នយោបាយ
រយៈពេល២០ថ្ងៃ នៃដំណើរការចុះឈ្មោះបោះឆ្នោត មិនមានបណ្តឹងទេ តែមានបញ្ហាប្រឈមចំនួន៣
លោក សោម សូរីដា អគ្គលេខាធិការរង និងជាអ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានថ្លែងប្រាប់កម្ពុជាថ្មី នៅថ្ងៃទី០២ ខែវិច្ឆិកា នេះថា ចាច់តាំងពីផ្តើមដំណើរការពិនិត្យបញ្ជីឈ្មោះ និងចុះឈ្មោះបោះឆ្នោត មកដល់ពេលនេះមិនមានបណ្តឹងទាក់ទងបញ្ហាណាមួយនោះទេ។
លោក សោម សូរីដា លើកឡើងថា ជាទូទៅដំណើរការ នៃការពិនិត្យបញ្ជីឈ្មោះ និងចុះឈ្មោះបោះឆ្នោតរយៈពេលកន្លងមកនេះ បានប្រព្រឹត្តទៅដោយរលូនល្អ មានសណ្តាប់ធ្នាប់ សុវត្ថិភាព ហើយចំពោះការទប់ស្កាត់ការរីករាលដាលជំងឺកូវីដ១៩ នៅតាមការិយាល័យចុះឈ្មោះបោះឆ្នោត ក៏ត្រូវបានក្រុមការងារចុះឈ្មោះ ក៏ដូចជាប្រជាពលរដ្ឋ ដែលបានចូលមកចុះឈ្មោះអនុវត្តបានល្អ តាមវិធានសុខាភិបាលផងដែរ។
លោកថា ជាលទ្ធផលចាប់ពីថ្ងៃទី១២ ខែតុលារហូតដល់ថ្ងៃម្សិលមិញនេះ មានប្រជាពលរដ្ឋមកចុះឈ្មោះថ្មីជាង២៣ម៉ឺននាក់ ហើយប្រជាពលរដ្ឋ ដែលត្រូវលុបចេញពីបញ្ជីមានចំនួនជាង១១៨០០០នាក់ ចំណែកប្រជាពលរដ្ឋដែលមកកែតម្រូវឈ្មោះក្នុងបញ្ជីបោះឆ្នោតមានចំនួនជាង៧ ម៉ឺននាក់ រីឯប្រជាពលរដ្ឋ ដែលផ្ទេរចូលឃុំ សង្កាត់ ថ្មី មានជិត៧ម៉ឺននាក់។
ទាក់ទងបណ្តឹងលើដំណើរការ នៃការពិនិត្យបញ្ជីឈ្មោះ និងចុះឈ្មោះបោះឆ្នោតនេះ លោក សោម សូរីដា បញ្ជាក់ថា “ជាទូទៅដំណើរការនេះ មិនមានដឹងណាមួយនោះទេ ហើយក្រុមចុះឈ្មោះបោះឆ្នោត ក៏មិនបានបដិសេធការចុះឈ្មោះប្រជាពលរដ្ឋណាម្នាក់នោះដែរ ជាហេតុធ្វើឱ្យមិនមានដឹងណាមួយទាក់ទងទៅនឹងការបដិសេធក្នុងបោះឆ្នោតនោះទេ។ ចំណែកបណ្ដឹងផ្សេងៗទៀត ទាក់ទងទៅនឹងដំណើរការ ក៏ដូចជាសកម្មភាព នៃការចុះឈ្មោះបោះឆ្នោតនៅក្នុងឃុំ សង្កាត់ មិនមែននោះដែរ”។
ទោះជាយ៉ាងណា លោក សោម សូរីដា អះអាងថា នៅក្នុងដំណើរការពិនិត្យបញ្ជីឈ្មោះ និងចុះឈ្មោះបោះឆ្នោតនេះ មានបញ្ហាប្រឈមចំនួន៣ គឺទី១, នៅកន្លែងខ្លះ ម៉ាស៊ីនកុំព្យូទ័រក៏ដូចជាសម្ភារៈផ្សេងៗទៀត គាំងមិនអាចដំណើរការបាន ដែលធ្វើឲ្យមានការរអាក់រអួល តែទោះជាយ៉ាងណា គ.ជ.ប ក៏បានត្រៀមបំរុងសម្ភារៈ បរិក្ខារ ដើម្បីជំនួស ហើយក្នុងករណីមានការរអាក់រអួល គ.ជ.ប ក៏បានបញ្ជូនក្រុមបច្ចេកទេសទៅជួយជួសជុលផងដែរ ដើម្បីធ្វើយ៉ាងណាកុំឲ្យដំណើរការនេះមានការរាំងស្ទះ។
ទី២, ដោយសារតែការបោះឆ្នោតស្ថិតនៅក្នុងរដូវវស្សា ដែលធ្វើឱ្យក្រុមចុះឈ្មោះបោះឆ្នោតមានការលំបាកនៅពេលចល័តការិយាល័យទៅតាមភូមិ ។
ទី៣, បញ្ហាប្រព័ន្ធអ៊ីនធឺណិត ដែលធ្វើឱ្យមានការរអាក់រអួល ក្នុងការបញ្ជូនទិន្នន័យទៅកាន់ គ.ជ.ប។
សូមបញ្ជាក់ថា ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២១ ប្រព្រឹត្តទៅចាប់ពីថ្ងៃទី១២ ខែតុលា ដល់ថ្ងៃទី៣០ ខែវិច្ឆិកា ឆ្នាំ២០២១ គិតទាំងថ្ងៃសៅរ៍ និងថ្ងៃអាទិត្យ៕
ដោយ ៖ កោះកែវ
ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស
គុណភាពល្អឥតខ្ចោះ! ខុនដូប្រណិតរំដួលស៊ីធីលំដាប់ខ្ពស់ដំបូងនៅភ្នំពេញត្រូវបានប្រគល់ជូនជាផ្លូវការ
សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤
សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន
Breaking News! ប្រធានាធិបតី វៀតណាម ប្រកាសលាលែងពីតំណែង
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៦ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ agoនាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង