កូនប្រុសមន្ត្រីសាលាខេត្តកណ្ដាលម្នាក់ដុតបំផ្លាញផ្ទះខ្លួនឯងឆេះខ្ទេចនៅក្រុងតាខ្មៅ (មានវីដេអូ)

ផ្ទះមួយខ្នងមានទំហំ​ ០៥×០៧​ មែត្រ​ ធ្វើឈើលើថ្មក្រោម ដំបូលប្រក់ស័ង្កសី ដែលជារបស់មន្ត្រីសាលាខេត្តកណ្ដាលម្នាក់ត្រូវបានអគ្គិភ័យឆេះបំផ្លាញអស់ទាំងស្រុង ដោយសារកូនប្រុសបង្កើតជាដុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីដុលបំផ្លាញផ្ទះខ្លួនឯងបណ្ដាលឲ្យឆេះអស់នេះ បានកើតឡើងកាលវេលាម៉ោង១៨និង៥៥នាទីល្ងាច ថ្ងៃទី២០ ខែមិថុនា ឆ្នាំ២០២២ នៅចំណុចភូមិដើមគ សង្កាត់ដើមមៀន ក្រុងតាខ្មៅ ខេត្តកណ្ដាល។

យោងតាមរបាយការណ៍សមត្ថកិច្ចបានឲ្យដឹងថា ម្ចាស់ផ្ទះរងគ្រោះ​ឈ្មោះ ចាប ចាន់ណារី ភេទ​ស្រី អាយុ​៥១​ឆ្នាំ ជនជាតិខ្មែរ មុខរបរមន្រ្តីសាលាខេត្តកណ្តាល ។

របាយការណ៍បញ្ជាក់ថា សម្ភារៈដែលខូចខាតរួមមាន ប្រាក់រៀល ៤០០.០០០​ រៀល ប្រាក់ដុល្លា ៤០០ ដុល្លារ​ និងសម្ភារៈប្រើប្រាស់ក្នុងផ្ទះត្រូវឆេះអស់ទាំងស្រុង ដោយសមត្ថកិច្ចបញ្ជាក់ពីមូលហេតុថា បណ្តាលមកពីជនសង្ស័យឈ្មោះ ស៊ិន ប្រសិទ្ធិ ភេទ​ប្រុស​ អាយុ​២៧​ឆ្នាំ​ (ត្រូវជាកូនប្រុសបង្កើត)​ ជាអ្នកដុត។

ករណីនេះកម្លាំង​អន្តរាគមន៍​បង្ការ​ពន្លត់​អគ្គិភ័យ​ និងសង្គ្រោះ​បានសហការជាមួយកម្លាំងអធិការនគរបាលក្រុងតាខ្មៅ កម្លាំងនគរបាលប៉ុស្តិ៍ដើមមៀន បាញ់ពន្លត់ទាន់ពេលវេលា មិនបណ្តាលឲ្យឆាបឆេះដល់ផ្ទះអ្នកដទៃឡើយ ដោយប្រើ​ប្រាស់​រថយន្ត​ចំនួន​០២​គ្រឿង ប្រើប្រាស់អស់​០២​រថយន្ត​៕

អត្ថបទ៖ សុខុម