ព័ត៌មានជាតិ

អភិបាលខណ្ឌឫស្សីកែវ ដឹកនាំមន្ត្រីពាក់ព័ន្ធ ចុះត្រួតពិនិត្យការងារជួសជុលផ្លូវ ក្នុងតំបន់មូលដ្ឋាន

បានផុស

៩ ខែ មុន

នៅ

ថ្ងៃព្រហស្បតិ៍ ២៨ សីហា ២០២៥

ដោយ

លោក ជិន ប៊ុនធឿន អភិបាលខណ្ឌឫស្សីកែវ បានដឹកនាំមន្ត្រីពាក់ព័ន្ធ ចុះត្រួតពិនិត្យមើលការងារជួសជុលផ្លូវសាធារណៈនៅក្នុងតំបន់មូលដ្ឋាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះពិនិត្យនេះនៅរសៀលថ្ងៃទី ២៨ ខែសីហា ឆ្នាំ ២០២៥ ដោយមានគោលបំណងក្នុងការតាមដានវឌ្ឍនភាព នៃការងារ និងធានាឲ្យការអនុវត្តគម្រោងកើតមានប្រសិទ្ធភាព ឆ្លើយតបតាមតម្រូវការរបស់ប្រជាពលរដ្ឋ។

ក្នុងដំណើរចុះត្រួតពិនិត្យនេះ មានចំនួន ២ គោលដៅ ដោយគោលដៅទី ១ លោកអភិបាល បានដឹកនាំក្រុមការងារចុះពិនិត្យ គឺ ចំណុចប្រសព្វផ្លូវលេខ ៥៩៨ កែងនឹងផ្លូវហ្គ្រែនភ្នំពេញ ដែលកំពុងមានការជួសជុល និងចាក់បេតុងបំពេញបន្ថែម។ ការងារនេះ មានសារៈសំខាន់យ៉ាងខ្លាំងក្នុងការកែលម្អ លំហូរចរាចរណ៍ និងកាត់បន្ថយបញ្ហាកកស្ទះចរាចរណ៍ដែលធ្លាប់កើតមាន។ រីឯ គោលដៅទី ២ ចុះពិនិត្យគម្រោងចាក់ផ្លូវបេតុងមួយខ្សែ នៅមុខវិទ្យាល័យ ជាស៊ីម ចំរើនរដ្ឋ សង្កាត់ស្វាយប៉ាក។ ការងារនេះ នឹងជួយអភិវឌ្ឍន៍បណ្ដាញផ្លូវក្នុងតំបន់អប់រំឲ្យកាន់តែប្រសើរ និងផ្តល់ភាពងាយស្រួលដល់សិស្សានុសិស្ស ក៏ដូចជាប្រជាពលរដ្ឋក្នុងការធ្វើដំណើរប្រចាំថ្ងៃ។

លោកអភិបាលខណ្ឌឫស្សីកែវ បានផ្ដល់អនុសាសន៍ដ៏ច្បាស់លាស់ដល់អាជ្ញាធរសង្កាត់ និងមន្ត្រីពាក់ព័ន្ធ ត្រូវរៀបចំសណ្ដាប់ធ្នាប់ សោភ័ណភាព អនាម័យ និងបរិស្ថាន តាមបណ្ដាផ្លូវសាធារណៈឲ្យបានប្រសើរជានិច្ច ដើម្បីរក្សាផ្លូវទាំងនេះឲ្យមានសោភ័ណភាពបានយូរអង្វែង។

លោកក៏បានបញ្ជាក់ថា ការអភិវឌ្ឍផ្លូវថ្នល់ គឺជាការងារដែលត្រូវការការចូលរួម និងការគាំទ្រពីប្រជាពលរដ្ឋ។ ដោយឡែក ការថែរក្សាអនាម័យ និងបរិស្ថាន ក៏ត្រូវការសហការដោយស្មើគ្នា រវាងអាជ្ញាធរមូលដ្ឋាន និងប្រជាពលរដ្ឋ ផងដែរ៕

អត្ថបទ ៖ សំណាង

Related Topics:ត្រួតពិនិត្យ ខណ្ឌឫស្សីកែវ

ព័ត៌មានអន្ដរជាតិ២១ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា