សន្តិសុខសង្គម
ឃាត់ពលករឆ្លងដែនខុសច្បាប់ទៅថៃរាល់ថ្ងៃ ខណៈមេខ្យល់មិនដឹងនៅទីណា
ខេត្តបន្ទាយមានជ័យ៖ សមត្ថកិច្ច ជាពិសេសនគរបាលការពារព្រំដែនគោក តែងបង្រ្កាបបានពលករបម្រុងឆ្លងដែនទៅធ្វើការនៅប្រទេសថៃជាបន្តបន្ទាប់ស្ទើររាល់ថ្ងៃ ខណៈមេខ្យល់ដែលនាំពលករឆ្លងដែននោះ មិនដឹងនៅទីណា។
លោកវរសេនីយ៍ឯក សួង សៅ មេបញ្ជាការ វរសេនាតូចនគរបាលការពាព្រំដែនគោកលេខ៨១៥ បានឱ្យដឹងថា នៅថ្ងៃទី២៥ ខែមេសា ឆ្នាំ២០២២ វេលាម៉ោង ៥ ទាបភ្លឺ ដោយមានការចង្អុលបង្ហាញពី លោកឧត្តមសេនីយ៍ទោ សិទ្ធិ ឡោះ ស្នងការនគរបាល ខេត្តបន្ទាយមានជ័យធ្វើការទប់ស្កាត់ពលករបម្រុងលួចឆ្លងដែនខុសច្បាប់ទៅប្រទេសថៃ មានចំនួន ១៣នាក់ (ស្រី៥នាក់) ត្រង់ចំនុចភូមិក្បាលស្ពាន និងភូមិក្បាល់ទំនុបស្រុកម៉ាឡៃ ខេត្តបន្ទាយមានជ័យ បន្ទាប់ពីបង្រ្កាបបានពលករជិត១០០នាក់ នៅថ្ងៃទី២៤ ខែមេសា ដោយពុំមានមេខ្យល់ក្នុងនោះឡើយ។
នគរបាលបានឱ្យដឹងថា ពលករដែលលួចឆ្លងដែនខុសច្បាប់ខាងលើមានទីលំនៅក្នុងខេត្តព្រៃវែង បន្ទាប់ពីធ្វេីការសួរនាំ និងធ្វេីកិច្ចសន្យារួច បានឱ្យពួកគាត់រង់ចាំនៅទីបញ្ជាការប៉ុស្តិ៍ ដេីម្បីប្រគល់ជូនផ្នែកជំនាញនៅអធិការនគរបាលស្រុកម៉ាឡៃ ចាត់ការបន្តតាមនីតិវិធីច្បាប់។
សូមបញ្ជក់ថា យោងតាមការរៀបរាប់របស់ពលករដែលសមត្ថកិច្ចចាប់កន្លងមក ការចេញទៅថៃគឺតាមរយៈមេខ្យល់ដោយត្រូវចំណាយលុយឱ្យមេខ្យល់ក្នុងមួយនាក់ពី ៥ ០០០ បាត ដោយការទាក់ទងមេខ្យល់តាមទូរស័ព្ទ។
ទាក់ទងទៅនឹងបញ្ហាមេខ្យល់នេះ បើតាមមន្រ្តីនគរបាលការពារព្រំដែនបាននិយាយថា ពលករដែលបង្រ្កាបបានគឺមិនដែលស្គាល់មេខ្យល់ទេ គឺគ្រាន់តែដឹងថាធ្វើដំណើរតាមរថយន្តហើយគេទម្លាក់ឱ្យចុះដើរឆ្លងដែនតែម្តង ដែលធ្វើឱ្យសមត្ថកិច្ចមិនអាចរកមេខ្យល់ឃើញ៕
អត្ថបទ៖ ពៅ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ