សន្តិសុខសង្គម
ឃាត់ខ្លួនជនស៊ីវិល ២នាក់ ជិះឡានពាក់ស្លាកលេខ ខ.ម ដើរបរបាញ់សត្វព្រៃ នៅស្រុកថ្មបាំង
កម្លាំងកងរាជអាវុធហត្ថ និងបុគ្គលិកអង្គការសម្ព័នមិត្តសត្វព្រៃប្រចាំខេត្តកោះកុង បានឃាត់ខ្លួនជនសង្ស័យ ដែលស្លៀកពាក់ស៊ីវិល ២នាក់ ពាក់ព័ន្ធនឹងការបាញ់សម្លាប់សត្វព្រៃដោយខុសច្បាប់ ក្នុងតំបន់ការពារធម្មជាតិនៅស្រុកថ្មបាំង ខេត្តកោះកុង។
ការឃាត់ខ្លួនជនសង្ស័យ ២នាក់នេះ ធ្វើឡើងនៅចំនុចភូមិទឹកល្អក់ឃុំ ជីផាតស្រុកថ្មបាំង ខេត្តកោះកុង កាលពីថ្ងៃទី ៦ ខែកញ្ញា ឆ្នាំ ២០២២។ ចំណែកបក្ខពួក ២នាក់ផ្សេងទៀតបានរត់គេចខ្លួន ខណៈសមត្ថកិច្ច និងបុគ្គលិកអង្គការសម្ព័ន្ធសត្វព្រៃ តាមចាប់មកអនុវត្តនីតិវិធី។
យោងតាមផេកហ្វេសប៊ុកផ្លូវការ របស់ស្នងការនគរបាលខេត្តកោះកុង បានឲ្យដឹងថា ជនសង្ស័យ ២នាក់ ដោយទី១. ឈ្មោះ ស្រី វាសនា ភេទប្រុស អាយុ ៣៥ឆ្នាំ ជនជាតិខ្មែរ មុខរបរ ជាបុគ្គលិកក្រុមហ៊ុន មានទីលំនៅ ភូមិអូរដឹម សង្កាក់ចោមចៅ ខណ្ឌសែនសុខ រាជធានីភ្នំពេញ, និងទី២. ឈ្មោះ ហុង រត្នមុនី ភេទប្រុស អាយុ ២៩ឆ្នាំ ជនជាតិខ្មែរ មានទីលំនៅសង្កាត់ទឹកល្អក់ ១ ខណ្ឌទទួលគោក រាជធានីភ្នំពេញ។
តែទោះយ៉ាងណា សមត្ថកិច្ចនគរបាលខេត្តកោះកុង មិនបានបញ្ជាក់អំពីអត្តសញ្ញាណជនសង្ស័យ ជាកងកម្លាំងនៅអង្គភាពណាមួយនោះទេ គ្រាពួកគេបានបើកបរថយន្តស្លាកលេខ ខ.ម ចូលទៅតំបន់ការពារធម្មជាតិ ជួរភ្នំក្រវ៉ាញខាងត្បូង ដើម្បីបរបាញ់សត្វព្រៃ។
វត្ថុតាងដែលបានដកហូតរួមមាន៖ រថយន្តម៉ាក ហ្វតពណ៌ត្រេអ៊ី ពាក់ផ្លាកលេខ ២-៤៧៩៣ ខេមរៈភូមិន្ទ២ ចំនួន ១គ្រឿង, សត្វប្រើស ១ក្បាល, សម្ពោច ១ក្បាល, សាច់សត្វមួយស្បោងតូច, អាវុធចំនួន ៥ដើម វែង ២ដើម ខ្លី ៣ដើម និងគ្រាប់ចំនួន ៥៩គ្រាប់។
លោក វ៉េត សុខនីម អនុប្រធានមន្ទីរបរិស្ថានខេត្តកោះកុង ឲ្យដឹងដែរថា បច្ចុប្បន្ន ជនសង្ស័យទាំង ២នាក់ កំពុងឃុំខ្លួននៅក្នុងមន្ទីរបរិស្ថានខេត្តកោះកុង ដោយបន្តកសាងសំណុំរឿងបញ្ជូនទៅតុលាការ ចាត់ការតាមនីតិវិធីច្បាប់៕
អត្តបទ៖ សិរីវឌ្ឍនៈ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៤ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម២១ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ