ព័ត៌មានជាតិ

លោក សាវិន ហ្វីលីព ប្រកាសត្រៀមចែកកង់ចំនួន២៣គ្រឿងដល់កុមារនៅភូមិគគីរធំ

បានផុស

៤ years មុន

នៅ

ថ្ងៃអង្គារ ៦ មេសា ២០២១

ដោយ

ក្រៅតែលេចធ្លោ និងល្បីល្បាញតាមរយ:តួសម្តែងភាពយន្តខ្មែរជាច្រើន តារាសម្តែងលោក សាវិន ហ្វីលីព ក៏មានប្រជាប្រិយភាព និងទទួលបានការកោតសរសើរចំពោះសកម្មភាពជួយសង្គម និងកុមារនៅតាមបណ្តាសហគមនានាផងដែរ។

ជាក់ស្តែងកន្លងមកលោក សាវិន ហ្វីលីព ធ្លាប់បានជួយកុមារជាច្រើន នៅក្នុងទឹកដីប្រវត្តិសាស្ត្រអង្គរខេត្តសៀមរាប ដោយការចែកសម្ភារ:សិក្សា និងជីកអណ្តូងរាប់រយដើម្បីផ្តល់ជូនដល់គ្រួសារកុមារដែលជួបការលំបាក និងខ្វះខាតទាំងនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកថ្មីៗនេះ តារាប្រុសល្បីឈ្មោះលោក សាវិន ហ្វីលីព បានឲ្យដឹងថា លោកបានត្រៀមរួចហើយក្នុងការចែកកង់ចំនួន២៣គ្រឿងដល់កុមារជួបការខ្វះខាត រស់នៅភូមិគគីរធំ នៃខេត្តកណ្តាល។ប៉ុន្តែដោយសារកូវីដ-១៩ មិនទាន់ស្ងប់ស្ងាត់ ទើបលើកពេលទៅក្រោយថ្ងៃចូលឆ្នាំខ្មែរវិញ។

លោក សាវិន ហ្វីលីព ក៏បានប្រកាសសូមជម្រាបជូនដំណឹងដល់ម្ចាស់អំណោយទាំងអស់ដែរថា ចំ ពោះការចែកកង់ដល់កុមារនៅភូមិគគីរធំទាំង២៣គ្រឿង នឹងធ្វើទ្បើងក្រោយថ្ងៃចូលឆ្នាំខ្មែរ។ លោកថាការលើកពេលនេះ ដោយសារកូវីដកំពុងរីករាលដាលខ្លាំង ដូច្នេះម្ចាស់អំណោយអាចចូលរួមជាមួយលោកបានដើម្បីជួបកុមារទាំងនោះដោយផ្ទាល់៕

អត្ថបទ ៖ ចាន់រ៉ា