សន្តិសុខសង្គម
ស្នងការបំភ្លឺជុំវិញគណនីហ្វេសប៊ុកស្ត្រីម្នាក់ចោទប្រកាន់ប៉ូលិសចរាចរណ៍
ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ នៅថ្ងៃទី ៣ ខែមីនា ឆ្នាំ ២០២៣នេះ បានបំភ្លឺថា ស្ត្រីម្នាក់ដែលបានបេីកបរ ឆ្លងផុតគំនូសស ឬគំនូសសញ្ញាសម្រាប់អ្នកថ្មេីរជេីងហេីយ ភ្លេីងបានលោតលឿងនោះ សមត្ថកិច្ចមិនបានធ្វេីការផាកពិន័យ ហេីយក៏មិនបានប្រេីប្រាស់កាយវិការ ពាក្យសំដីមិនសមរម្យនោះទេ នៅពេលមន្ត្រីហៅគាត់ឈប់ដេីម្បីពន្យល់ ណែនាំអប់រំ គាត់បែរជាយំរហូត ដោយមិនមានរណាម្នាក់ធ្វេីអ្វីគាត់ផងនោះ ឃេីញដូច្នេះមន្ត្រីក៏បានប្រាប់គាត់ឲ្យឈប់យំ សមត្ថកិច្ចគ្រាន់តែណែនាំអប់រំ ហេីយឲ្យគាត់បេីកចេញទៅ។
![](https://www.kampucheathmey.com/wp-content/uploads/2023/03/photo_2020-05-14_21-12-46.jpg)
សេចក្តីបកស្រាយបំភ្លឺព័ត៌មានរបស់ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញបានធ្វើឡើង បន្ទាប់ពីគណនីយហ្វេសប៊ុកមួយឈ្មោះ Rachana Kim បានផុសថា “រាល់ថ្ងៃនេះ ក្រៅពីចោរ គឺប៉ូលិសនេះហើយគួរឲ្យខ្លាច នៅស្តុបអាងទឹកអូរឡាំពិក…”
ស្នងការដ្ឋាននគរបាលរាជធានីភ្នំពេញ បញ្ជាក់ថា តាមច្បាប់ចរាចរណ៍ផ្លូវគោគ អ្នកដែលល្មេីសច្បាប់ ត្រូវតែធ្វេីការផាកពិន័យតាមច្បាប់ ការគោរពច្បាប់បានល្អរបស់ប្រជាពលរដ្ឋ បង្ហាញពីចរិតនៃការចូលរួមគោរពច្បាប់ និងបង្ហាញពីកិត្យានុភាព និងកិត្តិយសរបស់ប្រជាជាតិ និងប្រជាពលរដ្ឋរបស់ប្រទេសនោះផងដែរ។
ដូច្នេះ! បេីមានភ្លេីងសញ្ញា ផ្លាកសញ្ញា គំនូសសញ្ញា និយាយជារួមមានច្បាប់ហេីយមិនគោរព តេីវានឹងបង្កឲ្យមានគ្រោះថ្នាក់ចរាចរណ៍កម្រិតណា ធ្វេីឲ្យបាត់បង់អាយុជីវិត គ្រោះថ្នាក់បណ្តាលឲ្យពិការ និងបាត់បង់ទ្រព្យសម្បត្តិជាច្រេីនទៀតផង ។ ក្នុងករណីដែលអនុវត្ត ឬពិន័យខុស ជារឿងរបស់បុគ្គល បេីបុគ្គលធ្វេីខុស ធ្វេីលេីសពីការណែនាំ នោះនឹងត្រូវទទួលការអនុវត្តវិន័យ ឬអនុវត្តតាមច្បាប់ ទៅតាមស្ថានភាពកំហុសជាក់ស្តែង។
មួយរយ:ពេលកន្លងមកនេះមន្ត្រីមួយចំនួន ដែលបានអនុវត្តខុស ឬអនុវត្តលេីសការណែនាំ ត្រូវបានអនុវត្តវិន័យ ដោយបានធ្វេីការដាក់វិន័យ ដកតួនាទី ឬ បន្ថយឋានន្តរស័ក្ត ជាដេីម ដេីម្បីជាការព្រមានឲ្យដឹង និងយល់អំពិកំហុសដែលបានប្រព្រឹត្តិ។
បញ្ជាក់ថា៖ ពាក់ព័ន្ធអ្នកបើកបរយានជំនិះពេលមកដល់ភ្លើងស្តុបពណ៌លឿង បើកបរជ្រុលបានន័យថាកង់ខាងមុខឆ្លងផុតគំនូសជាប់ពណ៌សដែលកាត់ទទឹងផ្លូវ ឬមានគំនូសថ្មើរជើងឆ្លងកាត់ អ្នកបើកបរនៅតែអាចបន្តដំណើរទៅមុខបាន អាចទៅមុខត្រង់ បត់ស្តាំ ឬបត់ឆ្វេង ករណីនេះមន្ត្រីចរាចរណ៍មិនអាចផាកពិន័យបានទេ៕
![](https://www.kampucheathmey.com/wp-content/uploads/2023/03/334165952_246714427767185_577135015283172372_n-493x1024.jpg)
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ