ព័ត៌មានជាតិ

រដ្ឋបាលខណ្ឌឫស្សីកែវ នាំយកអំណោយ ឯកឧត្តម ហ៊ុន ម៉ាណែត និងលោកជំទាវ ជូនពលរដ្ឋ៩គ្រួសារ ដែលកំពុងធ្វើចត្តាឡីស័ក

បានផុស

៣ years មុន

នៅ

ថ្ងៃសុក្រ ២ មេសា ២០២១

ដោយ

រដ្ឋបាលខណ្ឌឫស្សីកែវ ចុះនាំយកស្បៀងអាហារ និងថ្នាំសង្កូវជាអំណោយដ៏ថ្លៃថ្លារបស់ ឯកឧត្តម ហ៊ុន ម៉ាណែត និងលោកជំទាវ ទៅចែកជូនដល់ប្រជាពលរដ្ឋ៩គ្រួសារ ស្មើនឹង ១០៧ នាក់ កំពុងធ្វើចត្តាឡីស័ក ក្នុងខណ្ឌឫស្សីកែវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីរសៀលថ្ងៃព្រហស្បតិ៍ទី១ ខែមេសា ឆ្នាំ២០២១ វេលាម៉ោង ១៥ និង០០ នាទី ឯកឧត្តម ជា ពិសី អភិបាលខណ្ឌឫស្សីកែវ បានដឹកនាំ លោកស្រី សួស សូលីដា អភិបាលរងខណ្ឌ លោកប្រធាន-អនុប្រធានការិយាល័យចំណុះរចនាសម្ព័ន្ធរដ្ឋបាលខណ្ឌ មន្ត្រីរាជការនៃរដ្ឋបាលខណ្ឌ កម្លាំងនគរបាល និងសណ្ដាប់ធ្នាប់ខណ្ឌ ចុះទៅចែកស្បៀងអាហារជូនដល់ ប្រជាពលរដ្ឋដែលកំពុងធ្វើចត្តាឡីស័ក នៅទីតាំងដែលបានជាប់ពាក់ព័ន្ធនឹងអ្នកដែលបានវិជ្ជមាននឹងមេរោគកូវីដ១៩ ក្នុងព្រឹត្តិការណ៍ សហគមន៍ ២០កុម្ភៈ ចំនួន០៩ទីតាំង នៅក្នុងមូលដ្ឋានខណ្ឌឫស្សីកែវ រាជធានីភ្នំពេញ ដែលមានប្រជាពលរដ្ឋសរុបចំនួន ៩ គ្រួសារ ស្មើនឹង ១០៧ នាក់។

ឆ្លៀតក្នុងឱកាសនេះ ឯកឧត្តមអភិបាលខណ្ឌ បានឧបត្ថម្ភស្បៀងអាហារជូនដល់បងប្អូនទាំង ៩ គ្រួសារ អំណោយសរុបរួមមាន អង្ករ ៣០០ គ.ក ត្រីងៀត ២៦ គ.ក មី ១៥ កេស ទឹកស៊ីអ៊ីវ-ទឹកត្រី០៩យួរ ភេសជ្ជៈ៨កេស ជែលលាងដៃសម្លាប់មេរោគ៩៥ដប សាប៊ូកក់សក់២៤ដប ឃីត៦ កញ្ចប់ (មានគ្រឿងឧបភោគបរិភោគ០៧មុខ) និងថ្នាំសង្កូវ ដែលជាអំណោយដ៏ថ្លៃថ្លារបស់ ឯកឧត្តម ហ៊ុន ម៉ាណែត និងលោកជំទាវ៕