នយោបាយ
លទ្ធផលបោះឆ្នោតឃុំ-សង្កាត់ផ្លូវការ នឹងត្រូវប្រកាសតាមការគ្រោងទុក នាថ្ងៃទី ២៦ មិថុនា
មន្ត្រីជាន់ខ្ពស់ គ.ជ.ប បានបញ្ជាក់ថា លទ្ធផលផ្លូវការ នៃការបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី ៥ នឹងត្រូវប្រកាសតាមការគ្រោងទុក នៅថ្ងៃអាទិត្យទី ២៦ ខែមិថុនា ឆ្នាំ ២០២២នេះ។
លោក សោម សូរីដា អគ្គលេខាធិការរង និងជាអ្នកនាំពាក្យ គ.ជ.ប មានប្រសាសន៍ប្រាប់កម្ពុជាថ្មី នៅថ្ងៃទី ២៣ ខែមិថុនានេះថា គ.ជ.ប នឹងពិនិត្យសម្រេចទៅលើផលទ្ធផលផ្លូវការ នៃការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី ៥ ឆ្នាំ ២០២២ នៅថ្ងៃទី ២៤ ខែមិថុនា។ ចំពោះលទ្ធផលបោះឆ្នោតផ្លូវការ នឹងត្រូវផ្សព្វផ្សាយតាមរយៈវិទ្យុ និងទូរទស្សន៍របស់រដ្ឋ នៅថ្ងៃទី ២៦ ខែមិថុនា ឆ្នាំ ២០២២ តាមការគ្រោងទុក ហើយឯកសារជាសេចក្ដីសម្រេចអំពីលទ្ធផលបោះឆ្នោតផ្លូវការ នឹងត្រូវផ្សព្វផ្សាយនៅគេហទំព័ររបស់ គ.ជ.ប។
លោក សោម សូរីដា បានឲ្យដឹងបន្តថា ការបិទផ្សាយលទ្ធផលបោះឆ្នោតបណ្ដោះអាសន្ន មានបណ្ដឹងចំនួនតែ ៥០ ប៉ុណ្ណោះ ដែលប្ដឹងទៅគណៈកម្មការរាជធានី-ខេត្តរៀបចំការបោះឆ្នោត ហើយក៏ត្រូវបានដោះស្រាយបញ្ចប់រួចរាល់ ដោយមិនមានការប្ដឹងមក គ.ជ.ប នោះទេ។
លោកថា «បន្ទាប់ពីបណ្ដឹងពាក់ព័ន្ធ ទៅនឹងលទ្ធផលបណ្ដោះអាសន្ន ដោះស្រាយចប់សព្វគ្រប់ គ.ជ.ប ត្រួតពិនិត្យផ្ទៀងផ្ទាត់ឡើងវិញ អំពីលទ្ធផលបណ្ដោះអាសន្ននេះចប់សព្វគ្រប់ គ.ជ.ប មិនប្រកាសលទ្ធផលបណ្ដោះអាសន្ននេះឡើងវិញទេ គឺប្រកាសលទ្ធផលផ្លូវការតែម្ដង មានន័យថា នៅពេលដែលទទួលបានសម្ភារៈ ឯកសារបោះឆ្នោត ពាក់ព័ន្ធនឹងលទ្ធផលបណ្ដោះអាសន្ន ដែលគណៈកម្មការរាជធានី-ខេត្តរៀបចំការបោះឆ្នោត បញ្ជូនមកឲ្យគ.ជ.ប….គ.ជ.ប ត្រួតពិនិត្យឡើងវិញ ហើយនឹងផ្ដល់សុពលភាពលទ្ធផលបណ្ដោះអាសន្ននេះ ទៅជាលទ្ធផលផ្លូវការតែម្ដង»។
សូមជម្រាបថា ការបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី ៥ បានធ្វើឡើងកាលពីថ្ងៃទី ៥ ខែមិថុនា ឆ្នាំ ២០២២កន្លងទៅនេះ។ ការបោះឆ្នោតនេះ មានគណបក្សនយោបាយចំនួន ១៧ បានដាក់បេក្ខជនចូលរួមប្រកួតប្រជែង យកអាសនៈក្រុមប្រឹក្សាឃុំ-សង្កាត់នៅទូទាំងប្រទេស៕
អត្ថបទ៖ ឃួន សុភ័ក្រ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?