ព័ត៌មានជាតិ
អាជ្ញាធរខេត្តកណ្តាលសម្រេចយកសណ្ឋាគារមួយទៀតធ្វើជាទីតាំងសម្រាប់ព្យាបាលអ្នកជំងឺបន្ទាប់ពីផ្ទុះជំងឺកូវីដធ្ងន់ធ្ងរ
អាជ្ញាធរខេត្តកណ្តាលបានសម្រេចជ្រើសរើសយកសណ្ឋាគារមួយទៀតស្ថិតនៅភូមិព្រែកសឹង្គ ឃុំសំពៅពូន ស្រុកកោះធំធ្វើជាទីតាំងសម្រាប់ព្យាបាលអ្នកជំងឺកូវីដ-១៩បន្ទាប់ពីមានផ្ទុះជំងឺកូវីដធ្ងន់ធ្ងរ។
ជាក់ស្តែងគ្រាន់តែថ្ងៃទី២៦មីនានេះ បើតាមក្រសួងសុខាភិបាលមានអ្នកឆ្លងជំងឺកូវីដ១៩នៅខេត្តកណ្តាលមានរហូតដល់៧៣នាក់ ក្នុងចំណោមអ្នកឆ្លងសរុប៩៦នាក់ នៅទូទាំងប្រទេស។
នេះជាសណ្ឋាគារទី២ហើយ ដែលអាជ្ញាធរខេត្តបានយកធ្វើជាទីតាំងសម្រាប់ព្យាបាលអ្នកជំងឺកូវីដ១៩ដែលសណ្ឋាគារទី១មានទីតាំងនៅតំបន់ខាងលើដែរដែលមានបន្ទប់ចំនួន១០១បន្ទប់ដែលអាចដាក់គ្រែបានចំនួន២០២គ្រែដោយមិនចាំបាច់បញ្ជូនទៅព្យាបាលនៅមន្ទីរពេទ្យបង្អែកជ័យជំនះទៀតឡើយ។
លោក គ្រុយ ម៉ាឡែន នាយករដ្ឋបាលសាលាខេត្តកណ្តាលបានឲ្យដឹងនៅយប់ថ្ងៃទី២៦មីនានេះថាការសម្រេចយកសណ្ឋាគារមួយទៀតនៅជ្រៃធំស្រុកកោះធំធ្វើជាទីតាំងសម្រាប់ព្យាបាលជំងឺកូវីដ១៩នេះគឺដើម្បីត្រៀមលក្ខណៈឲ្យហើយខណៈចំនួនអ្នកឆ្លងនៅខេត្តកណ្តាលមានការកើនឡើងខ្ពស់។
លោកបានបន្តថា «សណ្ឋាគារដែលត្រូវធ្វើជាកន្លែងសម្រាប់ព្យាបាលអ្នកជំងឺកូវីដ១៩នេះពីមុនជាកន្លែងធ្វើចត្តាឡីស័កហើយម្ចាស់សណ្ឋាគារបានស្ម័គ្រចិត្តផ្តល់ឲ្យរដ្ឋបាលខេត្តតែម្តង»។
លោកបានបន្តតថាសណ្ឋាគារនោះមានទំហំប្រហាក់ប្រហែលនឹងសណ្ឋាគារមុនដែលរដ្ឋបាលខេត្តបានយកធ្វើជាទីតាំងព្យាបាលជំងឺកូវីដដែរ។
លោកបានបន្ថែមថា រហូតមកដល់ពេលនេះខេត្តទើបមានកន្លែងព្យាបាលសម្រាប់អ្នកជំងឺកូវីដ១៩ចំនួន២ទីតាំងទេក្នុងនោះមានមន្ទីរពេទ្យបង្អែកជ័យជំនះនិងសណ្ឋាគារមួយនៅជ្រៃធំហើយបើមានសណ្ឋាគារនេះមួយទៀតកើនឡើងដល់៣ទីតាំងហើយ។
យ៉ាងណាក៏ដោយលោកបានបញ្ជាក់ថា រដ្ឋបាលខេត្តក៏មានការខ្វះខាតគ្រូពេទ្យក្នុងការព្យាបាលអ្នកជំងឺផងដែរ។ ប៉ុន្តែមានការជួយផ្តល់គ្រូពេទ្យបន្ថែមពីក្រសួងសុខាភិបាលនិងក្រុមគ្រូពេទ្យស្ម័គ្រចិត្ត៕
ដោយ ៖ សំអឿន
-
ព័ត៌មានជាតិ១ សប្តាហ៍ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ១ សប្តាហ៍ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
KPT+១២ ម៉ោង ago
ខ្លះៗពីទិវាកុហក ១ មេសា ឬ April Fools’ Day
-
ចរាចរណ៍៣ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ២ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ១៤ ម៉ោង ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានជាតិ១ សប្តាហ៍ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា