Connect with us

ព័ត៌មានជាតិ

វត្តចំនួន ៩ រងគ្រោះដោយទឹកជំនន់នៅបន្ទាយមានជ័យ ទទួលបានអំណោយពី សម្ដេចធិបតី

បានផុស

នៅ

វត្ត​ចំនួន ៩ ជុំវិញ​បឹង​ទន្លេសាប ដែល​កំពុង​រងគ្រោះ​ដោយ​ទឹកជំនន់ ទទួល​បាន​អំណោយ​ជា​បច្ច័យ និង​អង្ករ ពី សម្ដេច​មហា​បវរ​ធិបតី ហ៊ុន ម៉ាណែត និង​លោកជំទាវ ពេជ ចន្ទមុន្នី កាលពី​ល្ងាច​ថ្ងៃ​ទី ១៦ ខែ​តុលា ឆ្នាំ ២០២៣ នៅ​វត្ត​វេឡុវ័ន្ត ឫស្សី​ក្រោក ឃុំ​ឫស្សី​ក្រោក ស្រុក​មង្គល​បូរី ខេត្ត​បន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធី​នេះ​មាន​ការ​ចូលរួម​ពី លោក ហង្ស ចាន់​ព្រី​ដា រដ្ឋលេខាធិការ តំណាង​លោក ចាយ បូរិន រដ្ឋមន្ត្រី​ក្រសួង​ធម្មការ សាសនា លោក អ៊ុំ រាត្រី អភិបាល​ខត្ត​បន្ទាយមានជ័យ អភិបាល​រង​ខេត្ត មន្ត្រី​សង្ឃ លោក បៀវ ថាន ប្រធាន​ធម្មការ​ខេត្ត អនុប្រធាន អាចារ្យ និង​ពុទ្ធបរិស័ទ​ជាច្រើន​នាក់​ផង​ដែរ។

ក្នុង​ពិធី​នោះ លោក អ៊ុំ រាត្រី បាន​ថ្លែង​អំណរគុណ​ដល់ សម្ដេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី នៃ​ប្រទេស​កម្ពុជា និង​លោកជំទាវ ពេជ ចន្ទមុន្នី ដែល​បាន​ចូលរួម​សទ្ធា​ជ្រះថ្លា និង​ជួយ​ដោះស្រាយ​រាល់​ការ​លំបាក ខ្វះខាត ទាំង​វិស័យ​ពុទ្ធចក្រ និង​អាណាចក្រ និង​គោរព​ស្រឡាញ់ ជឿជាក់​លើ​ព្រះពុទ្ធ​សាសនា ព្រោះ​ថា​ព្រះពុទ្ធ​សាសនា បាន​ដើរ​តួនាទី​យ៉ាង​សំខាន់​ក្នុង​ការ​អប់រំ និង ចូលរួម​ចំណែក​អភិវឌ្ឍន៍​សង្គម​ជាតិ ជាមួយ​រាជរដ្ឋាភិបាល​កម្ពុជា ជំរុញ​ឲ្យ​ប្រជាពលរដ្ឋ​ប្រកាន់​ភ្ជាប់​នូវ​សីលធម៌ ចរិយា​ធម៌ និង​គុណធម៌​ល្អ​ប្រសើរ​ក្នុង​ការ​រស់នៅ។

ចំពោះ​វត្ត​រងគ្រោះ​ដោយសារ​ទឹកជំនន់​ចំនួន ៩ វត្ត រួមមាន ៖ ១.វត្ត​សាយ​សាម៉ន ក្នុង​ឃុំ​ចំណោយ ,២.វត្ត​បទុម​បារមី​យា​រាម​គោក​សំរោង ,៣.វត្ត​វេឡុវ័​ន្ត ឫស្សី​ក្រោក ឃុំ​ឫស្សី​ក្រោក ,៤.វត្ត​ឃុំ​សឿ ,៥.វត្ត​កេតុ​រង្សី​សុខ​រតន​រាម​ចក ឃុំ​រហាត់ទឹក ,៦.វត្ត​ត្រៃ​បទុមា​រាម​សំបួរ ,៧.វត្ត​ប៉ុណ្ណ​វី​វឹក​ស​រាម ស្រះ​ឈូក ​,៨.វត្ត​មា​កោសល​លោក​រាម​តា​សល់​ចាស់​ឃុំ​ប​ល្ល័​ង្គ ,៩.វត្ត​ចេតនា​រាម​បឹង​ខ្លាំង​ឃុំ​តា​ឡំ។ វត្ត​ទាំង ៩ នេះ ទទួល​បាន​អង្ករ ១៤០ ការុង មី ១៧៥ កេះ ហើយ​ចែក​ក្នុង​មួយ​វត្តៗ ទទួល​បាន​អង្ករ ១៥ ការុង មី ១៩ កេះ និង​ថវិកា ២០ ម៉ឺន​រៀល ស្មើ​គ្នា។

ជាមួយ​នោះ លោក ហង្ស ចាន់​ព្រី​ដា ក៏បាន​មាន​ប្រសាសន៍​ថា សម្ដេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី ដែល​បាន​ដឹកនាំ​បន្ត​ពី​រាជរដ្ឋាភិបាល​អាណត្តិ​ទី ៦ ក្រោម​ការ​ដឹកនាំ​របស់ សម្តេច​តេជោ ហ៊ុន សែន តែងតែ​គិតគូរ​ពី​សុខទុក្ខ ភាព​លំបាក របស់​ប្រជាពលរដ្ឋ​រងគ្រោះ​ដោយ​ទឹកជំនន់ និង​គ្រោះធម្មជាតិ​ផ្សេងៗ មិនដែល​ដាច់។

លោក​បន្ត​ថា ក្នុងនាម​ក្រសួង​ធម្មការ និង​សាសនា ពិត​ណាស់​ចង់​ឃើញ​នៅ​តាម​បណ្ដា​វត្ត​អារាម​នានា ឮ​តែ​សំឡេង​ព្រះធម៌ មាន​ភាព​ស្ងប់ស្ងាត់ ដែល​ផ្តល់​ភាព​ត្រជាក់ត្រជំ​សម្រាប់​ប្រជា​ពុទ្ធបរិស័ទ ជ្រក​ក្រោម​ម្លប់​ព្រះធម៌ ស្រប​តាម​រដ្ឋធម្មនុញ្ញ ថា «ព្រះពុទ្ធ​សាសនា ជា​សាសនា​របស់​រដ្ឋ»។ ព្រោះ បច្ចុប្បន្ន វិស័យ​ព្រះពុទ្ធ​សាសនា កំពុង​ល្បីល្បាញ និង​រីកចម្រើន អាច​ប្រព្រឹត្ត​ទៅ​បាន អាស្រ័យ​ដោយ​ប្រទេសជាតិ​មាន​សុខ​សន្តិភាព។ បើ​គ្មាន​សុខ​សន្តិភាព​ទេ យើង​ក៏​គ្មាន​ឱកាស​អភិវឌ្ឍន៍​ប្រទេស​បាន​រីកចម្រើន​ដូច​សព្វថ្ងៃ​នេះ​ឡើយ។ ហើយ​សម្ភារៈ​អំណោយ​ទាំងនេះ បាន​បែងចែក និង ប្រគេន​ដល់​វត្ត​ចំនួន ៩។ វត្ត​ទាំងនេះ ជា​វ​ត្ត​ដែល​មាន​ការ​ខ្វះខាត​អំឡុង​ពេល​ពិធី​បុណ្យ​កាន់​បិណ្ឌ និង​ភ្ជុំបិណ្ឌ ដើម្បី​ចូលរួម​ចំណែក​ទ្រទ្រង់​វិស័យ​ព្រះពុទ្ធសាសនា ឲ្យ​កាន់តែ​រីកចម្រើន​ទ្វេ​ឡើង​ថែម​ទៀត​ផង​៕

អត្ថបទ ៖ វ៉ាន់ ណាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៦ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៩ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១០ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម