Connect with us

ព័ត៌មានជាតិ

ផ្លូវដី ៥ ខ្សែនៅ​ស្រុកទឹកឈូឆាប់ៗ​នេះ​នឹង​ក្លាយ​ជា​ផ្លូវកៅស៊ូ និងបេតុង

បានផុស

នៅ

ដើម្បីបង្កភាពងាយស្រួលក្នុងការធ្វើដំណើររបស់ប្រជាពលរដ្ឋ និងភ្ញៀវទេសចរ រាជរដ្ឋាភិបាលតាមរយៈក្រសួងនិងមន្ទីរអភិវឌ្ឍន៍ជនបទបានស្ថាបនា​ផ្លូវកៅស៊ូ និងផ្លូវបេតុងចំនួន ៥ ខ្សែ ដែលមានប្រវែងសរុបជិត ២៧ គីឡូម៉ែត្រ ជូនពលរដ្ឋនៅឃុំត្រពាំងសង្កែ ត្រពាំងព្រីង កូនសត្វ និងឃុំកណ្តោល ស្រុកទឹកឈូ ខេត្តកំពត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ឹម ច័ន្ចសោធន អភិបាលស្រុកទឹកឈូបានប្រាប់ឱ្យដឹងថា ឆ្លើយតបទៅនឹងតម្រូវការចាំបាច់ក្នុងជីវភាពរស់នៅ​​​ប្រចាំថ្ងៃរបស់ពលរដ្ឋ និង​បង្កភាពងាយស្រួលក្នុងការធ្វើដំណើររបស់ភ្ញៀវទេសចរ រាជរដ្ឋាភិបាលបានផ្តល់ជូនផ្លូវកៅស៊ូនិងផ្លូវបេតុងចំនួន ៥ ខ្សែ ដែលមានប្រវែងជិត ២៧ គីឡូម៉ែត្រ ដែលបច្ចុប្បន្នកំពុងស្ថាបនាសាងសង់។

ស្រុកទឹកឈូជាស្រុកមានសត្តានុពលជាច្រើនដោយវិស័យកសិកម្មនិងវិស័យកសិ-ទេសចរណ៍ បានដើរតួសំខាន់​នៅក្នុងការជួយលើកស្ទួយដល់ជីវភាពប្រជាពលរដ្ឋឱ្យមានជីវភាពកាន់តែល្អប្រសើរ។

លោក អ៊ឹម ច័ន្ចសោធន រំពឹង​ថា ផ្លូវទាំង ៥ ខ្សែ​​ ពេលស្ថាបនារួចនឹងជួយផ្លាស់ប្តូរមុខមាត់ថ្មី​របស់ស្រុកទឹកឈូ ហើយ​ពលរដ្ឋ​អាចពង្រីកមុខរបរ ទេសចរមកលេងកាន់តែច្រើន ស្របពេលផល​កសិកម្មរបស់​ពលរដ្ឋ​ក៏​ងាយ​ស្រួលដឹក​ទៅកាន់ទីផ្សារ។

យ៉ាងណាក៏ដោយ លោកអភិបាលស្រុកក៏អំពាវនាវដល់ប្រជាពលរដ្ឋ ដែលរស់នៅតាមបណ្តោយផ្លូវទាំង ៥ ខ្សែ ចូលរួមសហការជាមួយមន្ត្រីជំនាញពាក់ព័ន្ធ ដើម្បីពន្លឿនការសាងសង់ឲ្យឆាប់រហ័ស ពិសេសលោក​ក៏​ស្នើ​សុំ​អធ្យាស្រ័យចំពោះបញ្ហារំខានខ្លះៗ និងដីហុយនៅក្នុងអំឡុងពេលស្ថាបនា ខណៈ​ដែល​លោក​សង្ឃឹមជឿជាក់​ថាមិនយូរទេ​នឹងត្រូវបញ្ចប់នៅចុងឆ្នាំ២០២៤នេះ៕

អត្ថបទ៖ សឹង រ៉ាត់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ២ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ២ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៤ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម