Connect with us

សន្តិសុខសង្គម

សមត្ថកិច្ចខេត្តកោះកុង បង្រ្កាបក្មេងទំនើង៤នាក់ រកឃើញវត្ថុតាងមួយចំនួន

បានផុស

នៅ

អាជ្ញាធរខេត្តកោះកុង សហការជាមួយអាជ្ញាធរសមត្ថកិច្ចក្រុងខេមរភូមិន្ទ ល្បាត និងបង្រ្កាតបានក្រុមក្មេងទំនើងចំនួន៤នាក់ ក្រោយពិនិត្យរកឃើញរក្សាទុកអាវុធមុតស្រួច និងសារធាតុញៀនមួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហាក់ ឡេង អភិបាលរងខេត្តកោះកុង បានឱ្យដឹងថា អាជ្ញាធរខេត្ត និងសមត្ថកិច្ចអាជ្ញាធរក្រុង កាលយប់ថ្ងៃទី១១ ខែមិថុនា ឆ្នាំ២០២៤ ចុះល្បាតត្រួតពិនិត្យការពារសន្តិសុខសណ្តាប់ធ្នាប់ជូនប្រជាពលរដ្ឋ ដោយតបតាមការណែនាំរបស់លោកស្រី មិថុនា ភូថង អភិបាលខេត្ត។

នៅថ្ងៃទី១២ ខែមិថុនា នេះ បើតាមលោក ហាក់ ឡេង ប្រតិបត្តិការនេះធ្វើឡើងយ៉ាងសកម្មបំផុត លុះដល់ត្រង់សួរច្បារមាត់សមុទ្រ ទល់មុខសាលាបឋមសិក្សាទីរួមខេត្ត ក៏សង្ស័យលើក្រុមក្មេងចំនួន៤នាក់ ទើបសុំឆែកពិនិត្យរបស់ពួកគេក៏រកឃើញមានដែកឆាប១ដើម កញ្ឆា៥កញ្ចក់ បារីអេឡិចត្រូនិច៣ដើម និងដែកកេះ៣។

ក្រោយពិនិត្យឃើញដូច្នេះ ក្រុមក្មេងទំនើងទាំងនោះត្រូវឃាត់ភ្លាមៗបញ្ចូនទៅកាន់អធិការដ្ឋាននគរបាលក្រុងខេមរភូមិន្ទអនុវត្តនីតិវិធី។ ក្មេងទំនើងចំនួន៤ខាងលើនេះ ទី១ឈ្មោះ លាប សម្បត្តិ អាយុ២៤ឆ្នាំ មុខរបរមិនពិតប្រាកដ ទី២ ឆៃ លីហួរ អាយុ១៨ឆ្នាំ រៀនថ្នាក់ទី១២ ទី៣ សាត សំបូរ អាយុ២០ឆ្នាំ មុខរបរមិនពិតប្រាកដ និងទី៤ ឈ្មោះ ណាត ច័ន្ទ អាយុ១៧ឆ្នាំ មុខរបរជាងផ្សារដែក។

រីឯលោកវរៈសេនីយ៍ឯក យស់ ចាន់វិចិត្រ អធិការនគរបាលក្រុងខេមរភូមិន្ទថ្លែងថា ក្រុមការងារជំនាញរបស់លោកកំពុងពិនិត្យសាកសួរ និងធ្វើកំណត់ហេតុតាមនីតិវិធី និងបន្តពិនិត្យល្បាតបន្ថែមលើក្រុមក្មេងទំនើងដែរជាប់ពាក់ព័ន្ធ៕

អត្តបទ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៣ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៧ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៨ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម