ព័ត៌មានជាតិ
ខេត្តកំពតនឹងស្គាល់ភាពរីកចម្រើនថែមមួយកម្រិតទៀត ក្រោយពីទីក្រុងបូកគោត្រូវបានបង្កើតឡើង
កាលពីពេលថ្មីៗនេះ រាជរដ្ឋាភិបាលនៃប្រទេសកម្ពុជា បានចេញអនុក្រឹត្យសម្រេចបង្កើតក្រុងបូកគោ ដែលជាទីក្រុងថ្មីសន្លាងមួយទៀតនៅក្នុងទឹកដីខេត្តកំពត។ ទីក្រុងថ្មីនេះនឹងកាន់កាប់ដីប្រហែល៥ភាគរយនៅក្នុងឧទ្យានជាតិបូកគោ ឬប្រហែល ៩.០០០ ហិកតា។
ទាក់ទងនឹងការបង្កើតក្រុងថ្មីនេះ លោក វិត វឌ្ឍនា នាយករដ្ឋបាលខេត្តកំពត មានប្រសាសន៍ថា៖ «ការបង្កើតទីក្រុងបូកគោនៅក្នុងខេត្តកំពតនឹងជួយឱ្យការអភិវឌ្ឍនៅទីនោះមានភាពល្អប្រសើរខ្លាំងជាងតំបន់ផ្សេងៗទៀត ជាពិសេសផ្នែកហេដ្ឋារចនាសម្ព័ន្ធដូចជាផ្លូវ ទឹក និងភ្លើ្លងជាដើម។ លើសពីនេះ តម្លៃដីនៅទីនោះក៏នឹងមានសន្ទុះខ្លាំងផងដែរ ដោយសារតែគេសង្ឃឹមថានឹងមានគម្រោងវិនិយោគមួយចំនួនចូលមកបោះទុននៅក្នុង និងនៅបរិវេណជុំវិញទីក្រុងបូកគោនេះ។»
ទន្ទឹមនេះ លោកច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនទ្រព្យកម្ពុជា មានប្រសាសន៍ថា៖ «ការបង្កើតទីក្រុងបូកគោនៅក្នុងខេត្តកំពតនឹងជួយលើកមុខមាត់ខេត្តមួយនេះមួយកម្រិតថែមទៀត ពីព្រោះហេដ្ឋារចនាសម្ព័ន្ធថ្មីៗ និងគម្រោងអភិវឌ្ឍមួយចំនួននឹងត្រៀមទៅទីនោះដើម្បីធ្វើការវិនិយោគ ជាពិសេសគម្រោងទាក់ទងនឹងវិស័យទេសចរណ៍។»
លោក ច្រឹក សុខនីម បានបញ្ជាក់ថា នៅពេលដែលមានសកម្មភាពអភិវឌ្ឍ ជាពិសេសគម្រោងវិនិយោគ តម្លៃអចលនទ្រព្យនៅទីនោះ និងនៅជុំវិញតំបន់នោះនឹងមានការប្រែប្រួល ពោលគឺនឹងមានការកើនឡើងច្រើនជាងមុន។
គួរបញ្ជាក់ថា នៅក្នុងអនុក្រឹត្យបានកាត់យកឃុំចំនួន ៣ ពីស្រុកទឹកឈូ ខេត្តកំពត ដែលមានឃុំបឹងទូក ឃុំកោះតូច និងឃុំព្រែកត្នោតយកធ្វើជាសង្កាត់ក្នុងក្រុងបូកគោ ដែលដាក់ឈ្មោះថា សង្កាត់បឹងទូក សង្កាត់កោះតូច និងសង្កាត់ព្រែកត្នោត៕
អត្ថបទ៖ វ៉ាត វិន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៧ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល