នយោបាយ
ក្រោយខកខាន៣ឆ្នាំ រដ្ឋមន្រ្តីការបរទេសអាស៊ាន នឹងមកជួបប្រជុំគ្នាដោយផ្ទាល់នៅកម្ពុជានៅចុងសប្តាហ៍នេះ
កិច្ចប្រជុំរដ្ឋមន្រ្តីការបរទេសអាស៊ានលើកទី ៥៥ និងកិច្ចប្រជុំពាក់ព័ន្ធផ្សេងទៀតដែលកម្ពុជាធ្វើជាម្ចាស់ផ្ទះ នឹងប្រព្រឹត្តទៅដោយផ្ទាល់ចាប់ពីថ្ងៃទី៣១ ខែកក្កដា ដល់ថ្ងៃទី៦ ខែសីហា ឆ្នាំ២០២២ នៅសណ្ឋាគារសុខា រាជធានីភ្នំពេញ។ នេះ គឺជាការជួបប្រជុំគ្នាដោយផ្ទាល់របស់រដ្ឋមន្រ្តីការបរទេសនៃបណ្តាប្រទេសសមាជិកអាស៊ាន បន្ទាប់ពីខកខានជួបប្រជុំគ្នាដោយផ្ទាល់អស់រយៈពេល៣ឆ្នាំកន្លងទៅ ដោយសារជំងឺកូវីដ១៩។
នៅក្នុងកិច្ចសម្ភាសន៍ពិសេសជាមួយទីភ្នាក់ងារសារព័ត៌មានកម្ពុជាAKP កាលពីសប្តាហ៍មុន លោក ប្រាក់ សុខុន រដ្ឋមន្រ្តីការបរទេសកម្ពុជា បានលើកឡើងឲ្យដឹងថា កិច្ចប្រជុំរដ្ឋមន្រ្តីការបរទេសអាស៊ានលើកទី ៥៥នេះ មិនមែនមានតែប្រតិភូនៅក្នុងអាស៊ាននោះទេ ពោល គឺមានប្រតិភូមកចូលរួមដោយផ្ទាល់រហូតដល់ទៅ៣៩ប្រទេសឯណោះ។ ក្នុងនោះ ២៧ប្រទេស ជាការមកចូលរួមទូទៅ និង១២ប្រទេសផ្សេងទៀត ជាភ្ញៀវរបស់ប្រធានអាស៊ាន។ ប៉ុន្តែ ភ្ញៀវទាំងនេះ លោកឧបនាយករដ្ឋមន្រ្តី ប្រាក់ សុខុន មិនបានបញ្ជាក់ឲ្យដឹងថា មកពីប្រទេសណាមួយនោះឡើយ។
បើតាមលោកប្រមុខការទូតកម្ពុជា កិច្ចប្រជុំរដ្ឋមន្រ្តីការបរទេសអាស៊ានលើកទី ៥៥ នឹងយកលើកបញ្ហាប្រឈមចំពោះមុខនានា មកជជែកពិភាក្សាគ្នា និងកំណត់គោលជំហររបស់ប្រទេសអាស៊ានចំពោះបញ្ហានៅក្នុងតំបន់ ក៏ដូចជា ពិភពលោក។ ក្រៅពីនេះ រដ្ឋមន្រ្តីការបរទេសអាស៊ានទាំងអស់ នឹងជជែកពិភាក្សាគ្នាដែរថា តើគួរធ្វើអ្វីខ្លះបន្ថែមទៀត ដើម្បីធ្វើដំណើរឆ្ពោះទៅកាន់អាស៊ានដែលមានសន្តិភាព ស្ថិរភាព និងអភិវឌ្ឍន៍ ព្រមទាំងរក្សានូវមុខមាត់នៅឆាកអន្តរជាតិ និងរក្សាទំនាក់ទំនងជាមួយដៃគូសន្ទនាផ្សេងៗ៕
ដោយ៖ វណ្ណ សុគន្ធា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ