សន្តិសុខសង្គម

អាជ្ញាធរខេត្តបន្ទាយមានជ័យ ដាស់តឿនអ្នកបើកបរតាមផ្លូវជាតិ យល់ដឹងពីសុជីវធម៌ក្នុងការបើកបរ

បានផុស

៤ years មុន

នៅ

ថ្ងៃសុក្រ ១៦ កញ្ញា ២០២២

ដោយ

លោក សុក ចាន់ថា ប្រធានមន្ទីរសាធារណៈការ និងដឹកជញ្ជូនខេត្តបន្ទាយមានជ័យ បានក្រើនរំលឹកដល់អ្នកបើកបរនៅតាមផ្លូវជាតិ ត្រូវយល់ដឹងអំពីសុជីវធម៌ ក្នុងការបើកបរច្បាប់ចរាចរណ៍និងសញ្ញាចរាចរណ៍ផ្លូវគោកឲ្យបានច្បាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកសុក ចាន់ថា បានលើកឡើងថា សុវត្ថិភាពចរាចរណ៍ផ្លូវគោកនេះ មានសារៈសំខាន់ណាស់ដើម្បីជំនួយស្មារតីដល់ អ្នកបើកបរទោចក្រយានយន្ត ទោចក្រយានយន្តសណ្តោងរ៉ឺម៉ក ត្រីចក្រយានយន្ត ត្រូវយល់ដឹងពីសុជីវធម៌ ក្នុងការបើកបរ ច្បាប់ចរាចរណ៍ និងសញ្ញាចរាចរណ៍ផ្លូវគោក។

លោកលី សារី អភិបាលរងខេត្តបន្ទាយមានជ័យបានមានប្រសាសន៍ថា គ្រោះថ្នាក់ចរាចរណ៍កើតឡើងមកពីកត្តា ៧ យ៉ាងគឺ ១/ការបើកហួសល្បឿនកំណត់ធ្វើឲ្យយើងបាត់បង់ម្ចាស់ការនៅពេលដែលមានឧបសគ្គដោយចៃដន ២/បើកនៅក្រោមឥទ្ធិពលនៃគ្រឿងស្រវឹងនិងគ្រឿងញៀននៅពេលអត់ងងឹយខ្លាំងហេវហត់ខ្លាំង ៣/ការមិនគោរពសិទ្ធអទិភាពនៅកន្លែងផ្លូវប្រសព្វឬនៅលើផ្លូវដែលមានប្រសិទ្ធភាព ៤/បើកជែងគ្នាដោយខ្វះការប្រុងបករយ័ត្ន ៥/មិនគោរពច្បាប់ចរាចរណ៍ និងភ្លើងសញ្ញាចរាចរណ៍ ៦/ការបត់ឆ្វេងឬថយក្រោយគ្មានការប្រុងប្រយ័ត្នជាដើម៧/មិនបានមើលគំនូសផ្លាកសញ្ញាចរាចរណ៍ តើត្រូវជិះតាមណានេះកំពុងក្លាយ ជាបញ្ហដ៏ធំផងដែរ។

លោកលី សារី បានក្រើនរំលឹកថា បើសិនប្រជាពលរដ្ឋមិនចូលរួមគោរពច្បាប់ចរចរណ៍ឲ្យបានគ្រប់គ្នាទេនោះ គ្រោះថ្នាក់ដោយសារចរាចរណ៍នឹងអាចកើនឡើងជាងមុន។

លោកបន្តថា ការគោរពច្បាប់ចរាចរណ៍ គឺត្រូវពាក់មួកសុវត្តិភាពទាំងអស់គ្នា មិនត្រូវបើកបរទាំងមានភាពស្រវឹង ជៀសវាងជិះម៉ូតូវ៉ាស្តាំ ចំពោះបងប្អូនដែលជិះរថយន្តត្រូវដាក់ខ្សែក្រវ៉ាត់ឱ្យបានត្រឹមត្រូវមុនចេញដំណើទោះជិតឬឆ្ងាយក្តីដើម្បីសុវត្តិភាពបងប្អូន៕

អត្ថបទ៖ វ៉ាន់ ណាង

Related Topics:ខេត្តបន្ទាយមានជ័យ