សន្តិសុខសង្គម

ជនសង្ស័យ២នាក់ លាក់គ្រឿងញៀន២កូនថង់ ត្រៀមលក់ត្រូវនគរបាលបង្ក្រា

បានផុស

៤ years មុន

នៅ

ថ្ងៃពុធ ២៦ មករា ២០២២

ដោយ

បន្ទាយមានជ័យ ៖ ថ្នាំញៀនប្រភេទម្សៅសថ្លា ចំនួន២កូនថង់ដែលមានទម្ងន់ស្មើ៣៧.៧៣ក្រាមត្រូវជនសង្ស័យ២នាក់ កំពុងត្រៀមលក់បន្ត ត្រូវបានកម្លាំង នគរបាលប្រឆាំងគ្រឿងញៀនធ្វើការបង្ក្រាបបាន នៅ ព្រឹកថ្ងៃទី២៦ ខែមករា ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្លាំងនគរបាល ការិយាល័យ ប្រឆាំងគ្រឿងញៀនបានប្រាប់អ្នកយកព័ត៍មានឲ្យដឹងបន្តថាការបង្ក្រាបជនសង្ស័យលក់ថ្នាំញៀននេះបានបន្ទាប់ពីប្រជាពលរដ្ឋល្អ បានផ្តល់ព័ត៌មានឲ្យថា នៅចំណុចផ្លូវជាតិលេខ៦ក្បែរស្ពានទី២ ស្ថិតក្នុងភូមិសាស្ត្រ ភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ ក្រោយពីទទួលបានព័ត៌មានហើយដោយទទួលបទបញ្ជាពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ លោកបានដឹកនាំកម្លាំង នគរបាលការិយាល័យ ជំនាញ ប្រឆាំងគ្រឿងញៀន ចុះប្រតិបត្តិការដល់ទីតាំងធ្វើការ ឃាត់ខ្លួនជនសង្ស័យបានចំនួន២នាក់ ម្នាក់ឈ្មោះ វ៉ុន ពិសី ភេទប្រុសអាយុ៣៤ឆ្នាំ នៅភូមិព្រៃឫស្សី សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ជាអ្នកលក់ថ្នាំញៀន និងម្នាក់ទៀតឈ្មោះ ឡាយ ភារម្យ ភេទប្រុសអាយុ១៨ឆ្នាំ នៅភូមិជាមួយគ្នា ជាអ្នកលក់។

ក្នុងប្រតិបត្តិការបង្ក្រាបគ្រឿងញៀននេះ សមត្ថកិច្ចដកហូតវត្ថុតាងនិងសម្ភារៈជាក់ស្តែង មានម្សៅក្រាមពណ៌សថ្លា ចំនួន២កូនថង់ទម្ងន់៣៧.៧៣ក្រាមថ្លឹងទាំងសំបក,ទូរសព្ទដៃ០១គ្រឿង។

ឆ្លងតាមការសាកសួរចម្លើយ ជនសង្ស័យឈ្មោះ វ៉ុន ពិសី បានសារភាពថា គេធ្លាប់រកស៊ីជួញដូរគ្រឿងញៀននេះ រយៈពេល៣ឆ្នាំមកហើយ គឺរកស៊ីនៅខេត្តសៀមរាបនិងខេត្តបន្ទាយមានជ័យ។

ផ្អែកលើចម្លើយសារភាពនិងមានវត្ថុតាងជាក់ស្តែងនោះ ជនសង្ស័យទាំង២នាក់ កម្លាំងនគរបាលជំនាញ បានបញ្ជូនខ្លួនទៅសាលាដំបូងខេត្តចាត់ការតាមនីតិវិធី នៅល្ងាចថ្ងៃ ទី២៦ ខែ មករា ឆ្នាំ ២០២២ ផងដែរ៕

ដោយ ៖ វ៉ាន់ ណាង