ព័ត៌មានជាតិ
នាយករដ្ឋមន្ត្រីជំរុញពលរដ្ឋគ្រប់គ្នាហ៊ានចេញមុខដើម្បីប្រឆាំងអំពើអាក្រក់ និងអសីលធម៌
នាយករដ្ឋមន្ត្រី សម្ដេចធិបតី ហ៊ុន ម៉ាណែត បានលើកឡើងថារដ្ឋមិនចង់ប្រើប្រាស់ច្បាប់ដើម្បីកម្រិតនូវសេរីភាពរបស់ពលរដ្ឋនោះទេ ដោយជំរុញដល់ការអប់រំជាសំខាន់វិញ។ សម្ដេចបានជំរុញដល់ពលរដ្ឋក្នុងសង្គមចូលរួមលុបបំបាត់អំពើអាក្រក់គ្មានសីលធម៌ឱ្យអស់តាមរយៈការចូលរួមគ្នាអប់រំពេលដែលឃើញកំហុស។
ថ្លែងក្នុងពិធីសម្ពោធអាគារអន្ដេវេសិកដ្ឋានតេជោសន្ដិភាព និងសមិទ្ធផលនានាក្នុងវត្តស្វាយពពែ រាជធានីភ្នំពេញ ព្រឹកថ្ងៃទី៩ ខែឧសភា ឆ្នាំ២០២៥នេះ សម្ដេចធិបតី ហ៊ុន ម៉ាណែត បានលើកឡើងថាក្នុងស្ថានភាពនៃអំពើអបាយមុខ ក្មេងទំនើង អសីលធម៌សង្គមកើតឡើងច្រើនលើបណ្ដាញសង្គម សម្ដេចបានជំរុញដល់ពលរដ្ឋក្នុងសង្គម រួមទាំងព្រះសង្ឃផងដើម្បីអប់រំឱ្យបានច្រើនតាមរយៈការបញ្ចេញសារល្អៗឱ្យច្រើនដើម្បីឱ្យអំពើល្អគ្រប់ដណ្ដប់លើភាពអវិជ្ជមាននោះ ហើយពលរដ្ឋនីមួយៗត្រូវប្រកាន់នូវសីលធម៌ដើម្បីធ្វើឱ្យកត្តាអវិជ្ជមានកាន់តែថយទៅ។
សម្ដេចថា៖ «ច្បាប់រដ្ឋនឹងប្រើប្រាស់ចំពោះអ្នកដើរហួសព្រំដែន។ តែយើងមិនចង់ប្រើប្រាស់ច្បាប់លើប្រជាពលរដ្ឋទេតែយើងចង់ឱ្យសង្គម ឱ្យឪពុកម្ដាយ ឱ្យគ្នាយើងរួមគ្នាដើម្បីអប់រំឱ្យបានល្អ។ នេះហើយជាចិរីភាពដែលសង្គមមួយសុខដុមនីយកម្មមិនទាល់តែប្រើច្បាប់ដើម្បីគ្របមនុស្សឱ្យនៅទេ ត្រូវតែគោរពគ្នាទៅវិញទៅមក»។
សម្ដេចថាប្រសិនជាឃើញនរណាម្នាក់ធ្វើខុសពលរដ្ឋទាំងអស់ចេញសារដើម្បីកែលម្អណែនាំធ្វើឱ្យកែប្រែមកល្អវិញ ហើយប្រសិនជានៅតែរឹងទទឹងមិនស្ដាប់ការអប់រំនោះទើបរដ្ឋចាត់វិធានការច្បាប់ដែលជាជម្រើសចុងក្រោយ។
អ្នកប្រាជ្ញាអាល់ប៊ីត អេនស្ទែន ធ្លាប់បានលើកឡើងថា៖ «ពិភពលោកមិនមែនត្រូវបានបំផ្លាញដោយអំពើអាក្រក់ទេ តែដោយសារអំពើល្អនាំគ្នាឈរមើលដោយមិនធ្វើអីសោះ»។
អ្នកជំនាញទស្សនៈវិជ្ជា លោកបណ្ឌិត ឈត ប៊ុនថង បានលើកឡើងថាការចូលរួមរបស់ពលរដ្ឋពិតជាអាចលុបបំបាត់នូវអំពើអាក្រក់គ្មានសីលធម៌ក្នុងសង្គមបាន ពេលដែលពលរដ្ឋបានយល់ដឹងពីសីលធម៌ គុណធម៌ អំពើល្អ អំពើអាក្រក់ និងសិទ្ធិកាតាព្វកិច្ចរបស់ខ្លួនចំពោះសង្គម។
លោកថា៖ «ការដែលពលរដ្ឋមិនព្រមចូលរួមជួយតម្រង់ទិសកែលម្អអីផ្សេងៗហ្នឹងក៏ មានន័យថាគាត់មានកំហុសដែរ។ មិនមែនដោយសារគាត់ប្រព្រឹត្តិអំពើលួចប្លន់ចាប់ជំរិតទេ តែគាត់បានសាងកំហុសមួយគឺមិនឈឺឆ្អាលនឹងសង្គម កំហុសមួយដែលមិនបានចូលរួមចំណែកក្នុងការកែលម្អសង្គមឬក៏តម្រង់ទិសយុវជនឬមនុស្សដែលប្រព្រឹត្តអំពើមិនល្អហ្នឹងចាត់ទុកជាកំហុស»។
បើតាមលោកបណ្ឌិត ឈត ប៊ុនថង ការចូលរួមរបស់ពលរដ្ឋពិតជាសំខាន់ក្នុងការជួយដល់សង្គមមួយឱ្យមានភាពរីកចម្រើន និងសេចក្ដីថ្លៃថ្នូរ ប្រសិនបើគ្មានការចូលរួមពីពលរដ្ឋទោះបីប្រទេសនោះមានច្បាប់ល្អ និងអាជ្ញាធរល្អយ៉ាងណាក៏ដោយក៏ការរៀបចំសង្គមស៊ីវីល័យមួយមិនអាចទៅរួចដែរ៕
អត្ថបទដោយ ហ៊ុន សិរីវឌ្ឍន៍
សម្តេចធិបតី លើកទឹកចិត្តពលរដ្ឋរួមគ្នាផ្សព្វផ្សាយភាពវិជ្ជមាន និងកាត់បន្ថយរឿងអវិជ្ជមាន
នាយករដ្ឋមន្ត្រីជំរុញពលរដ្ឋគ្រប់គ្នាហ៊ានចេញមុខដើម្បីប្រឆាំងអំពើអាក្រក់ និងអសីលធម៌
ក្រុមហ៊ុនផលិតកម្ម YG រកប្រាក់ចំណេញភ្លាម ដោយគ្រាន់តែដូរក្បាលម៉ាស៊ីនដឹកនាំ
លោក ស៊ី និងលោក ពូទីន ប្រកាសពី«មិត្តភាពដែកថែប» ជាជំហររួបរួមប្រឆាំងនឹងអាមេរិក
អាជ្ញាធរខណ្ឌមានជ័យ ចុះពិនិត្យមើលវឌ្ឍនភាពបុកស៊ីផាយស្តារប្រឡាយម័រ ត្រៀមរំដោះទឹកជន់លិចនៅរដូវវស្សា
ប៉ាគីស្ថាន អះអាងបាញ់ទម្លាក់យន្តហោះគ្មានមនុស្សបើករបស់ឥណ្ឌា ១២គ្រឿងទៀត
អ្នកនាំពាក្យ៖ សមយុទ្ធនាគមាសឆ្នាំនេះ ធំជាងមុន សព្វាវុធទំនើបជាងមុន ប្រើAI តែមិនដើម្បីគំរាមប្រទេសណាឡើយ
លោក សាន សាធុកា ត្រូវបានស្នើដកតំណែងមកជាមន្ត្រីធម្មតា ក្រោយរកឃើញទង្វើល្មើសវិន័យនគរបាល
ខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចពីរុស្ស៊ីក្នុងតម្លៃជាង៥ពាន់លានដុល្លារ
ឃុំខ្លួនបុរសម្នាក់ ក្រោយដឹកឈើខុសច្បាប់ នៅខេត្តមណ្ឌលគិរី
-
សន្តិសុខសង្គម១ សប្តាហ៍ agoស្គាល់អត្តសញ្ញាណអ្នកបើកបររថយន្តបង្កគ្រោះថ្នាក់ស្លាប់មនុស្ស ៤ នាក់ នៅស្រុកស្នួល
-
ព័ត៌មានជាតិ៦ ថ្ងៃ agoមណ្ឌលគិរី! ជន្លង់ម្រេចរបស់កសិករ ត្រូវបានសមត្ថកិច្ចរឹបអូសដោយពុំមានមូលហេតុ
-
ព័ត៌មានអន្ដរជាតិ២ ថ្ងៃ agoប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ព័ត៌មានអន្ដរជាតិ៥ ថ្ងៃ agoរុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
-
សន្តិសុខសង្គម១ សប្តាហ៍ agoថៃបិទច្រកអានសេះ ដោយមិនជូនដំណឹងប្រាប់មុន
-
ព័ត៌មានជាតិ១ ថ្ងៃ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានអន្ដរជាតិ៣ ថ្ងៃ agoត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានអន្ដរជាតិ១ សប្តាហ៍ agoបាតុករថៃចេញតវ៉ា ខណៈគណៈកម្មាធិការព្រំដែនទូទៅកម្ពុជា-ថៃជួបប្រជុំនៅបាងកក