ព័ត៌មានជាតិ
ប្រធានសភា៖ កម្ពុជាមិនអនុញ្ញាតឱ្យការយកប្រជាធិបតេយ្យជាលេសផ្ដួលរំលំរដ្ឋាភិបាលស្របច្បាប់ឡើយ
ប្រធានរដ្ឋសភា សម្ដេចសភាធិបតី ឃួន សុដារី បានថ្លែងថាកម្ពុជាគោរពនូវសិទ្ធិសេរីភាព ការធានានូវសន្ដិភាពជូនប្រជាជន និងប្រជាធិបតេយ្យតែមិនអនុញ្ញាតឱ្យមានការយកលេសប្រជាធិបតេយ្យឱ្យមានការផ្ដួលរំលំរដ្ឋាភិបាលស្របច្បាប់នោះទេ។
ថ្លែងក្នុងពេលជួបពិភាក្សាការងារជាមួយប្រធានគណៈកម្មាធិការ អចិន្ត្រៃយ៍ខាងវិស័យអភិវឌ្ឍន៍តំបន់ ហេដ្ឋារចនាសម្ព័ន្ធ និងដឹកជញ្ជូន នៃសភាអូស្ត្រាលីលោកស្រី ហ្វីអូណា ហ្វីលីព (Fiona Phillip) នៅវិមានរដ្ឋសភាកាលពីព្រឹកថ្ងៃទី១៥ ខែកញ្ញា ឆ្នាំ២០២៥នេះ សម្ដេចសភាធិបតី ឃួន សុដារី ថ្លែងថា កម្ពុជាស្គាល់ច្បាស់ពីសង្គ្រាមនិងធ្វើយ៉ាងណាបញ្ជៀសទុក្ខវេទនាពីសង្គ្រាមឱ្យបាន ស្របគ្នានឹងដំណើរការនៃការអនុវត្តន៍លទ្ធិប្រជាធិបតេយ្យពេញលេញស្របតាមបរិបទរបស់កម្ពុជា។
ប្រធានខុទ្ទកាល័យសម្ដេចប្រធានសភាលោក កែវ ពិសិដ្ឋ បានប្រាប់អ្នកយកព័ត៌មានថា៖ «សម្ដេចបានបញ្ជាក់ថាកម្ពុជាមានការប្ដេជ្ញាចិត្តហើយបានលើកកម្ពស់លិទ្ធិប្រជាធិបតេយ្យបានពេញលេញនិងអនុវត្តន៍បានម៉ឺងម៉ាត់បំផុតដោយយើងបានអនុវត្តន៍នូវការបោះឆ្នោតជាប្រចាំតាមលិទ្ធិប្រជាធិបតេយ្យក៏ប៉ុន្ដែយើងបញ្ជាក់ច្បាស់ថាកម្ពុជាមិនអនុញ្ញាតឱ្យការប្រើប្រាស់លទ្ធិប្រជាធិបតេយ្យដើម្បីជាយន្តការក្នុងការផ្ដួលរំលំរដ្ឋាភិបាលស្របច្បាប់ឡើយ»។
លោកស្រី ហ្វីអូណា ហ្វីលីព បានបង្ហាញការយល់ស្របចំពោះការលើកឡើងរបស់សម្ដេចសភាធិបតីអំពីតម្លៃសន្ដិភាព និងកោតសរសើរពីការរីកចម្រើនរបស់កម្ពុជានៅពេលបច្ចុប្បន្នផងដែរ។
សម្ដេចសភាធិបតីក៏បានលើកឡើងពីតម្លៃនៃសន្ដិភាពដែលត្រូវតែថែរក្សា ហើយកម្ពុជាប្រកាន់ខ្ជាប់នូវធម្មនុញ្ញាអង្គការសហប្រជាជាតិ និងគោលការណ៍ច្បាប់អន្តរជាតិ។ ជាមួយគ្នានេះសម្តេចបានថ្លែងអំណរគុណចំពោះ រដ្ឋាភិបាល សភា និងប្រជាពលរដ្ឋអូស្រ្តាលី ដែលបានផ្តល់ការជួយឧបត្ថម្ភគាំទ្រទាំងផ្នែកស្មារតី និងសម្ភារៈ រួមចំណែកដល់ការស្តារ ថែរក្សាសុខសន្តិភាព និងការកសាងអភិវឌ្ឍន៍ប្រទេសកម្ពុជារហូតដល់បច្ចុប្បន្ន។
សម្តេចបានស្នើអូស្រ្តាលី ពិនិត្យលទ្ធភាពបង្កើនការវិនិយោគ និងគំាទ្រដល់ការអភិវឌ្ឍន៍កម្ពុជាបន្ថែមទៀត ទំាងវិស័យពាណិជ្ជកម្ម សេដ្ឋកិច្ច អប់រំ បច្ចេកវិទ្យានិងទេសចរណ៍ ពិសេសជំរុញឱ្យមានជើងហោះហើរត្រង់រវាងកម្ពុជានិងអូស្រ្តាលី៕
អត្ថបទដោយ ហ៊ុន សិរីវឌ្ឍន៍
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត