សន្តិសុខសង្គម

អាវុធហត្ថរាជធានី ឆ្មក់បង្រ្កាបភោជនីយដ្ឋាន «មហាមេឃ» ឃាត់ខ្លួនមនុស្សប្រុសស្រីជាង ៥០នាក់

បានផុស

១ ខែ មុន

នៅ

ថ្ងៃសុក្រ ១ ឧសភា ២០២៦

ដោយ

កម្លាំងកងរាជអាវុធហត្ថរាជធានីភ្នំពេញ សហការជាមួយកងរាជអាវុធហត្ថខណ្ឌសែនសុខ បានឆ្មក់ចុះបង្ក្រាបទីតាំងភោជនីយដ្ឋាន KTV មួយកន្លែងយីហោ«មហាមេឃ» ឃាត់ខ្លួនមនុស្សប្រុសស្រីសរុប ៥៣នាក់ ពាក់ព័ន្ធករណីជួញដូរមនុស្ស និងអនីតិជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការនេះធ្វេីឡេីងកាលពីវេលាម៉ោង១២យប់រំលងអាធ្រាត្រឈានចូលថ្ងៃទី១ ខែឧសភា ឆ្នាំ២០២៦ ស្ថិតនៅតាមបណ្ដោយផ្លូវលេខ ១០១១ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

ប្រភពព័ត៍មានបានអោយដឹងថា ការចុះបង្ក្រាបនេះ ធ្វើឡើងដោយមានការស្រាវជ្រាវជាច្រើនថ្ងៃ និងកំណត់បានយ៉ាងច្បាស់ពីកម្លាំងជំនាញ ទើបដាក់កម្លាំងចុះឡោមព័ទ្ធតែម្តង។ ក្នុងប្រតិបត្តិការជាក់ស្តែង កម្លាំងជំនាញបានឃាត់ខ្លួនមនុស្សប្រុសស្រីចំនួន៥៣ ក្នុងនោះមាន នារី៣៩នាក់ និងបុរស ១៤នាក់ យកទៅសួរនាំ។

ក្រោយពេលប្រតិបត្តិការរួច កម្លាំងកងរាជអាវុធហត្ថបាននាំខ្លួនមនុស្សប្រុសស្រីទាំង៥៣នាក់ ទៅបញ្ជាការដ្ឋានអាវុធហត្ថរាជធានីភ្នំពេញ ដេីម្បីធ្វេីការសាកសួរ និងបន្តតាមនីតិវិធីច្បាប់៕

អត្ថបទ៖ រដ្ឋា