សន្តិសុខសង្គម

ថៃចាប់ពលករខ្មែរ ៥១ នាក់ ដែលលបឆ្លងដែនខុសច្បាប់

បានផុស

២ years មុន

នៅ

ថ្ងៃសុក្រ ១៤ មករា ២០២២

ដោយ

ពលករខ្មែរចំនួន ៥១ នាក់ ត្រូវបានកម្លាំងយោធាថៃ ដែលឈរជើងតាមខ្សែបន្ទាត់ព្រំដែនធ្វើការឃាត់ខ្លួនលើ ៣ គោលដៅ ក្នុងថ្ងៃតែមួយ ខណៈដែលពលករខ្មែរទាំងនេះ កំពុងលបឆ្លងដែនខុសច្បាប់ចូលក្នុងទឹកដីថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រតិបត្តិការរបស់កម្លាំងយោធាថៃ សហការជាមួយតម្រួតការពារព្រំដែនថៃ បានធ្វើឡើងនៅព្រឹកថ្ងៃទី ១៤ ខែមករា ឆ្នាំ ២០២២ ដោយបានឃាត់ពលករខ្មែរសរុបមានចំនួន ៥១ នាក់ លើ៣គោលដៅក្នុងខេត្តស្រះកែវ។

គោលដៅទី ១ នៅត្រង់ចំណុចភូមិ ៤ ឃុំថាប់ភ្រិក ស្រុកអារញ្ញប្រាថេត ដោយបានឃាត់ខ្លួនបានចំនួន ៣៥ នាក់ ក្នុងនោះស្រី ១៩ នាក់ ដែលពួកគេមកពីខេត្តបន្ទាយមានជ័យ ខេត្តព្រៃវែង ខេត្តបាត់ដំបង ខេត្តសៀមរាប ខេត្តកំពង់ធំ និងខេត្តតាកែវ។ គោលដៅទី ២ ត្រង់ចំណុចភូមិ ១៣ ឃុំផានសឹក ស្រុកអារញ្ញប្រាថេត ដោយឃាត់ខ្លួនពលករខ្មែរបានចំនួន ១០ នាក់ ក្នុងនោះស្រី ១ នាក់ និងគោលដៅទី ៣ ត្រង់ចំណុចភូមិ ១០ ឃុំតាប្រាក់យ៉ា ស្រុកតាប្រាក់យ៉ា ខេត្តស្រះកែវ ដោយឃាត់ខ្លួនបានចំនួន ៦ នាក់ ក្នុងនោះមានស្រី ២ នាក់ និងក្មេងស្រី ១ នាក់ សរុបមានចំនួន ៥១ នាក់។ បច្ចុប្បន្នពលករខ្មែរទាំងអស់ ត្រូវបានបញ្ជូនទៅកាន់អធិការដ្ឋានខេត្តស្រះកែវហើយ៕