ព័ត៌មានជាតិ
៧២ក្រុមហ៊ុនក្នុងខេត្តកំពតទាមទាឱ្យមានការបើកដេញថ្លៃគម្រោងសាងសង់ផ្សេងៗជាសាធារណៈឡើងវិញ
ចាប់ពីរសៀលថ្ងៃទី ៦ រហូតដល់ រសៀលថ្ងៃទី ៧ ខែមីនាឆ្នាំ២០២៤នេះ ក្រុមហ៊ុនឯកជនដែលមានគ្រឿងចក្រនឹងត្រៀមធ្វើការតវ៉ា និងដាក់ពាក្យចូលទៅក្រសួងមហាផ្ទៃ ឱ្យជួយអន្តរាគមន៍ដល់នាយកទីចាត់ការផែនការវិនិយោគខេត្តកំពតដែលមិនបើកឱ្យក្រុមហ៊ុនដេញថ្លៃជាសាធរណៈ សម្រាប់ការស្ថាបនាផ្លូវអ្វីមួយ ជាពិសេសនៅតាមបណ្តាមូលដ្ឋានឃុំទាំង ៩៣ ឃុំគម្រោងសាងសង់ផ្លូវមិនមានការដេញថ្លៃឡើយ ស្រាប់តែឃើញគ្រឿងចក្រចូលទៅធ្វើតែម្ដងមិនដឹងមកពីណាឡើយ។
![](https://www.kampucheathmey.com/wp-content/uploads/2024/03/image-381-1024x564.png)
លោក យន់ រឿន ភេទប្រុសអាយុ ៤២ ឆ្នាំមកពីស្រុកដងទង់បានរៀបរាប់ថា ក្រុមហ៊ុនឯកជនដែលមានគ្រឿងចក្រតាមបណ្ដាស្រុកនានាក្នុងខេត្តកំពតមានចំនួន៧២ក្រុមហ៊ុន។ ក្រុមហ៊ុនទាំងនោះកំពុងប្រឈមនឹងការខាតបង់ព្រោះមិនមានការងារសាងសង់គម្រោងអភិវឌ្ឍន៍ដូចអាណត្តិមុនៗទេ។
ប្រធានក្រុមហ៊ុនឯកជនមួយនេះរំឮកថា កាលពីមុនមន្ត្រីជំនាញក៍ដូចជាអាជ្ញាធរមូលដ្ឋាន នៅពេលមានគម្រោងកសាងអ្វីមួយ គឺសុទ្ធតែប្រកាសឱ្យអ្នកមានគ្រឿងចក្រមកដាក់ពាក្យ ដើម្បីរៀបចំដេញថ្លៃ ប៉ុន្តែសម្រាប់ពេលនេះមិនមានការដេញថ្លៃទៀតឡើយ។លោក យន់ រឿន បានបន្តថា បច្ចុប្បន្នមានតែក្រុមហ៊ុនមានចំនួន ១៥ ប៉ុណ្ណោះ ដែលចាំទទួលការធ្វើគម្រោងអ្វីៗក្នុងខេត្តកំពត។
![](https://www.kampucheathmey.com/wp-content/uploads/2024/03/image-382.png)
ដោយឡែក នាយកទីចាត់ការផែនការវិនិយោគខេត្តកំពត លោក ឆឹងមិនា នារសៀលថ្ងៃទី ៧ ខែមីនាឆ្នាំ២០២៤នេះ បាននិយាយប្រាប់ឱ្យដឹងតាមទូរសព្ទ័ថា រាល់ការងារដេញថ្លៃគម្រោងស្ថាបនាផ្សេងៗ គឺនៅតែបើកដំណើរការដេញថ្លៃជាធម្មតា។
ទោះបីជាមានមន្ត្រីជំនាញបកស្រាយថា ការដេញថ្លៃនៅតែដំណើរការដេញថ្លៃយ៉ាងណាក៏ដោយ ក៏តំណាងក្រុមហ៊ុនរបស់ខ្លួននីមួយៗ នៅតែយល់ឃើញថាការគម្រោងដេញថ្លៃនៅតាមបណ្ដាឃុំមិនបានបើកឱ្យដេញថ្លៃជាផ្លូវការទេ។ រាល់ការដេញថ្លៃគម្រោងភាគច្រើនធ្វើឡើងតែស្ងាត់ៗ រួចហើយស្រាប់តែឃើញក្រុមហ៊ុនដទៃ ចូលមកស្ថាបនាសាងសង់គម្រោងតែម្ដង៕
អត្ថបទ៖ សឹង រ៉ាត់
![](https://www.kampucheathmey.com/wp-content/uploads/2024/03/image-383.png)
![](https://www.kampucheathmey.com/wp-content/uploads/2024/03/image-384-1024x557.png)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ