ព័ត៌មានជាតិ

សរុបកម្ពុជា មានអ្នកឆ្លងកូវីដ ០៩ នាក់ កំពុងសម្រាកព្យាបាល

បានផុស

៤ years មុន

នៅ

ថ្ងៃចន្ទ ៩ វិច្ឆិកា ២០២០

ដោយ

ក្រោយរកឃើញករណីឆ្លងថែម ០២ នាក់ទៀតនៅព្រឹកនេះ កម្ពុជាមានអ្នកឆ្លងកូវីដសរុប ២៩៧ នាក់ គិតមកដល់ម៉ោង ០៧ ៣០ នាទីព្រឹកថ្ងៃ ០៩ វិច្ឆិកា ២០២០ ក្នុងនោះមានអ្នកជាសះស្បើយ ២៨៨ នាក់ ស្លាប់គ្មាន និង ០៩ នាក់កំពុងបន្តសម្រាកព្យាបាល នៅក្នុងមន្ទីរពេទ្យ។

រដ្ឋាភិបាល បានប្រកាសបង្កើនការប្រុងប្រយ័ត្នខ្ពស់ បន្ទាប់ពីតេស្តឃើញកូវីដ ១៩ លើរដ្ឋមន្រ្តីក្រសួងការបរទេសនិងពាណិជ្ជកម្ម ហុងគ្រី ដែលបានធ្វើទស្សនកិច្ច នៅក្នុងប្រទេសកម្ពុជា កាលពីថ្ងៃ ០៣ វិច្ឆិកា ២០២០។ ឆ្លងកាត់ការស្រាវជ្រាវ ក្រសួងសុខាភិបាល រកឃើញអ្នកប៉ះពាល់ផ្ទាល់និងប្រយោល គិតមកត្រឹមថ្ងៃ ០៨វិច្ឆិកា ២០២០ មានចំនួន ៩៤៤ នាក់ហើយបុរស ០១ នាក់ ជាអង្គរក្សការពារផ្ទាល់របស់គណៈប្រតិភូ ហុងគ្រី តេស្តឃើញកូវីដ-១៩។

សូមបញ្ជាក់ថា កម្ពុជារកឃើញករណីជំងឺកូវីដ-១៩ដំបូងបំផុត នៅថ្ងៃទី ២៧ ខែមករា ឆ្នាំ២០២០ ។ ជំងឺកូវីដ-១៩ នៅតែបន្តគម្រាមកំហែង ក្រសួងសុខាភិបាល អំពាវនាវដល់បងប្អូនបន្តប្រយ័ត្នជាប់ជានិច្ច ដោយអនុវត្តអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបើមិនចាំបាច់ ត្រូវបន្តគម្លាតសង្គម ត្រូវបន្តពាក់ម៉ាស់ នៅពេលចាំបាច់ និងឧស្សាហ៍លាងដៃជាមួយសាប៊ូ អាល់កុល ឬជែល៕