ នៅខេត្តកំពង់ឆ្នាំង មានតម្រូវការកម្លាំងពលកម្ម ១១ ៤៥០ កន្លែង ក្នុងនោះ ផ្នែកឧស្សាហកម្ម ១១ ៤៥០ កន្លែង។ ខេត្តស្វាយរៀង មានតម្រូវការកម្លាំងពលកម្ម ១០ ៧៨៦ កន្លែង ក្នុងនោះ ផ្នែកឧស្សាហកម្ម ១០ ៧៥៩ កន្លែង និង ផ្នែកសេវាកម្ម ២៧ កន្លែង។ ខេត្តកំពង់ស្ពឺ មានតម្រូវការកម្លាំងពលកម្ម ៩ ៤៧៣ កន្លែង ក្នុងនោះ ផ្នែកឧស្សាហកម្ម ៩ ៤៧៣ កន្លែង។ រាជធានីភ្នំពេញ មានតម្រូវការកម្លាំងពលកម្ម ៨ ៤៦២ កន្លែង ក្នុងនោះ ផ្នែកឧស្សាហកម្ម ៧ ៥១០ កន្លែង និង ផ្នែកសេវាកម្ម ៩៥២ កន្លែង។
ចំពោះ ខេត្តកណ្ដាល មានតម្រូវការកម្លាំងពលកម្ម ៧ ៤០៤ កន្លែង ក្នុងនោះ ផ្នែកឧស្សាហកម្ម ៧ ៣៦៤ កន្លែង និង ផ្នែកសេវាកម្ម ៤០ កន្លែង។ ខេត្តរតនគិរី មានតម្រូវការកម្លាំងពលកម្ម ៤ ៣០៩ កន្លែង ក្នុងនោះ ផ្នែកឧស្សាហកម្ម ៥ កន្លែង និង ផ្នែកកសិកម្ម ៤ ៣០៤ កន្លែង។ ខេត្តក្រចេះ មានតម្រូវការកម្លាំងពលកម្ម ៣ ៨០០ កន្លែង ក្នុងនោះ ផ្នែកកសិកម្ម ៣ ៨០០ កន្លែង។ ខេត្តតាកែវ មានតម្រូវការកម្លាំងពលកម្ម ២ ៦១១ កន្លែង ក្នុងនោះ ផ្នែកឧស្សាហកម្ម ២ ៥៩៨ កន្លែង និង ផ្នែកសេវាកម្ម ១៣ កន្លែង។ ខេត្តកំពង់ចាម មានតម្រូវការកម្លាំងពលកម្ម ២ ០០៥ កន្លែង ក្នុងនោះ ផ្នែកឧស្សាហកម្ម ១ ៩៦២ កន្លែង និង ផ្នែកសេវាកម្ម ៤៣ កន្លែង។ ខេត្តបន្ទាយមានជ័យ មានតម្រូវការកម្លាំងពលកម្ម ៥១៧ កន្លែង ក្នុងនោះ ផ្នែកឧស្សាហកម្ម ២៩ កន្លែង និង ផ្នែកសេវាកម្ម ៤៨៨ កន្លែង និង ខេត្តផ្សេងៗ មានតម្រូវការកម្លាំងពលកម្ម ១ ៨៤៥ កន្លែង ក្នុងនោះ ផ្នែកឧស្សាហកម្ម ៩៥៤ កន្លែង សេវាកម្ម ៥៨៨ កន្លែង និង កសិកម្ម ៣០៣ កន្លែង។
ដោយឡែកចំពោះកម្លាំងពលកម្មជាង ៦ ម៉ឺនកន្លែង នឹងត្រូវបែងចែកទៅតាមប្រភេទមុខរបរចំនួន ១០ រួមមាន ៖ អ្នកបញ្ជាម៉ាស៊ីនដេរ កម្មករក្នុងផលិតកម្ម កម្មករចម្ការដំណាំ អ្នកបញ្ជាម៉ាស៊ីនធ្វើស្បែកជើង កម្មករខ្ចប់វេចដោយដៃ យន្តការី និង អ្នកដំឡើងអគ្គិសនី អ្នកបច្ចេកទេសត្រួតពិនិត្យដំណើរការផលិត មន្ត្រីឥណទាន និង ប្រាក់កម្ចី បុគ្គលិកការិយាល័យទូទៅ អ្នកការពារសន្តិសុខ និង មុខរបរផ្សេងៗ។
សម្រាប់យុវជនទាំងអស់ដែលមានបំណងចង់ស្វែងរកការងារទាំងនេះ សូមទាក់ទងទៅកាន់ទីភ្នាក់ងារជាតិមុខរបរ និង ការងារ (NEA) នៃក្រសួងការងារ និង បណ្ដុះបណ្ដាលវិជ្ជាជីវៈ តាមរយៈលេខទូរស័ព្ទ ១២៩៧ ឬ ១២៨៦ ឬ តេលេក្រាម និង CoolApp លេខ ០៧៧ ២៣ ២៣ ៧៨៕
អត្ថបទ ៖ ពិសី
មេទ័ពឥណ្ឌា ព្រមានថា ប៉ាគីស្ថាន នឹងជួបទុក្ខធំ បើហ៊ានបំពានបទឈប់បាញ់
សប្តាហ៍នេះ ផ្លូវថ្មើរជើងត្រូវបានរៀបចំឡើងមិនខុសពីសប្តាហ៍កន្លងទៅ តែបន្ថែមការប្រគុំតន្ត្រីខ្នាតតូចរបស់ផលិតកម្មហង្សមាស
មន្រ្តីជាន់ខ្ពស់អាមេរិក-ចិន បង្ហាញពីសុទិដ្ឋិនិយមលើការចរចាពន្ធគយ
ហាម៉ាស ប្រកាសដោះលែងចំណាប់ខ្មាំងជនជាតិអាមេរិកតែម្នាក់គត់ដែលនៅរស់
សម្តេច ម៉ែន សំអន គាំទ្រគំនិតប្រែក្លាយផ្ទះនៅស្រុកកំណើតសម្តេចតេជោ ទៅជារមណីយដ្ឋានប្រវត្តិសាស្ត្រតេជោសែន
មាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
អឺរ៉ុបទាមទារបទឈប់បាញ់ដោយគ្មានលក្ខខណ្ឌនៅអ៊ុយក្រែន គំរាមដាក់ទណ្ឌកម្មថ្មីលើរុស្ស៊ី
ហ្សេលេនស្គី ព្រមជួបពូទីន ទល់មុខ នៅតួកគី តែមានលក្ខខណ្ឌមួយ
អាល្លឺម៉ង់ ប្រកាសលែងបង្ហើបដំណឹងអំពីជំនួយយោធាដែលផ្ដល់ឲ្យអ៊ុយក្រែនទៀតហើយ
ក្រសួងការងារដោះស្រាយបញ្ចប់ទំនាស់ រវាងរដ្ឋបាលនិងបុគ្គលិករោងចក្រស៊ីង កៃ សេន
-
ព័ត៌មានអន្ដរជាតិ៥ ថ្ងៃ agoប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ព័ត៌មានអន្ដរជាតិ១ សប្តាហ៍ agoរុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
-
ជីវិតកម្សាន្ដ២៣ ម៉ោង agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ព័ត៌មានអន្ដរជាតិ៦ ថ្ងៃ agoត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានជាតិ៤ ថ្ងៃ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានជាតិ៤ ថ្ងៃ agoអាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ៦ ថ្ងៃ agoរុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
-
ព័ត៌មានអន្ដរជាតិ៣ ថ្ងៃ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ